Corrido qñg bie nang queralanan ning metung a miglayag a milaguiung Simbad/4

by Cornelio A. Pabalán Byron

[ 46 ] [ 47 ]

 Qñg misan a aldo carin que qñg laut

masican á ang̃in bigla nang a yabut

itang dayat-malat mabiung malimpuyut

tau ninu caya é masdan tumacut.

 E me caguiu itang licsi na't sicanan

Capitan qñg Barco á quequeng secayan

ing batung maragul queang asumpungan

misalbag neng Barco qñg danum linutang.

 Uli ning mabagsic masiri nang sang̃il

ning é mayampula mabilis a ang̃in

ing Barcang secayan inia é mepiguil

mibungu qñg batu ing quesira na pin.

 Ding taung queraclan meng̃a mate nala

ing sablang calacal milutang-lutang na

apalaran cu mong mecacauat queta

queting micauaning capirasung tabla.

 Manibat na queta ing pang̃aligtas cu

pati ding mapilan cayabe qñg Barco

qñg metung á pulu depulpul na que mo

canita ning agus misadsad queng tutu.

 Magjimate que pin qñg uli ning danup

uling catambal na pagal á malusuc

é mi na picabiang itang calmang mamuc

migquera qñg gabun quebucas queng lubus.

 Anga qñg meyabac sinlag ya ing Febo

mitas qñg aslagan qñg quequeng pamatio

pulung asadsaran siluran mi ne mo

ing maguing carasan é mi na sininu.

[ 48 ]

 Ditac pa mu itang carin lecaran mi

mecabatio na que careta ning bale

linapit queng dagli iqueng miabe-abe

mecacabulad mu quibcub da que queti.

 Daca'lang matuling ba'la ping carela

piraque ra que pin yang depatan da

pitutuctutuc da ba'la ping carela

dela at inusi quetang tuenangan da.

 Acu at ding atlu cayabe cu naman

pinue da queng quine qñg metung á lugal

licluc dang melaus caretang luclucan

at qñg bulung dutung layun inaduangan.

 Siñal da quecami iti papacan da

migealupsupan cu uli ning ain da

ditac man ali cu tinacman canita

dapot ding yabe cu ila menusig la.

 Darala'na ata masasal dang danup

alang picacunu menġa'nong melaus

sinaguling horas carela metalus

tune ra nong bijag deting á panasbuc.

 Manibat canita mequilala naman

miayaliua na carelang pañabian

é no micatunu deti nan nung misan

iting á pagsulit pauang miliari ngan.

 Inainan da que catuqui na nita

qñg dacal & nasi queque ibabie ra

mabasa qñg sebu aguiang anti queta

ticman eu mung ditac iug mengan ali na.

[ 49 ]

 Ing nasa ra quetang pamamie rang layun

patangap quecami ing bulung ding dutung

ba'pin mong masira ing ganap ming ucul

até na picabiang ing panga palung-lung.

 Bucud qng caniti ngarang miunus-unus

ba'nang épicabiang itang macalunus

quequeng pangabilian mabating inglungeut

babie macasumbal qñg isip ming puput.

 Qñg malagana ping sucat cataba mi

itang malinamnam nasing cacanan mi

iti aldo-aldo yang miparați

é cu pin mo balu ing sangca'na't bague.

 Inia palan da sa masipit la bilang

pataban dang bigla payat ming catauan

mabilug dang ucul carelang asajan

nung taba na ca mi ba'ra queng asanan.

 Ing capijican cu caring cayabe cu

api-ingat naman queta ing bie cu

inia naman ila liclae do ding lilu

acu pauang lungeut queta ba‘lang aldo.

 Lalung miraragdag cacung panga yayat

mecalambayan pa qñg bie iningat

at ing camatayan é pa agad miras

anga qng metaba catauan cung payat.

 Pabustan da cu pin á macatimaua

e a na picabiang canita ding sabla

misan namang aldo telaga cung tingca

ing tacasan cu la carin ba'cung matda.

