Corrido qñg bie nang queralanan ning metung a miglayag a milaguiung Simbad/3

by Cornelio A. Pabalán Byron

[ 30 ] [ 31 ]

 Metung ya ping pulu quequeng quetudturan

aquiquilala ne ning suguing Capitan

quecami at ng̃anang sinabi at mingcal

iting pulung iti cayanti ria naman.

 Ding taung bulbulan pacasautan da

aguiang macananu deti qñg bunguan da

dapot ng̃acu sa na patasan ali la

é la man nananu baquet macapa'la

 Maiguit la lasa uari caring durun

nung ting manasaquit catau mang metung

marajil misaup quecata la lumpung

misaquitan tamu mabilug qñg ucul.

 Macapaquirut pin iti nang amanu

caring pacasaque qñg mesabing Barco

lacuas queng tinacut iniang aquit mi nong

sinibut ding malda simarun á linto.

 Qñg laue timalad casusumami la

atlung talampacan lasa qñg catas da

ing quequeng sacayan qñg pang̃a pondu na

qñg pulu é ya pin marayu canita.

 Dapot ibat queti quecami nong iquit

taung mang̃alati mang̃amanung pilit

paquisabian da que carelang calapit

qñg é atalastas amanu rang sambit.

 Malalagaua lang qñg lubid meng̃auat

inia malicsi lang canita, miuquiat

quetang cubierta na á mesabing tacap

pepaburen mi la qñg tacut at canglap.

[ 32 ]

 E mi la ditac man deti a baualan

bignus do ding layag carelang depatan

qñg aliuang pulu pinta ra na que man

iti macarayu qng carelang lugal.

 Pangaras mi carin bigla rang inutus

canitang sacayan culdas queng malaus

at ing depatan da binalic deng daglus

iting quequeng Barco taung á panasbuc.

 Iniang carina que á mamagsarili

qñg mesabing pulu cacung á saglaue

ala namang saquen pepainturu que

qñg lub na ning pulu á lugal ming ine.

 Ya nang asajan at quequeng panayan

ing macalapit ming dimpang camalayan

dapot mecaquit que caring mangañaman

bungang sisingo ra ding caring tanaman.

 At menga'na cami nanu ing miliari

maragul nang pagal ning pamilibut mi

merad ting amatan metung memang bale

bista't macarayu quecami neng ine.

 Ing mismung amatan ati'ne mang patio

tutu yang maliualas é mu mamagcanu

at qñg arapa'na manauang yang tutu

metung yang carinan queco pagsulit cu.

 Uling ding acaquit mibuntun lang butul

earing taung mete quinua ning panaun

casumanĝid niti dacal noman layun

ding pinanangnangan é abut á ucul.

[ 33 ]

 Anti mu rin carin ing miras ming tacut

ampon ing pagal mi tutu nang malusuc

quebungsul ming sabla ding yabe mi't cagup

macaba ping horas ita ning mepupus.

 Ume nen ong lambug canita ing aldo

at é pin megurung quinalabug pin mo

pasbul mebusni ya qng bale á tutu

qñg quequeng arapan sinibut yang linto.

 Tau yang matuling á alang capara

matas ya't malablab itang. queang lupa

qñg asbuc na lulual at macatacut la

detang mangatilus malaing ipa'na.

 Quetang queang baba macabalag neman

labi ning asbuc na itang banda lalam

at macabaluctut cucu nang mataram

mañamit á ayup cabas na't carlayan.

 Iqueng_sabla-sabla mengasias que queti

mengutcut qng tacut mabilug' ming asque

qñg quequeng panaquit misdan que caniti

palan da iti nan metung yang Gegante.

 Iniang misubli na ing meuala ming lub

macalucluc ya mo Geganteng penasbuc

laue na quecami maratun á lubus

anti man ing lub cu masasdan tatacut.

 Qñg metung nang gamat ing miliari queta

guinong ne at ba'cung canita pinta'na

tela'na cu batal pibiling-biling na

ing cacung catauan tune siniasat na.

[ 34 ]

 Qñg babo at lalam queang mamalasan

é cu á piunus ing queang depatan

butul na cu't balat queang aumasdan

inia tepus na cu ala yang á nabang.

