Corrido qñg bie nang queralanan ning metung a miglayag a milaguiung Simbad/1

by Cornelio A. Pabalán Byron

[ 4 ]

I. Pamaglacbe.

Pati amanajan itang é pabilang
mayupayang bandi sari 'qng camalan
anac pang mainsang at alang sibucan
ari cung balat cu alang cacu maual.

[ 5 ]

 Pigmulan cu na pin at pigugulan cu
ing miayaliuang dit man alang turu
alang quepapacanan ing pitutulan cu
capad ning catauan ing minaguiag cacu.

 Iniang aquilala mesican meguitis
banding sari ula anting mipapaid
mayap á panaun minsan á pi-isip
ampon apibalac ing miliaring tiquis.

 Ng̃acu nung isundu ing pali ning paque
suing icalipit nining paniibie-bie
at é pin maliuag dasnan cung parati
ing lubus á quetuan mayalang salapi.

 Binayu cu ing lub minucul meng̃utang
qñg metung á sugui mapiang magcalacal
tanac mamaglaue qñg miabuang lugal
caring dayat malat queta anti naman.

 Usuc qñg canacu atalaru ita
yang pamagtang̃as carin qñg Balsora
nung nu cu sinaque careta ning Barea
miglayag migsundu qñg sacup uing India.

 Iti matutuldu banda ning aslagan
ng̃acu at ba'co ping queti panintunan
salaping nuanti cacu pa mitagan
cacung pamañira qñg aldo miralan.

 Qñg misan á aldo ning pamanlayag mi
quetang dayat-malat pati na ding yabe
ang̃in á inusig migcalmada queti
quetang calauia'ning pang̃abili mi.

[ 6 ]

Macacabulad mu mitud yang saeayan
qng malating pulu guetang calautan
macapuc mibili busal ning danuman
at ya naman pin quequeng á sadsaran.

Capitan qñg Barco biñe nang tulut na
caring pacasaque ding bisang sinaca
taung pasajero metung cu careta
quinuldas mu naman á antimo ila.

Pigmulan mi na pin ing carin miglimbang
at dacal ping dapug ing quequeng depatan
silaban mi ita at ba'que sang mangan
ilutu ing sucat á caministilan.

Mecacabulad mu quinimut yang pulu
mengatacutan que ding yabe catutu
mitagan qng saquen iquit dang abatio
iting mepaliari á nung macananu.

Guilisacan da qne qng lalung masican
yaus da quecami saque queng marapal
uculan ming pulu palan da iti man
ya ing gulut na maragul a asan.

Ya't é aliua yaus da dambuala
acu at ding casap lub mi migmulala
qng camalagauan ding abe aliua
canita ning lanza migdapuc lang bigla.

Dapot ding queraclan memamangane la
gulut ning dambuala mitagan cu queta
macasda'nang iqui mecad tinas na ya
at biglang pepalbug danum qñg laut na.

[ 7 ]

Mirin cung panaun matalic quinaul
qng ibat qñg saquen á metung á dutung
taganang itangab qng dapug isulsul
guinamit parati at ding cacung cagum.

Capitan pati pin queang aquilala
detang mengaligtas ing misaque na la
é na na á lingap ing bili cu queta
tambing dang linayag semantalana'na.

Anti ning usig da ing tiniup á angin
é na na auri ing bili cu carin
nanung ucula'na ning anti á cu pin
at ing cacung bie é mo sa mabating.

Ing pangabili cu babo na ning danum
pirarapulpul na mabilis á alun
atin ping quebucas at pepatingapun
anga ing catauan queang panga umum,

Bayu cu mirinan dit mu mang sicanan
maina nang tutu calulung catauan
macuyad cung isip quea nang asajan
alang icalapsu ing bie ingatan

Qng metung á pulu mecad misadsad cu
meguinut sinaca ing pangabili cu
ala na cung balu quening panga tau
angang abucasan sinlag ya ing Fevo.

Qng pali na't aslag salang simbulat na
belica'na cu rin ning sadiang inaua
malatang catauan dapot maina ya
ing danup at pagal iti ing sangca'na.

[ 8 ]

Ulad cu mo uari meguinut quinusad
dicut á apangan ba'cung macaluclas
ya nang penaplac catauan á babad
qng marimlang danum minum cu't mimasmas.

Iti nan ulu á cacung quepaldan
ampon quesica'na mainang catauan
migmulang linacad quetang cabusalan
lugal á mesabi metung á pastulan.