[ 50 ]

 Bague á iti nan cabud na depat cu

ing matuang mecaquit quetang panlaco cu

guinulisac ne pin fataula'na cu

lalu cung selusu queta ing lacad cu.

 Angang mipampan cu qñg panimauma'na

bibitasan cu pin qñg horas á ita

detang mangatuling alalu bale ra

ugaling mumuli ngeni nung bengi na.

 Meguing patingapun queta ing panlacad

inia mu mitan cu nung ing bengi miras

mirinan dit mu man pagal á diricat

catuqui na niti mangan namang ditac.

 Ngeni nung aldo na sumulung na naman

miras parumingu caeung calacaran

manintun sang bale sucat pipainauan

icalumpaui na ning matinding pagal.

 E ata mituclu ing caualung aldo

lele davat-malat icuang dilpacan cu

carin ding arasan daca la ping tau

paua lang maputi qñg panlalaue cu.

 Manipun la caring dacal a paminta

é cu micacunung linapit carela

pamanaquit cu na quetang daraptan da

sinulung ing lacad carela telaga.

 Sinagana la ngan canacu caniti

ampon pequi sabian amanung Arabe

bina cung metula panamdam caniti

at selitang dapal delanan á bie.

[ 51 ]

 Queraclan cung pising dapot alang culang

mipamulala la iniang salesayan

ing pamanipun da panga lutas nita-ng

caretang paminta tiqui rang marapal.

 Abe ra na cu ping sinaque canita

pintan mi neng pulu á penibatan da

pangaras mi carin maustang dimpal da

qñg mayubung Ari at panginuan” da.

 Ing pangabili en quilala nang mayap

lalu na't canitang canacu nang yulat

sablang casaquitan á meguing á palad

migmulalang tutu lub na migtingangas.

 Queti ne minutus ba'ra cung piblasan

at linġapan mayap ding yabe na't caduang

detang sari-sari carin dacal noman

á ipamunga ra ding sablang tanaman.

 Bucud qng masaya balayan a ita

canacu masanting ganap dang alala

maulang pamangan aldo-aldo queta

iti queang utus ning suguing Alteza.

 Queting panugaling cacu ra depatan

é na aganaca caniti dit mu man

ing acu ati cu aliuang balayan

uli ning depat dang canacu inasal.

 Quetang queracla'na qñg misan á aldo

cacung pamamanic qng Real Palacio

canacu na pisiag nitang Soberano

Simbad, misnang dagul quecao lugud cu.

[ 52 ]

 Buri ra ca sanang queti nan piguilan

á é na uauale qñg capilan pa man

ba'cung á paliari ating á uculan

panaligan cu ping é mu salangsangan.

 Macatalaga eu queca pu guinu cu

ngana mo ning binte quea pequibat cu

qng mal mung caburian at talapamintu

nung nanu man sa itang nasang yutus mu.

 Buri cu qng queca tangap maqui-asaua

ing tinglu nang sabi ning suguing Alteza

caring macaunang dili caring dama

niting cayarian at peca buntuc na.

 E cu mecatangui qñg Aring gagalang

merapat ing boda qñg mipnung casayan

tingap queng asata ing sugui at banal

malagu't majinjin mayupaya naman.

 Quequeng pamiutus mapilan panaun

yamanyamanan cu ing tulang maragul

ning metung á esposo á mapad ping layun

dapot susulut pin qng mainang ucul.

 Matutus qñg lub cu ampon pamigagap

ing tumacas muli balayan cung Bagdad

qñg anti ting ucul pilit cung magdulap

manintun paralan ba'cu sang miligtas.

 Misalunan ya pin canita ning misan

asaua ning metung cacung caluguran

iti nan mete ya inia ya naman

pignasan queng bina queta pamatulan.

[ 53 ]

 Ine que't disan que malusuc ya lungcut

ampon pamagsalbat qñg asauang irug

minunang amanu quea cu penasbuc

mequibat ya mu rin cacu tinambulug.

 ¡Ay caluguran! ing binte na cacu

mayap na mu rugu pematulan mu cu

metung na mung horas qñg bista't baluan cu

queang cauacasan ning bie ing̃at cu.

