Corrido qñg bie nang queralanan ning metung a miglayag a milaguiung Simbad/5

by Cornelio A. Pabalán Byron

[ 65 ] [ 66 ]

 Metung yang puerto na niting dayat-malat

ing ine pintalan ning mababang palad

maqui panalala ba'na cung é dapat

caring pecapun da ding Barcang matuyag.

 Pepagaua cu ping sariling sacayan

iniang mayari ne seque cu nang̃an

ing mang̃aragul á cacung calacal

caring mamañaque tinangap na cu man.

 Pigmulan mi na pin itang pamaglayag

cabud iniang atin inusig ming mayap

angin á tiniup quetang dayat-malat

nung nu que man ume á bisang magtang̃as.

 Macabang layagan icua ming sidsaran

ing metung á pulu pauang caranglayan

á nung nu ya iquit maustang á matan

ing metung á ebun sari qñg degulan.

 Ebu'ne pin ning Roc, ayup á mayubu

cabas ne't catulad minunang iquit cu

canitang merapat caduang paglacbe cu

é neman tauli iti qñg laue cu.

 Malapit neng mapsa sisi nang sisibut

ing anting malai mataro nang tuctue

canitang balat na ebun á penasbuc

iting mepaliari pauaga't panasbuc.

 Ding cacung cayabe qñg pamangalacal

canitang palacul carela neng bilbal

ing balat ning ebun itang Roc, nang laman

pemimirasu re at maustang ningnang.

[ 67 ]

 Selangsang co pin qñg cacung panaquit

qng macatibi la qng tutung panganib

é ra cu picabiang tune rang pinilit

sablang á nangnang da pengan dang alimit.

 Alus ali ra pa á lubus á yamin

queque é marayu linto na ita nin

iting aduang lulam pinpana'na que pin

tutung sari dagul catambal na angin.

 Macatacut pin mo é sucat á unus

cabas na mo uari masican á búlus

Capitan qng saquen bigla nang inutus

qñg Barco saque na puntalan ing laut.

 Pablasang tambing nang iti á timalad

pepatuyag na pin masican guilisac

qng itang mabilis pañatang dang ganap

pengari na ning Roc, pete ra't inapas.

 Nğana pin mirapal dulung na que‘t saque

agad-agad naman memintu queng tune

ó nung ali sana yang mepaliari

canitang panganib lubus queng mitaque.

 Memintu na que pin yang agad pintan

belican ing laut carayat-malatan

ding caparis á Roc, milapit lang biglan

depatan da na pin guinagang masican.

 Maragu'la mua á é pin á cauat

diquil qñg ebun dang mesira't misalbag

uling ing sisi ra ala yung matuyag

inia itang lub da mua at magsalbat.

[ 68 ]

 Agad mequilala bisa lang mamali

qng penibatan da mibalic nong dagli

sinulapo matas á alang cauanqui

bigla nong meuala é mu no á uri.

 Bigla mi nong lintang deting sablang layag

ucul mi ba'que sang lubus mipanginlag

quetang macaniung panganib ming miras

inia ilang laut ing quequeng pigagap.

 Quinisap mung horas queta ing miralan

ding Roc iquit mi la miluntung miuman

magpatilo babo masipit daratang

magsacma'lang batu sari qñg degulan.

 Quecami bigla lang marapal migtulid

ing metung carela sildac neng bininit

tulid ning sacayan batung queang bitbit

bane ping á salbag qñg ba'queng mapulid.

 Quecayap na niti ing quequeng piloto

matni neng a pildis sacayan ming Barco

dimpa ya man itang maragul á batu

catalindiquingan pin at é que ninanu.

 Batu casaldac na canitang danuman

mebusni't misangi anga calalaman

pati qñg laut na carayat-malatan

paua nang guinabac qñg sari nang sican.