Detang tutung dacal canita co iquit
á papastulan da cabayung matingquis
miayo pin ing tacut á cacu linapit
sinulung na queta nung nu pin mirantic.

Iniang milapit na aquilala cu la
cabayung babay ing pacajuga'la
ing santing dang tutu ing lub cu meyama
tatangal macaquit at lalbe carela.

Cabud cu na dimdam auala ning catau
á lalaquing lulual qng caqueuan pin mo
miralan pa mung dit ing horas mituclu
bayu na cu quitnan á nung ninu acu.

Sablang capalaran pigsulit cung guisan
caibat tiqui na linub qng caqueuan
á nung nu co disan detang taning dacal
panaquit da cacu migmulala la ngan.

Pepacan da na cu at quitang carela
nung nanu mo itang carin daraptan da
pamalac na ning lub iti nan metung ya
pulung cailangan pacasautan da.

[ 9 ]

Cacu ing carela binte at penasbuc
talataid na la caretang caballos
budñing Aring Mirza á carin sasacup
qñg pulung abanguit ya ing cucupcup.

Panaun á ita ba'la ping banua
babaing cabayu carin do darala
lalaquing cabayu yang mangasaua
á cabayung danum ing quea yaus da.

Mesabing cabayu caibat nang depat
subli yang mibalic quetang dayat-malat
babaing cabayu isubli rong yatad
carin qñg cayaria'cang Mirzang mipasiag.

Ding ipangebun dang Ialaquing cabayu
macatalaga la qñg Aring mayubu
alang gungcas qng santing dang tutu
pati qñg selusuan alang picacunu.

Tiqui rang sinabi qñg canacu ita
cabucasan abac carin maco na la
nung é cu dinatang mitagun carela
mate cu qñg danup at alang malala.

Uling marayu que carin qñg balayan
masaquit á bina carin miras datang
alang macaturu ala namang dalan
nanu man ala cang sucat paglacaran.

Sinulong na que pin cabucasa'nita
pintan ming balayan ding malda yabe ra
lius da cung dimpal Ari qñg arap na
dacal ya pengutang y Mirzang Alteza

[ 10 ]

Pequibatan cu ngan ing tula na ganap
ibyu nang sabla ing cacu na pisiag
ing pangapajamac ning bie iningat
lunus na qng cacu ali na acauat,

At uli na nita yutus na naman
din da cu nung nanu ing caministilan
manibat canita cacu nang pigmulan
mequi bansag mayap caring mangalacal.

Taung mamaaglacu qng mialiuang balen
nanu pa't ing bili cari'na mi-inguit
penaquitan da cu ding acayabe pin
qng bulayan Bagdad iniang macariquil.

Pamacasaut cu Bagdad qñg sacup na
inucul cung muli ing carin tucnang
uling é masulit qng baca'cu ita
ing pamibali'cu balen cung talaga.

Qñg pamaindatun canitang cayarian
á sasacupa'na ning Aring gagalang
maquipagsalita marajil daraptan
caring Gobernador at Principes naman.

Macapalibutad la pauang mangabiasa
at purung pemili leyes da qng India
sablang caugalian canacu tiru ra
mabilug nang sacup suguing Aring Mirza.

Qng misan á aldo cacung pamagpasial
canitang puertu na ning meto cayarian
atagunan que pin metung á sacayan
pangaras na carin bayu pang pañatang.

[ 11 ]

 Mialiuang calacal itang lilicas da
at caring almacen maustang palub da
aliuang balutan amatan co queta
at ing cacung laguiu yang macaletra.

 Siniasat cu no pin aquilalang mayap
ila ding lilanan qng banding iningat
canitang saquen Balsorang labuad
ampon ing Capitan cacu yang amalas.

 Qng balua'na ngeti mausta cung mete
Capitan lepitan quitnan que caniti
balutan á deti nung quenu lang tune
minulad ali ya uling é na male.

 Anti man qñg cacu nganang tinambayan
misan minaque ya canceu iti nan
metung yang maglacu careting calacal
Simbad ing pamansag quea cayausan.

 Miras que nanu ta qñg misan á aldo
qng metung á pulu at aliuang tau
cayabe minaque caniti nang Barco
ampon sinaca lang alang picacunu.

 Quetang timalad mi itang asadsaran.
mi pulu ya libutad danuman
ali palan da sa maragul yang asan
dambualang matudtud quetang calautan.