 Anti mu naman pin itang depata'na

careting alinang yabe cung talaga

caras qñg Capitan ya pin mo ita

quecami ing lalung qñg tapang minlunġa.

 Sigmit neng piragli qñg metung á gamat.

anti ya mong ayup iti nan mañigmat

saca qñg quecaban bicle na neng agad

qñg pinanangnangan melaus neng timpac.

 Carine sinapad qñg mapaling api

pibiling-biling na qñg misasaguli

at bigla neng sildac nanu pata uari

dapat na ba'na ngang lubus á pasari.

 Cayari ning buanĝis á pamagminindal

pacasauta'na quea nang siblian

inigquera ya saca quea nang pigiulan

ing pamanalacac minlunga qñg sican.

 Minabut manga na itang galingaldo

queang pamanigla ning Geganteng lilu

dit man é miratun itang lub ming gulu

mipnung cabalisan ing tacut masolu.

 Iniang mayabac na queta ing Gegante

Jinual ne qñg bale licua'na na cami

lub na ning quebucas meratun queng tune

anting macacutcut ing pangabili mi.

[ 35 ]

 Pati amanan mi timaua queng tiquis

qng quequeng casalang á Geganteng buangis

ique na ngang sabla piagnan ming simbit

ing matning gulisac macapanġaligquig.

 Bista't malda que man metung yang casalang

ninu man querami tacut na masasal

maragul á bina quequeng calang-alang

ing patayan mi yang apasan á bie.

 Pamisabi mi pin macaba ping horas

nung macananu sang quea que' miligtas

nanu mang á ucul ala queng arapat

talaga ning Dios ing lub mi mig-tapat.

 Linual queng menintun bungang á pangan mi

migdulap na que mang tudturan qng bengi

iniang alang aquit á pagcarinan mi

canitang castillo yang pañubli mi.

 E ata mirasan ing bengi canita

queti ing Gegante ya mong pañatang na

catau quecami inapuna'na ya

saca ne metudtud caibat na nita.

 Tutung misnang sican ing queang alacac

capareju na rin nitang mengalabas

mituclu ita ning cabucasan abac

linual ne qñg bale ugali na'r dapat.

 Macasda'nang tutu macapangilabut

ing pangabilian ming menatiling memue

uculan mi na pin itang pailumud

quetang dayat-malat libutad ning laut.

[ 36 ]

 Dapot é merapat ita qñg usuc da

ding aliuang yabe uling miniauad la

ngara é mi sucat salangsangan ita

sabla nang caburian ning Dios banua.

 Nun é bagcus que sang mibule ó misip

dapot qng paralan á lalung malinis

ba'yang á lalangan casalang ming buangis

miligtas queng sabla qñg tageu't panganib.

 Ating aganacang queta asabi cu

qng cayabe metung á capatad ngacu

nanu pa't ding sabla meyapan dang tutu

neyunan ing pisiag á cacung amanu

 Capatad ngacu ping guingcas qñg carela

gauan yang piragli ing metung á balsa

daca la ring dutung carin qng aplaya

patayan ya't biruan Geganteng maranga.

 Qñg gamat ning tacsil at ba'tang miligtasv
saque ta qñg balsa queti nan tumacas

peniualan iti ding cavabe casap

malagaua naman piragli rang depat.

 Balsa nung inia sa't ali la mebalam

mengayaring dagli ban ting á sacayan

qñg ba‘la ping balsa atlu lang milulan

yang picarari queting pisasabian.

 Miras naman itang mapalad á bengi

castillong tienangan yang pañubli mi

minapun mituntu iti nang Gegante

yang queang pengan cataung yabe mi.

[ 37 ]

 Ing pamanapu'na meyari't melutas

luntu yang metudtud tambing minalacac

quetang cahorasan á ucul dang depat

apulu catau caring abe casap.

 Queque me ila mong peca mayap deta

mesabing apulu metung cu carela

atin queng telanan pinanangnangan la

quecami lang timpac qñg aping mabaya.