 E ca sa mimisip nanu mang carocan

ng̃ana ning tinglu cu quea mo timbayan

manalig cang lubus qñg Dios á malam

ilambaya'no pa bie mung ing̃atan.

 Ing metung pa queta ng̃acu mibagua ca

buring apalaran miabe catang adua

lugud niasang Dios carung̃ut digtung na

taguring masampat á palad mu sana.

 Tela ata ing masulit á camtan

uling alang dalan iti nan alapsuan

saguli nang horas icutcut da naman

at ipaquirame qñg asauang caduang.

 Pati mete ya pin metung á babay

yang caugalian mararapat queti

paqui-cutcut de pin quea ing lalaqui

pablasang qñg utus pilit yang dumame.

 Ing babay naman á nung mabalu ya

ipaqui-cutcut de lalaqui mabie ya

iti nan metung ya ley-ng tuntunan da

ing ninu ya man pin ali a lapsua'na.

[ 54 ]

 Binang mitacutan pati pin aramdam

itang macatacut carin caugalian

miuman mung ditac queti no dinatang

detang mamanĝutcut á camaganacan.

 Pemutian da ne pin canita ing bangque

maulang imalan quea ra binague

masampat á iyas á alang cayanti

lusuc qng dangalan ing carelang quine.

 Caibat na niti cabud no linacad

magdalang cabaung tune macabuclat

quetang pamaglimbun buntuc yang matuyag

ding maqui patnugut tau lang puputac.

 Lalaquing mebalu yang macauna

biuat qñg cabaung maustang lilan da

caras quetang culcul á picutcutan da

carin da ne bildug bangque rang darala.

 Lius de pang biuat itang lozang tacap

cabaung ba'ra neng ibiling matuyag

iti't, aliua maustang merapat

pablasang ugali canitaning Ciudad.

 Queta ing lalaqui ya nang depat na

sablang camaganac pengaul na nala

qng lalung matalic at caluguran pa

bilang pamaguacas carela pamu'na.

 At iniang lunĝub ne qñg caduang cabaung

á binilianan dang metung lumbung danum

at pitung tinape calauc nang layun

saca ra ne bildug canita ning culcul.

[ 55 ]

 Ticpan deng miuman quetang lozang tacap

iti nang cabaung á mayubu sampat

sablang mepaliari ding mata arangat

ing lub cung sarili tutung minguilalas.

 Mengalimguiman cung mecaquit dinungut

qñg caugalian dang carin pamanguteut

at caring tinagun mangarafun á lub

sablang á tanğalan é pin á piunus.

 Manibat na queti pati pin iquit cu

agad eung mibalic qng Real Palacio

anti quening sabi qng Ari pisiag cu

damdam ca pu guinu Monarcang mayubu.

 Panupaya yu pu Altezang gagalang

queca pu magsulit amanung mapilan

diquil pin qng buangis queti caugalian

qñg sasacupan mu Aring macapayan.

 Ing qñg pamanğutcut caretang memate

anti mu naman pin caring taung mabie

nu man caring lugál á cacung á lacbe

é cu pa mecaquit qng anti caniti.

 Iting suguing Ari ngana pin mong misiag

maquibat cu Simbad caniang quecang guingcas

iti sadiang metung á ley-ng melambat

ninu man qñg Corte ali na á labag.

 Acu man ali cu á mipasubalian

Simbad caniti nang ley-ng tuntunan

binte cu qñg Ari ¿ó ding datang-datang

macasaclo la pu queting cautusan?

[ 56 ]

 Alang picacunuan ng̃ana ning Monarca

subali la mu rin ley qñg utus na

lalu queting lugal nung mequi-asaua la

caniting tuntunan é micauani la.

 Sucat yung ganacan iti nang macamal

balita qñg Ari pati pin aramdam

minuli na cu pin bale cung tucnang̃an

quipnuan cu qñg lungcut nung agunamgunam

 Ibat pin canita miparati cacu

e pin malumpaui á gaganaca cu

queang camataran sintang asaua cu

ó á magca galang suing mirame cu.