 E ata ing danum biglang panga galo'

iting sari dagul canita ne linto

metung ya ping asan ngeni pagsulit cu

asbuc macanğanĝa tumacut cang tutu.

[ 69 ]

 Nung uculan uari ampon timalaran

aguiu na que uaring asanan acmulan

dapot cararali iti limbug neman

sinubling miluntu quetang calalaman.

 Iting caduang Roc ya namang depat na

sildac ne at bildug ing batung dala na

batu nang pepatud qñg saquen mi queta

bigla nang mebangal mepiraque adua.

 Deta ning queraclan taung pacasaque

mausta lang limbug caniting miliari

at caring aliua metung cu careti

libutad ning laut tune caue-caue.

 Cabud á sagaran itang gabun lalam

migpatilo na cu babo ning danuman

metung ya ping tabla ing á calauatan

ya nang gueua cu miliaring timbulan.

 Qñg aplit cung came a alang palieat

qñg metug á pulu ieua cu ring miras

aguia mang masulit cacung pangaligtas

inimbutan cu rin ing sinacang patag.

 Linucluc qng dicut ya nang depatan

ba'cung payɲaua qñg dagul ning pagal

saca cu piu mengan bunga ding tanaman

miayaliua asque purung manĝañaman.

 Caibat na nita bigla nang tiniedo

itang gabun carin pengilalanan cu

iniang ataluse maustang' iquit cu

tutung macayama qñg panlalaue cu.

[ 70 ]

 Sinulung na cu pin qñg cabubusalan

tintunan cung dalan cacu yang á matan

metung á macatua macalucluc neman

qñg pampang ning sapa quetang cacarinan.

 Yang metibubus qñg ganang ucul cu

metung ya ping limbug á antimo acu

inatu cu ne pin quea na mecaguiu

nun é ing buntuc na ing maustang dicu.

 Nananu ya carin qñg canacung cutang

ampon ninu iya quetang cacarinan

mequibat ya cacu puru mu ping siñal

á paralaquit ya casumang̃id pampang.

 Qñg pang̃a lunus cung tatang̃al macaquit

sinimbaban cu ne cang̃atbat delaquit

iniang miras que pin cangatba sumang̃id

paculdasan cu ne pablasang matulid.

 Qñg lugal aguia mang pemintua'na cu man

sicbit nong bitis na qñg canacung batal

anti man iti nan cacung á uculan

ng̃acu maina ne uli na ning quetuan.

 Peca saca na ne iting acmulan cu

mabilug cung isip ing malumud na cu

mealang inaua cabud miragsa cu

é na cu binili nanu mang depat cu.

 Libaca'nong ditac ding aduang bitis na

macaguiu na quea iting depata'na

mirinan cung baguia queta pang̃isnaua

nu cu é uculan ing bie macua na.

[ 71 ]

 Inaua cung sadia iniang pamibalic

quinabid na na cu qñg lalung matalic

qñg bitis nang metung ning matuang pigsulit

saca sisingquilan qñg cadua nang bitis.

 Catalindiquingan ing queang depatan

cari'na siningquil at ba'cung puntalan

sulmucan ita ning lalam carutungan

ba‘cung biglang ticdo carin que pin dalan.

 Nasa na ba'que ping icua caring bunga

caretang tanaman sucat á panga'na

iti aldo-aldo ya nang dapat na

é na cu binili ning mesabing matua.

 Peratia'nang bina itang pangacaul

canacu ning matua nung pilan panaun

nĝeni nung bengi na quetang lub na sumpung

lubaca'nang baguia queang pangacaul.

 Pablasang qng bengi lugal painaua

at lubus magquera gabun á marimla

lasa ali pa man meyabac canita

cabud na sicaran caretang bitis na.

 Patalacara na ampon palacaran

qñg patitinġapun iti alang tuenang

cacung panga sucul mistula mung sabian

ali que á cabius ing canacung pusan.