 Iniang mibaya no sepu deting bacal

mata ning Gegante bigla minong timpal

mipagulisac ya tutung misnang sican

matindi nang saquit quea nang piramdam.

 Yang pamibanğu'ning Geganteng buanģis

gamat na inatiat qñg casbu ning suquib

saca pangapcapan ing misusumangid

quecami ing lilu manintun masipit.

 Nasa na ba'ya ping maustang mamali

iting palamara Geganteng bayani

nanu pa't miligtas ing sauil ming bili

canitang panganib á alang cauri.

 Migsalicut que pin quetang sulue-suluc

gamat nang mangapcap é ra que á yabut

qng cabalisa'na icua nang miyalput

milual quetang pasbul iting alang tarus.

 Pepagalgala'na carin itang gabun

sica nang galangang á mirubuldubul

macasdan á tutu surat yang maumum

ing matibe pusu vanitang panaun.

[ 38 ]

 Ding gueua ming balsa pilaya'no queti

penaya mi pa mung mepupus ing beng̃i

bayu quequeng depat miglulan sinaque

careting sacayan pati maldang yabe.

 Iniang mayabac na queque yang amatan.

mesabing Gegante quecaba'ning dalan

queque painturu tatairan de ng̃an

ding maldang Gegante lupa nang ambuang̃an.

 Pati quequeng quit ing bague á ita

sinaque queng bigla caring gueuang balsa

pintan ming laut na nita ning aplaya

dapot ding Gegante queque ng̃an mua la.

 Tegalan da ca mi anga quetang pampang

é ra que á yabut uli ning caraplan

nanu ing depat da pesidaelut noman

caretang batu na aplayang tintunan.

 Deti ila pin mo ding pemasibas da

miraras qñg laut ita ning baronga

cabiasnan masibas tutud caring balsa

inia ding aliua qñg meng̃asalbag la.

 Bucud é mituran ing cacung secayan

acu at ding adua casap catambayan

ding mengasambulat ampon mitamacan

taung pacasaque meng̃a mate la ng̃an.

 At iqueng mitagan á atlu catau

sablang sicanan mi piguisan ming tutu

iqua ming á samsam palad á mayubu

miligtas qñg sangil ding Geganteng lilu.

[ 39 ]

 Ing pang̃alaut mi quetang dayat-malat

ting pepating̃apun at saca quebucas

qñg lub cung sarili ya na ing uacas

ing acmula'na que ning danum ning malat.

 Uli ning sica'ning mabilis á alun

milutang-lutang queng darala'ning danum.

iniang cabucasan depulpul nang layun

casumang̃id pulu uli ning daluyung.

 Pigmulan mi na pin canita linacad

ing tula é paguiu qñg pusu dinicat

bunga ra ding dutung masipit migdulap

ban ating á pangan qñg danup panaplac.

 Caring bungang iquit quetang pamanġua mi

qñg dalan lubus yang canita iquit mi

dutung á maragul á alang cayanti

sucat painauan nung miras ing bengi.

 Telaga ya iti queque mong pingalip

ba'queng mipanginlag careta ning lasip

iniang mabengi na minuquiat queng pilit

pangaras mi babo ing tacut quinapit.

 Uli na ning metung á sari degulan

camamalung lasun masiring manintang

qñg catug na niti sucat ca ping masdan

mabilis nang paque ique ing pupuntan.

 Miras ya pin iti qñg pu'na ning dutung

minuquiat marapal queta é megurung

quetang pangapang na icua nong á sumpung

aduang cayabe cu penga'no't inacmul.

[ 40 ]

 Canacu pablasa qñg macababa la

acu é na icua matas cu carela

caibat nong pengan yang pañubli na

canita ning lugal á penibata'na.

 Maragul cu lungcut canitang quebucas

quinuldas na cu man iniang panga abac

indat aganaca maragul cu sindac

qng pangayapas da ding adua cung casap.

 Ngacu magca galang mipara carela

marapat mu naman cabenĝia'na nita

itang mepaliari caring abe adua

quetang macalunus á camatayan da.

 Ya naman queta qñg lub cu sinulud

laut dayat-malat nasang pailumud

sadiang caingatan depatan cung lubus

tinipun cung dacal á sangang masucsue.

