Corrido qñg bie nang queralanan ning metung a miglayag a milaguiung Simbad/2

by Cornelio A. Pabalán Byron

[ 17 ] [ 18 ]

 O Magpacarimla qñg malino danum

deta ninang batis qñg mesabing gabun

acu linuclu'cu at meng̃an maratun

lele na ning pampang ning metung á culcul.

 Iti ing tutugtug careta ning batis

at caring tanaman ing babie dirilig

cabat cung meng̃an maustang linapit

masasal á tundu é cu api-isip.

 E cu na balu man miralan á horas

queta ing tudtud cu mindatilang miras

miguising ing lub cu é cu na amalas

iquit ing sacayan at ding yabe casap.

 Micamacama cu tinicdo lining̃us

ing misusumangid qñg mata inabut

é cu no abatio ding yabe at cagup

mecad á suglap que malacue neng lubus.

 uetang masalusung punta'na't panlayag

é megurung ditac mipda qñg timalad

caluguran iti ing cacu merapat

migunam qñg cacu ing pait at salpac.

 Iti ing inamiam qñg pamagsarili

pang̃alacuan cung maustang miuale

busal cailangan nanu pa't caniti

cacung á pi-isip ing mialiuang bague.

 Pigmulan cu na pin dinungdung qñg gabun

palmura uli ning cashu cung sinumpung

casirian cu iting mibanding milayun

é cu pepatugut canitang panaun.

[ 19 ]

 E cu pa metula canitang minuna

cacung pamanlacbe siuala mimina

quetang querinan cu panágcas uli na

capigaganacan ing sangea'na nita.

 Uli ring dinalan qñg pu'na ning dutung

alang nanunanu sinumpung qñg ucul

mebilug qng isip tune maquinayun

qng caburia'na pin ning Dios á metung.

 Ing metung á dutung inuquiatan cuya

sacalit macaquit nanu man sa ngeta

ing canacung bili maguing capasngo na

qñg busal ning pulu at amatau cuya.

 Maputing lulanan cacu yang pintalan

quinuldas cu't saca quinua cu iti nan

itang angang sucat cacung á papangan

maliaring arala cacu neng inayan.

 Iniang milapit cu caba ning panlacad

ing anting balutan quilala queng mayap

metung yang maragul bolang alang cabas

ñg puti ala yang carle at catulad.

 Lepitan cu ne pin tutu yang maragul

tigquil caring gamat malambut ya layun

tilugan linaue at é pin á ucul

é que aquilala canitang panaun.

 O-nung atin ya sa nanu mu mang aspac

uquiatan que babo ita é marapat

ali na macaguiu ing sari nang catas

pauli na na mu ning lambut nang ganap

[ 20 ]

 Ume ne mong lumbug ing aldo misaldac

biglang meralumdum anting meguing pisac

imulat cong mata carina á malas

macapangilabut ing queti atuyag.

 Ing mecapauli metung ya ping ayup

tutung macasdan qñg catas na bantug

á pangatalacad nung sulapo lubus

qñg cacung ibatan miraras mamabut.

 Horas mu ring ita at aganaca cu

sablang sinabi ra maldang marinero.

diquil queting ayup á apagsulit cu

yaus da at bansag itang Roc canu.

 Atalastas cu na tutu qñg ya pin

balang apauaga ing ebu'na mu rin

pecalapit cu na migsalicut tambing.

Jalam ning ebu'na ning ayup á tigquil.

 Ayup tinuclu ne ebun qñg babo na

lius pepayapsa metung á bitis a

anting pun dutung itang degula na.

qñg canacung arap tilpac at belag na.

 Listu'ning cupia cu cabud migtali cu

ngacu ban mituqui queang pañulapo

milual quetang pulu panlang miligtas cu

quetang cailangan á quebilianan cu.

 E migmali itang manene cung balac

milabas mepupus lub na ning quebucas

cabucasa'nitang aldo á merapat

ing ayup meco ne sinulapo matas.

[ 21 ]

 Pecatilo na cu tutu yang mabilis

qñg gabun nanu man ala na cung aquit

saguese sulapo caibat nang tiquis

pepaibaba ya queta migcapilit.

 Anti ya mong alti ing mesabing ayup

qñg pamagbaba na mabilis á lubus

qñg pang̃atuclu cu qñg gabun melaus

at caring bitis na migcalag tibubus.

 Linucsu ya queta quinua qñg tuctuc na

itang camamalu sari qñg dagul na

mebating neng bigla caibat na nita

sinulapo matas á nung nuya minta.

 Miras cu pin carin metung á carinan

bunduc á macaba at binang malalam

ampon matalampas ning biga pinpanan

ing misusumang̃id queti pematiauan.

 Qñg itang carinan á piglugalan cu

é naman cumayap canitang licuan cu

dinungdung cu lalam at carin iquit cu

calat quetang bandi at sacdal qñg yubu.

 Ding mang̃ang̃aragul diamanteng maquinang

miñe mecatula quening pilubluban

mecacabulad mu biglang mialilan

maragul á tacut canglap calang-alang

 Caring camamalu qñg pamanaquit cu

sari rang degulan é apiunus cu

palalung malati balac na ning lub cu

manaua neng yacmul ing metung á tau.