 Migpabusta cu pin yang capupusan

sablang caburia'na Dios á Maglalang

inia é melambat quimtan cu't nebangnan

calmang queang tituc Guinung mapagcalam.

 Misalunan ya pin ing sintang asaual

A naman miaba cabud na mete ya

¿nu mo caya anti ing tacut cu queta

at sucal ning lub cu iniang aquit cu na?

 Uli ning tacut cung carelang laclacan

capara rang tau deta ning manasan

é maliaring acu iti é ra daptan

mabie cung mausta icutcut da naman.

 Biria'na ning Ari peparang̃al na cu

cabud na tinuqui aliua pang tau

calucluca'no pin carin qñg Reyno

ding pauang mitnube qñg pang̃acutcut cu.

[ 57 ]

 Itang cahorasan nanu pa't mirasan

caibat deng guinani ing asawang caduang

anti ya mong ume tangap maqui-casal

ing lacad at sulung queque nang pigmulan.

 Caba'na ning dalan caclis cung tatang̃is

pagnasa'nang camitan ning mainang isip

careting mitnube panlang ting maliquid

miligtas ing bie cu canitang panganib

 Cabud na cu queta tambing siniclaud

qñg bitis ning Ari á carin cucupcup

pangaras qñg gabun minuma cung lubus

sepu nang imalan ning Monarcang bantug.

 Bucud qñg canita penigapu naman

caring calimbal na ning Aring gagalang

qñg malunus la sa ba'ra cung ganacan

uli ning metung cung aliuang balayan.

 At qñg balayan cu ating asaua cu

ampon pang familia sucat lingapan cu

anti naman queta labuad á tibuan cu

lub cu qñg ley ra mipasubalian cu.

 Qñg bagsic na't sang̃il nitang cautusan

detang tau carin ley-ng tuntunan

inia é na sucat ing caministilan

ing ipara ra cu caring mamalayan.

 Ninu mang carela ala ping melunus

qñg cacung amanu sablang pacarung̃ut

aun á sidia ra miras na queng pupus

asaua cung casi lius da neng bildug.

[ 58 ]

 Macanian mu naman ing cacu ra depat

aliuang cabàung carin da cu sildac

iti atin ya ping danum á matuyag

ing metung á lumbu ing tácal nang tapat

 Pitu pang tinape itang cayabe na

é cu pin mo balu ing casangcana'na

nu cu é asajan at é pin sa dumpa

bie cung calulu ing maguing uacas na.

 Calalaman gabun miras cu't mi-abut

carin cu á masid itang salang lalsut

manibatan babo maustang á talus

qñg ita metung yang luquib á malusuc.

 Ing buluc ding bangque á carin sisingo

á balisa'na pin itang Jub cung solu

itang tagulele pablasang dimdam cu

tutu ping malalam é abut igcas cu.

 Palan da ing sangca'ning bague á iti

pauang manibatan caring tauling mete

bayu ra pang quiteut pauli na niti

bilang pamanupad qñg carelang ley.

 Pitipun cu na pin ing sablang sicanan

inia qng cabaung bigla na cung milual

careta ning bangque dinayu na cu man

uling ing acaquit lubus casumamian.

 Queting macasuclam á tatangalan cu

migquerang tatanĝis at gugulisa'cu

¡calulu na cunda! ngacung manĝamanu

nung mete na cu sa ing sucat canacu.

[ 59 ]

 Maya'pang meyapas qng misnang panganib

á cacung delanan á é pequiparis

é mu sa na ngeni ing bie, mapulid

mipnung sucal á lub á é cu abitbit.

 Anti ning ala cu nanu mang panayan

caniting malalam añung camatayan

tutung misnang bayat acu ing panayan

¡qñg pamibandi lubus casaquiman!

 ¡O ngeni nu carin nu mu cu depulpull

at ó baquet caya depatan cung layun

ing meco bale cu at é pin mindatun

nung nu cu sasauan ing lub á maratun.