 Qñg pu'na ning dutung pepatulug ita

macapal at matas cuta ing cabas na

ba'cu ping maingat qñg cabuanĝisa'na

tacsil á animal carin mapagdanga.

 Macanian pin ita canacung depatan

angang gatpanapun iti alang tuchang

cabengia na nita sinibut yang biglan

siping na ning dutung iting camandagan.

 Qñg laue cu quea bisa ya ping muquiat

tutulug babau alang á carapat

migcapilit ya man canitang quebucas

ala yang á pala iti nang marauac.

[ 41 ]

 Ing quinuldas agad ali meng̃ang̃as cu

angang é ya sinlag matas itang aldo

pauli na't dagul ning capuyatan cu

pagal qñg quebucas at alang tidtud cu.

 Meuala nang lubus ing capanaligan

uculan lumuid bie qñg sicluban

lub cu anga na na dimpa cung cabiguan

qñg calalama'na carayat-malatan.

 Qñg ucul cung iti minta qñg aplaya

maling cacung isip balayunan sana

ali pin miliari uling linigtas na

ning gamat ning Dios ampon upaya na.

 Anti uaring uaga queang pepabatas

ali ne marayu cacu ne miraras

metung á sacayan á macañung sadsad

cacu painturu qñg queang panlayag.

 Guinulisac na cu biglang siniñal cu

pinepe cu neman queta ing cupia cu

taung macasaque mecad iquit da cu

bignus de ing bote canacu ing turu.

 Piniglauan da cu tutu lang marapal

seque rang piragli canitang sacayan

pang̃aras cu babo lubus dang peng̃utnan

ing bili cu carin pigmulalan da ng̃an.

 Ing sangcan nung baquet at acu carin cu

selese carela ing sablang bie cu

iniang á pagsulit ing capalaran cu

pamagting̃ang̃as da maragul á tutu.

[ 42 ]

 Qñg pang̃a cabius cung sicmal ning pang̃anib

á misusun-susun tagcung mang̃abagsic

ing metung at metung canacu lalapit

ainan dang mang̃an lunus da é mu dit.

 Ing lalung mañaman quetang darala ra

canacu ra yampang qñg pacalulu ra

sinulung da na pin aplit á paque ra

pulu ning Salabat á capagnasan da.

 A nung nu la carin detang sesesean

dutung á maragul á paquinabangnan

yaus da Sándalo at panulu naman

saca gagamitan á pang̃a sangcapan.

 Detang mang̃alacal iniang pagmulan da

itang pamaglicas carin pamañaca

inaus na cu pin suguing Capitan da

manibalang tune qñg saquen á Barca.

 Pisiag na canacu ng̃ana ó capatad

paquiramdaman mu ali pa melambat

cacu ting miñaque mangalacal mayap

iti nan mete ya ba'mung atalastas.

 Mitagan canacu sablang calacal na

ining̃at cung mayap é pepaburen pa

nu man caring lugal panintunan cu la

caring familia na nasang ibie sana.

 Ng̃acu nung atin sang canacu dumurup

ali cu itangui nun é ipagcalub

ngeni naman queca paniualang lubus

calacal á iti quecao penasbuc.

[ 43 ]

 Queca naman ibie itang capsgalán

cumeuman mung mayap até sa paburean

queti cu na tingap pepasalamatan

ing peniuala nang mayap á calacal.

 Iniang ibali'co queta ding balutan

itang catiuala canitang pagtindan

mesabing almacen ing cacu na quitang

nung nanung laguiu na ning maqui calacal.

 Uling alang tandang laguiung macasulat

minte yang Capitan nganang queta guingcas

yang itala mu at letrang ilimbag

é mu cacalinguan Simbad á miglayag.

 Maragul ping tutu pamagmulala cu

canitang damdaman ing tune laguiu cu

iniang qng Capitan at mirayu na cu

aquilala cu più caduang miglacbe cu.

 Ya't é aliua ing cacu milacuan

qng metung a pulu caibat cung mengan

mipatudtud cu ping binang cañamanan

darala na ata bigung capalaran.