[ 22 ]

 Animal á deti carelang ugalian

nung uarit qñg aldo magsalicut noman

tacut da qñg Roc yang maguing sangcan

at saca qñg bengi pasilague noman.

 Qng pepatingapun yang depatan cut

carinan á ita pauang libutan cu

iniang mabengi na carin migantun cu

qng metung á luquib tune simpalan cu.

 Asbuc na ning luquib canacu yang ticpan.

qñg metung á batu ban ting caligtasan

caring camamalu lilung camandagan

canitang panganib qng ba'cung á lapsuan.

 Mengan cung minapun a macasalient

uli ning misna cu qñg matinding tacut.

pablasang macasdan care'ang tulauc

ding misasalibe gagapang qñg`bundue,

 Malagaua yu nang ngeni aquilala

carug ning salu cu nung nu anti queta

lub na ning québucas canacung pibata

paua nong miglungo panġa yabac nita.

 Linual na cu quetang carinan á luquib

misna cu qñg tacut magdalang panganib

macaba ping horas lecaran cong amlit

ding é pasalese dacal á diamantes.

 Nanu pa't ala cu nanu mang á yagap

careti ba'cu sang queta micapalad

iniang mapagal na cacung pamagdulap

linucluc sinasal ing tundu dinicat.

[ 23 ]

 Canitang quebucas uling mepuyat cu

inia é melambat ing mipatudtud cu

sinaguli mu pin pamainaua cu

iti uli na mu biglang pang̃asdan cu.

 Qñg saring bayat na ning dimpang lulanan

siping cu nung inia bigla cu ping misdan

lub cung mimasmasan quilala queng biglan

metung ya ping carne é aguiung pusanan.

 Saguiua ya iti atin pang yabe na

carneng meng̃acalat qñg horas á ita

ating̃id eu na pin ing cabalduga'na

miguit ó cumulang é aliua ita.

 Ing maralas dimdam sabi rang penasbuc

cacu qñg minuna detang marineros

diquil qñg lugal da ding diamanteng lusuc

ampon pagmulalau pamang̃uang tibubus.

 Qñg metung á gabun á é asagaran

dasa'na ning tau ing ninu ya pa man

anti ning ding batu sari rang quetasan

bucud qñg alalang queti piculdasan.

 Dapot ting paralan pamang̃ua careta

budñing pibandia na sari't maulaga

painturu lele yang daptan ita

metung á carinan canitang lele na.

 Quetang catasan da mataric á bunduc

mang̃abasibas pin qñg lalam mamabut

itang tipac-tipac á carneng tibubus

panaun dang manisi ding Aguilang bantug.

[ 24 ]

 Carinan á ita nung mangabaldug na

itang tipac-tipac. á carneng maula

qng babo manibat at tatangapan da

á tutuctucan da sepu ding Aguila.

 Qñg carelang sale lius dang daralan

at caretang batu carelang catasan

earing sisi ra pin layun dang papacan

queti ro pasdanan detang mangalacal.

 Qng matning gulisac yang gagale ra

balang mirin canglap deta ning Aguila

qng carelang sale biglang migdapuc la

diamantes at ba'rong acua pin canita.

 Uling pacatusuc ing dala rang carne

deta ning Aguila iti nang diamante

ya pin ing lalang á mapapaliari

detang marineros ing carelang sabi.

 Capilan man iti canacung binilang

iti nang selese sablang calaraman

dapot qng uli na ning capaniualan

inari eu qñg lub at samantalanan.

 Itang mepaliari at ba'cung milaco

canitang carinan á quebilianan cu

á sucat á sabi ngeni qñg quecayu

sablang queralanan nini nang bie cu.

 Palalung maragul inagad neng dimput

caretang diamantes á calugud-lugud

suput cung maragul carin co dinapuc

á quelulana'na ning bacal cung lubus.

[ 25 ]

 Mequi raclut naman quetang tipac-tipac

qng cacung catauan gueuang pecababat

at saca qñg suput sinabit matuyag

ampon piculdunan biglang tinalacad.

 Horas namang ita yang pañatang da

metung at metung pin caretang Aguila

sisigmat qñg carne á lalu qñg ula

at qñg bababatan deti pasicua la.

 Queti cu midala qñg carelang sale

qng uli ning lalang á cacu miliari

detang mangalacal tinabi ro deti

at ba‘lang lumapit ding abe nang tune.

 Queta qñg ba'no mang tambing pasisagmit

metung ya carela ing cacu milapit

itang ngana sa nang cuma ampon sagmit

pigmulala'na cu qñg queang panaquit.

 Dapot camasmas na tambing nang pilmuran

ngana manaco cu qñg catuliran

ngacu mong mequibat é yu agçasanan

nio lawan yu sa cacung salesayan.

 Lauan yung manene nung ating quinua cu

at daca'la naman ding diamantes cu

sucat á caririan ding maldang yabe yu

deti quinua eu la carening gamat cu.