 E ing á sasangap bungang á nanabang

qng pipagalan cu qñg capanaunan

megurung ala cu qñg capanaligan

birian cu nang lubus ing bie pupusan.

 Bigla cu ne sa nang ipaldu't ipulpuc

qñg gabun pamaspas ing canacung buntuc

miuman mung dit ing sinulud qñg lub

lambayan pang aldo bie é mapupus.

 Pintan cu ne queta at salatsalatan

ing quebaungan cu tune piglulanan

danum at tinape pauang quinua cu ngan

qñg mapilan aldo pigmantining pengan.

 Panayan cu na mu ing camatayan cu

anti qñg mimi'na ing á pagcabie cu

mecacabulad mu atin namang bayu

mete ra ping quitcut nangu'ning siping cu.

[ 60 ]

 Anti qng iti nan ting yahe nang mabie

é cu na pibalac metung yang babay

bista't casalanan migeusa queti

ya nang depatan ing bague a iti.

 Bininit queng pildu queta ing calulu

qng bias ning mete carin á salat, cu

pinilit queng pete alang picacunu

qñg ba'cu sang mie ating á pangan cu.

 A pate cu neman queta é meliuag

tinape at danum quinua cu nang agad

quetang cabaung na pilan aldo singead

ating á pageabie iti ing melutas.

 Qñg horas á ita micuteut no naman

bayu pa mung mete babay-ng-iti nan

at lalaquing mabie asaua nang caduang

macanian mu naman ing cacung depatan.

 Misasalisi na iti mepaliari

é naman melambat ating á pagcabie

macaba ping aldo iti miparati

queang queralanan ning pamagsarili.

 Lalu na't canitang maliari na't miras

migcamatayan pin carin qñg Ciudad

misan namang aldo á pate queng agad

metung á babay macayubu bicas.

 Iniang mayari na pamacamate en

atin ping lalacad maustang dimdam cu

mangisnaua neman inia belicdan cu

lugal á ita nin pequiramdaman cu.

[ 61 ]

 Amasdan cu ne pin lubus á usisa

metung yang dapucan iti nan lilisia

va naman ngeta tiquian quueg bitasa

lalacua'na cu rin mabilug nang nasa.

 Bista't anti queta sindu queng tiquian

nanu pa't ing bili marayu cu disan

laut na pa nita tin namang á matan

metung ya ping sala at gagalo neman.

 Canitang iquit cu mesaya ing lub cu

tambing nang mirapal ing pamañulung cu

at qng capupusan lubus quilala cu

iting sablang bague pauang pauaga cu.

 Ating aduang batu sari qñg degulan

metung yang abtac da capagmumulalan

nung yalimbaua ya at pamalarauan

ing cataung tau manauang dumalan.

 Mitan cu canita qñg misasaguli

anti mong meumum ining panġabili

ing pamicacunu ing sangca'na uari

nung á pangangasan daptan qng piragli.

 Depatan cu na pin iti nang macanian

abtac á mesabi cacu neng delanan

queti cu na iquit itang queang pampang

nitang dayat-malat tune casabian.

 Ali cu á ulat ing tulang quimtan cu

iniang aulingid at á usisa cu

metung ya ping asan dagul na mayubu

lulub quetang abtac minunang binguit cu.

[ 62 ]

 Iti ing talagang maustang mamangan

eareta ning bangque carin da daralan

anti yang anino iti carajilan

canacu neng tiquian ampon tilaturan.

 Quilala cung mayap canita ing labuad

carin cu na iquit lubus atalastas

detang batu carin qñg dagul da't catas

binang macatacut ing carelang bicas.

 Metung pa caniti é mo á culdasan

qng cataluctuc da sucat quilabutan

siniclaud na pin ing cacung depatan

piraup ding gamat at simba cu noman.

 Tinga co banua đing adua cung mata

at pepasalamat mayubung minlunga

qng Guinung Miglalang á ala ping cadua

anti qng quimtan cu ing mal á lugud na

 Cayari na nita belican cu neman

ing metung á lungo cacung penibatan

quinua ing imalan at alajas naman

pati na aliua sablang casangeapan.