 Qñg misan á aldo mecaquit cu queta

bunga rang malangi detang culubasa

dimput que ing metung ang gabun canita

gatá ra ding uvas agad quitmu cu ya.

[ 72 ]

 Culubasang iti canacu neng licuan

qng metung á culcul canitang carinan

at quetang pu'na metung á tanaman

á iquit cu carin tune macatanam.

 Inia ping milabas ing mapilan aldo

migsundu cu't minum qñg gatang pisiag cu

qng sari nang yaman inia quelinguan cu

ing binang mapait á pangabili cu.

 Anting sira uari ing canacung buntuc

nung lalacad cu man sasabing miunus

cacanta't teteraç ing dapat cu cabud

nanu pa't ing matua paua nang á talus.

 Matua iting bague queang apibatas

ing panġa lasing cu canita ning alac

siniñal na na pin cacung á pibalac

painuman que pin yang queang diuat.

 Quinua ne canita iting culubasa

saca ne linapit queta qñg asbuc na

mañaman á alac pati á tacma'na

minum ne't nipnap na at alang tiga'na.

 Queti ing singo na alac á penasbue

minuquiat sinagad quetang queang buntue

cari'na migmula dinalit neng lubus

at aduang pago eu tigu'nang melaus.

 Pilubac lubac no queta ditac-ditac

ding aduang bitis naug cacu macacauat

pangatabili cu tambing queng tinulac

miragsang malasing alang á carapat.

[ 73 ]

 Ing batung maragul quinua cu ne't dimput

piragli queng dilpac quetang queang buntuc

pang̃aligtas cu na qñg matuang bugasuc

ing canacung bili migtang̃as qñg laut.

 Pepainturu cu quetang dayat-malat

quipnuan cu qñg tula qñg pusu menactac

lalu nang milusuc pati pin á malas

detang marineros bayu pang sinadsad.

 Ing bili ra carin ating painaua

lapitan cu no pin selita carela

ing queralanan cung pang̃anib á dimpa

abalu rang sabla mipamulala la.

 Uling disan da cu at maustang mabie

inia ng̃ara ng̃an pin ica pa mung tune

anti quetang matua ing é na á pate

taung lulumud na at é no micaue.

 Ng̃ara pa ninu man ing queang aracap

ali no ibili nung é la mayapas

á pate qñg lumud taung mipajamac

uling dacal na la ding mealang palad.

 Ding mang̃aras carin ali la pabilang

qñg pulu maglicas careting' sacayan

cataung mang̃ang̃as dit man é caguiuan

nun é la mu malda ing pulu suluran.

 Nanu pa't mepupus sablang salita ra

inusi ra na cung sinaque canita

queti ing sacayan miras misadsad ya

qñg metung á puerto pilan aldo ita.

[ 74 ]

 Metung yang maragul at masayang Ciudad

ing queang sidsaran secayan ming lat

nanu ing miliari at canacung depat

marinerong metung mequi calung mayap.

 Dela na cu pin mo urunga'nang bale

súput yang maragul ing cacu na biñe

penabili'na pin ing bili cu niti

caring tau carin á queang cayabe.

 Atino mang suput á antimo acu

pisiag na carela ing ituqui ra cu

qng pamanguang ungut detang maldang tau

iti pauli na lunus na canacu.

 Lub ning patinĝapun tangap cu qñg canan

careta ning tau minusi na cu man

metung yang malapad maulang caqueuan

ita ning ine mi pigsarian at pintan.

 Mipnu ya ping dutung maragul at matas

ampon manğatulid ing carelang bicas

catauan ding dutung qñg sariling malas

tela masulit pin itang pamanuquiat.

 Ing á vacuanan mo qñg carelang bunga

Ma pin ding ungut tutung matulid la

iniang meluat na que qñg caqueuan queta

quecami nang iquit tenğalan ding mata.

 Detang mirarapal muquiat ampon culdas

ding misnang cacapal machin á marauac

careta ning dutung á cacung inulat

ya nang depat da ding cayabe cu't casap.