 Ya é naman aquilalang mayap

nanu ta ing bili é na na melasmas

queti cu sinabi Capitan á magcas

asaglaue yu pu ing laguiu nang Simbad.

 ¿Ngayu qng bandi no deti nang balutan

iti ing sinabi qñig quea eu cutang?

ua capatad nganang tinambayan

ya ping laguiu na é picacunuan.

[ 44 ]

 Mang̃alacal ya pin qñg Bagdad tau ya

cacu ya sinaque carin qñg Balsora

qñg quequeng panlayag misan á aldo queta.

metung ya ping pulu disan mi canita.

 Inia ping ng̃ami nang luntu sang lumayag

é ne acalinga at linaue mayap

pauli ning angin inusigan agad

iniang malili ya marayu't maualac.

 Tau qñg sacayan bucud ing ala yu

ala nang maliari marayu nang tutu

upaya ala nang mibalic ing Barco

ba'yang panintunan canita ning pulu.

 O nung anti carin ing digtung nang sabi

¿sucat paniualan tibubus neng mete?

nganing pequibat cu quea cu mo binte

alang picacunu ing bague á iti.

 Migcamali ca pu ng̃acu ó Capitan

iti ing sinabi quea cu timbayan

lauan mu cung mayap ampon quilalanan

acu pu y Simbad á quecang carapan.

 Acu naman itang ulilang licuan yu

canita ning pulu á migsolu-solu

pati atuyag na Capitan qñg Barco

meumum ya isip qñg pamicacunu.

 Tining̃id nong mata at linaue mayap

aquilala na cu aguia mang melambat

uli ning tula na quinaul nang agad

cagna'ning amanung canacu na pisiag.

[ 45 ]

 Pigcalam nang biñe ning Dios á Guinu

iti nang panaun lugal qñg iduang cu

caring quecang gamat ing ining̃atan cu

bandi mung calacal bista't mabang aldo.

 Queti cu na tingap pepasalamatan

qñg mayubung tula é aguiung sambitlan

mapilan mung aldo ine mi yang pintan

ing metung á pulu á quequeng inayan.

 Carin nung nu co pin maustang atipun

ding dacal á clavos queting pamilimbun

sangqui at canela aliua pang layun

gamitan pañangcap nu man caring funcion.

 Caibat ning macabang cacung pamanlayag

miras cung tauli qñg Balsorang labuad

atipun cung bandi sinaca cung patag

minuli qñg sacup ning balayan Bagdad.

 E cu na á sanac ing dacal cung bandi

saca co pin limus aliuang salapi

caretang pulubi á maluca bili

culang gagamitan qñg aldo at beng̃i.

 Digdagan cu noman ding cacung posesion

maiguit la qñg sadia itang pang̃aragul

inia ing macaquit lub na mau-umum

pang̃asaplala cu dala ning panaun.

 Queti na sinepuan salita nang sabi

Simbad quetang catlung queang pamaglacbe

miuma'neng dininan dinalan á Zequi

ing anac á Nadir catutu nang casi.

[ 46 ]

 Lius pepaulian canitang bale na

quimbiran miluntu cabucasa'nita

macatuquing aldo malda mitipun la

capat nang paglayag Simbad selita na.

 Pamiluclucan ding convidadong sugui

canitang pamangan á é pequi anti

selita nang Simbad bie nang miliari

capat nang paglache anti queni sabi.

IIII. Pamaglacbe.

 Dacal é pasabi cacung casaquitan

delanan cung tutu qñg pamagcabiayan

atipun cung bandi manĝaragul naman

bie cung payapa at quetula na nğan.

 Aliuang á palad é cu pin queyuynt

nun é ing maragul á canacung imbut

anabang sa dacal qñg tauli cabud

iti ing miliari sucat ipanasbuc.

 Canitang dacal na ing cacung calacal

pepainturu na qñg Persiang carinan

é na cu sinaque ampon menibatan

aliuang Provincia á sibabalayan.

 Qñg tutung macabang quequeng pamanlayag

miayaliuang puerto carin que mengaras

aliua pang pulu bandang matalastas

nangun qñg aslagan ning aldo sisicat.