 Iti macarapuc caretang cabaung

iyas da't pamuti ding carin da yaun

manga na pin lubid dela cung sinulung

minta qng aplaya lubus nang dinulung.

 Lubid á mesabi ing gagamitan da

caretang cabaung nung ibaldug da la

qng sablang pengalap penaptas cu ita

cabang é mamaco iniang carin cu pa.

[ 63 ]

 Adua't atlung aldo é ata milabas

atin ping sacayan iquit eung lalacad

ali ne marayu canacu miraras

quetang alang tucnang á queang panlayag.

 E pin casi iti cacu miras neman

pequibaluan da na at canacu quitang

nung nananu cu pin á carin da disan

pequibatan cu la qñg cacu ra cutang.

 Binte cu carela qñg acu metung, cu

quebalbalan saquen qng pamanlayag cu

nanu pa't ing bili ngacu mong tinunglu

horas á melutas adua na ping aldo.

 Ing miligtas cu pin cacung á palaran

pati casangcapan á cacung daralan

at ding marineros á unus é ra ngan

nung sucat ó ali amanung simbitlan.

 Cararali na pin tingap da cung tutu

sinulung nang lacad alang pieạcunu

é naman meliuag miras "queng mituclu

miayaliuang puertos pati na ding pulu.

 At macayaliua iti metung neman

yaus da Serendik, pauang dacal noman

minang mica-ningning miayaliuang metal.

batung sari-sari á pangangayamnan.

 Tanaman pati na sucat á panulu

qng mesabing lugal carin pauang tiu

bista't sinaguli mitan que pang tutu

macanian ing sangcan queco pauaga cu.

[ 64 ]

 Uling detang tau qng lugal á ita

ding aliuang balen tutung camuan da la

metung qñg caniti qñg tampalasan la

ampon mamanasan qng taung capara.

 Ibat na più carin sinun queng linipat

qñg pulu ning Kela yang pamagtangas

binang sari dagul qng bandi misadsad

ding cacung balutan penaquitan mayap.

 Miluntung sinaque caibat na nita

a palad cung iquit masiglang puerte na

ning balayan Bagdad ulian cung talaga

quipnuan cu qng bandi tutung maulaga.

 At caring pulubi minlimus cung dacal

Baca ding pisamban queta anti naman

ampon migugul pa caring caluguran

iting sabla-sabla pitutulan cu nġan.

 Pinupus na na pin itang salita na

niti nang y Simbad, bie delana'na

canita ning capat á pamaglache na

lalung misnang dagul ing picasngaua'na

 Canitang minuna iti macaiguit

ning penaquita'na á banding á ligpit

capupus na naman sabla nang pigsulit

anti ing minuna sadia nang papaquit.

 Inaina'ne pin y Nadir canita

dinalan a Zequi ding quea biñe na

penabilina'neng mayap pin canita

e ya sa sasala manga tumagun ya.

[ 65 ]

 Qñg metung á aldo ba'yang maqui-sulu

pamang̃an qñg mesa caring convidado

ampon ding aliua á queang catutu

ba'yang maquiramdam qñg metuldung aldo.

 Queti ba'nang igcas sablang mepaliari

isalitang mayap calimang paglacbe

anti ing miralan depat da caniti

meng̃an la't masaya convidadong sugui.

 Qñg pamiluclucan canitang pamang̃an

Simbad, detang maldang queang caluguran

migsalita ne pin anti queni dalan

lalauan ding malda anti queni laman.

V. Pamaglacbe.

 Itang catandanan qñg bie milabas

sablang cang̃aniban á cacu meng̃aras

alang é me panda paua ng̃ang quinupas

qñg uli ning tulang cacamian cung palad.

 Pablasang masaya ing canacung bie

yang queuala na ning gampang sarili

á é na miuman ing pamagparati

lubus mipag̃ganib qñg aldo at bengi.

 Pagnasan cu pa sang maglacbe miluntu

qñg pamangalacal tune pamaglacu

misnang pang̃aragul alaga nang tutu

inia migtang̃as pin qñg aliuang puerto