 Qñg cabusala'na, niti nang carinan

ninu man quecayu na icuang disan

asagara'ne sa qñg rapilan pa man

qñg misnang casulit bayu mequinabang.

[ 26 ]

 Tuturu co quea ding maldang diamante

ya ing pañatang aliua nang yabe

panaquit da cacu migmulalang tune

lalu na't canitang canacung selese.

 Iniang isalita ing pamagsarili

tacut qñg pang̃aras tutung ala nanti

canitang carinan á cacung á sabi

anti qñg pang̃anib qñg aldo at bengi.

 Dela ra cu quetang carelang tucnang̃an

queti co pepaquit diamanteng daralan

qñg suput cu deti ilang macalulan

lalu na't uli ning carelang degulan.

 Ng̃ara qñg careti é la pa mecaquit

insa mang carinan queti babo sulip

á ine ra mo sa miparis miuang̃is

caring pang̃auilian á purung diamantes.

 Caring queang buri pacuanan que iti

ning cacu mecaras queting queang sale

qñg cajinjina'na nitang lub nang dili

metung yang quinua na careting diamante.

 Pipilitan cuya pacuanan miuman

ng̃ana mong mequibat cacu tinambayan

qñg ini nang metung maula ya timbang

macaguiung pagcabie qñg camaratunan

 Ali na ministil luntung pasibayu

ing manintun cu pa macaguiu neng tutu

ing pamisabi mi queta míta'na mo

iti yang tune á queralanan cu.

[ 27 ]

 Nung pila'nong aldo detang mangalàcal

migsariang manipun diamanteng maquinang

uli ning tula ra á alang pipaguiuan

pepainaua la quetang cacarinan.

 Cabucasan abac miabe que queta

milague que't miras Rodas qng pulu na

atin namang dutung at macatanam ya

alcanfor ing yaus at casabian quea.

 Qñg labung na't lilung ding macapagsantung

dinalan catau quetang. queang pun

nung maun na ca man ang lalam na culcul

atin ping tumulu adta nang sumibul.

 Nung iti't saluran qñg metung á vaso

sumias at magana binut pin mo

aleanfor ngara pin sabi ra ding tau

agad na nang langi at mate neng tutu.

 Iti ing panese caring animales

yausan ding malda á Rinoserontes

tutung pagmulalan añu ra't quilatis

ngara qñg sabi ra qñg-tiapat la bitis.

 Maqui sagu noman babo. na ning arung

anting Elefante é binang maragul

dágul qñg damulag qñg asque ra't color

tutu lang masican é abut á ucul.

 Nung maqui pate la caring Elefante

acbaca'ne atian at pagpasalu ne

darala'ne babo ing buntuc na niti

pelaguing dapat da animal a deti.

[ 28 ]

 Ing dayang magus quetang queang sugat

á tumulu caring mata na manibat

ing Rinosironte yang queang dapat

duluca'ne queta at bulagan agad.

 Yang pangaragsa na cambe ning pusa'na

iting ayup á Roc yang pañatang na

ilang para-para sigmata'na na la

dalan isulapo canitang sale na.

 Detang cayang sisi ban ting á pagcabie

ing paninibayuan dacal é pasabi

acaquit qng pulung canacong siglaue

itan cu pa ngeni ing pamanalese.

 Pinlibe cu no pin diamanteng dala cu

mialinang calacal á lacuas qng yubu

caibat na nita minta na't tinuru

carin qng Balsora anti ning nasa cu.

 Cayari na nita tinagpus na Bagdad

pigmulan cu na pin at quinutud mayap

maragul á banding canacung quepalad

qñg dagul ning pagal guigulan á mayap.

 Ampon dacal noman careting salapi

at caring pulubi pin limus cu't pimie

salita nang Simbad tienang na caniti

qñg quepaliaria'na. caduang pamanlacbe.

 Dinalan á Zequi dinin neng miuman

cang Nadir ngana pin lubus mong tangapan

salapi qñg ban ting pagcabie ra bilang

sablang familia mu qñg caministilan.

[ 29 ]

 Dagul ning tula na pepaulia'na ya

penabilina'ne cabucasan uğana

queti ca mibalic at maquiramdam ça

ing capalaran eu ba'mung aquilala.

 Yang ipagsulit catlung pamanlacbe

igcas cu ngan queca Nadir iting bague

sablang queralanan cacung pamibie-bie

ampon casaquitan á cacu miliari.

 Ing anac á Nadir pauang quelinĝua'na

itang casaquitan á queang pibata

cabucasan abac carin mibalic ya

qñg bale nang Simbad sadiang catutu na.

 Aldo mu ring ifa ya mu rin naman

depatan da auti ing aldo miralan

Amilucluca'na la convidadong mal

pati na y Nadir sadiang caluguran.

 Qñg maulang dulang nung nu macayain

mayubung pamangan. Simbad tingea na pin

ning pamiluclucan cayari nang tambing

iting maqui bale migsalita ne pin.

 Catlung pamaglacbe yang pigsulit na

maldang convidado qng daramdaman da

amanu nang pisiag anti queni ngana

iti qng ba'yu ping lubus aquilala.