[ 75 ]

 Careta ning batu miñaclut nong tambing

layun pemasibas careta ning machin

á pacacalauat caring dutung mu rin

cabud panaquit cu mequiapus na cu pin.

 Pangabasibas da careta ning batu

deta ninang machin á apagsulit eu

careta ning ungut cacua lang miluntu

quecami yablas da babarongang tutu.

 Ya mong carelang papaquit a mua

mesabing animal cacung pepauaga

ing pamamaronga sindu mi ngan sabla

careta ning batu carin que pasicua.

 Ngeni nung mablas la ding babasibasan

bunga ra ding ungut carin la managtal

panipunan mi la pangaras da lalam

quinatmu lang suput ali que mebalam.

 Pangayari nita yang quequeng depat

minta nang mibalic carin qng Ciudad

miñe suput cacu beyara'nong agad

ding bungaring ungut icua cung á palad.

 Pasublia'na cu pa qñg tauling aldo

caring cualtang dacal ban macatipun

sucat cung á rala qñg pamanuli cu

ngening paique na tune balayan cu.

 Qñg pamanusig cu masampat á ucul

inapuran cu na itang pamanipun

dacal nomang ungut ding cacung á cumcum

qñg aldo linabas horas at panaun.

[ 76 ]

 Itang pamanipun cabang daraptan cu

yang panulac na secayan cung Barco

inapuran cu na anga ning ala yu

careta ning ungut ing pamanguang tutu.

 Menaya cu pa mung mapilan panaun

aldo é meaba é naman megurung

atin ping sacayan á alinang daung

paique at muli qñg tibuan cung gabun.

 Iniang mitangcap na ing gani cu't gayac

pepasaque co ngan ungut cung quinalap

at qñg cacaluguran memun matalastas

ba'na ping abalu ing canacung lacad.

 Caibat ning pamamun qñg cacaluguran

qñg metung á pulu pepaique naman

caretang canela magcang ating dacal

sucat sang á dala maliaring calacal.

 Caibat na nita mine cung limpat

pulu ning Cumari, ing yaus at bansag

nung nu la macapal dutung á mangatas

mipalaguiuan Alos qñg sabi ding pantas.

 Ing gatás da deti ya ping acsibal

darala cung ungut piglibe cu noman

caring aduang bunga á mipasubalian

canita ning pulu canacung selese.

 Metung qñg caniti á cayabe ra pa

deta ning aliua á mangalacal pa

linague na que pin dinacap canita

careta ning perlas sari qñg ulaga.

[ 77 ]

 Miusi na que man caretang mañungab

iting inupajan cu sarili queng tatag

pangacasna mi na qñg dacal á perlas

minuli na cami tambing nang linayag.

 Miras cung mapala qñg calimang ucdu

queti balen Bagdad tune quebandi cu

acsibal, canela, perlas á dala cu

cayablia‘na niti maragul ping tutu.

 E cu pin melilung memiraque dacal

pinlimus qng tubu cacung paquinabang

mitagan caniti nasa cung gamitan

busal caratunan ding cacaluguran.

 Macanian naman ping pinupus nang Simbad

itang salita na qñg bie milabas

qñg pamaglacbe nang calimang melutas

at pamaglayag na caring dayat-malat.

 At caibat na nita biñe no cang Nadir

dinalan á Zequi pigcalub nong tambing.

at inagcata'ne quea ngana mu rin

macatuquing aldo maqui sulu ya pin.

 Miras naman itang bitnul na ping Simbad

aldo rang misulu añaya na't tatag

qng titingiran da cari'na na pisiag

canam. nang paglacbe bie nang merapat.

 Qñg capamisanan ding malda caniti

metung ya y Nadir caring nobleng sugui

quea nang pigmulan delana'nang bie

canam nang paglacbe anti queni sabi.