 Ing asan á iti iniang damdama'na
micapali ya pin ita ning gulut na
qng uli ning api á pepatauan da
libutad ning danum biglang migpalbug ya

[ 12 ]

 Daca'lang tinuclu quetang queang gulut
pati na miligtas qñg danum é limbug
dapot ding aliua tune lang melumud
metung ya careti y Simbad á bantug.

 Caya la pin deti tildu mung balutan
nasa cong pisali ing cacung uculan
qng misan á aldo á nung sacali man
caring familia na ating asumpungan.

 Pujunan ibie eu at penaquitan pa
ing queang casabi minte mequibat ya
acu pu y Simbad ba'mung aquilala
o apung Capitan ing migcamali ca.

 Milinsad pu yang ucul mu at balac
ngamu qng mete ne ing calulung Simbad
mabie cu at ba'mung iti atalastas
canacu la deting balutan á pising.

 Iti nang Capitan pigmulala'na na
qng cacung amanu lius pang quinlis ya
ngana uari sucat marapat pin ita
mayupayang Simbad sucat mie ya pa.

 ¿Ninung maniwala? ¿nunte ing sabi ra
deta ninang sabla qñg anti canita?
tune nang tengalan ding mata cung adua
Simbad ing miliari á camataya'na.

 Detang pacasaque macañan mu naman
iquit dang antimo ing cacung tenğalan
at ngeni tin co pang lupang acarapan
sasabi qng cacu y Simbad á mambang.

[ 13 ]

 Maraua cong tau nung lauan da cayu

ninu man igcas na mapuri cong tutu

anti man buri yung saquiman siguru

banding é 'yu talus é naman quecayu.

 Pequibatan que pin ngana nung buri na

pequiramdaman pin ampon abalu na

ing panga ligtas eu at ing querasan pa

ngacu damdam ca pin salesayan queça

 Ing queralanan cu at panga tabnu cu

caring manaid na caretang cabayu

nitang Aring magcas carin Gogobierno

mibansag á Mirza tangu'ning Indico.

 Mebaldug ya murin qng amanung pisiag

mañaque qñg quen iñang ating miras

aquilala ra cu ing lub da meyaguiag

miquit queng miuman ing tula pilapat.

 Ya nang mula na at peniusla na

Capitan qng Barco qng canacu ita

sablang á pagsulit alang picudta na

melino ya isip lubus nang quilala.

 Quinaul na na cu quiolis yang sinabi

nua'neng da ing Dios quetang queang puri

linigtas na cayu qñg bague miliari

canitang panganib á alsng cayanti.

 ¡Nuanti ngeni dagul ininang tula cul

deti nang balutan ing queca lang tutu

at layun aduangan yulat cu tilu

é aguiung panasbuc ing pasalamat cu.

[ 14 ]

 Queca uli nita ing sablang parangal

at daracayan que caretang calacal

maulang panirug nu man anti camal

tinanguiſt é ya pin tinangap nanu man.

 Lalung mayulaga caring balutan eu

pigregalong biñe qng Aring mayubu

ganap nang conciencia inablasa'na cu

é mamin panasbuc mayupayang "tutu.

 Piglibe cu carin mialiuang calacal

at iniang ume ne malicsing sacayan

ilantang nong layag sinaque marapal

at qng Aring Mirza itang capamunan.

 Usig mi ing angin é naman melambat

misadead Balsora misaca cung patag

dela nang binitbit calacal á mayap

dinalan á libu Zequi ing mipasing.

 E paulat itang tula rang cacamtan

seganan dang tingap ding familiang dacal

quipnuan itang tula é ra paninasan

mie cu uli na ning capanganiban.

 Uling bulalag na ing acu mete cu

inia maginulala itang lub dang tutu

dacal nomang ipas ding pemañali cu

ampon dayat-malat malapad á tutu.

 Pepatali cu pang maragul á bale:

ba'eu ngang apalcas sablang lasang tune

at pamitutula qñg canacung ibie

pati pamañira depat cu caniti.

[ 15 ]

 Mitan sinaguli salita nang Simbad

pamangan canita ba'na ping malutas

mirasan qng bengi ing mayubung tatag

pauli ning saya ing queti mamaguiag.

 E ata mepupus maulang pamanĝan

convidadong pili pesiuli no ngan

tula qñg pusu ra alang pipaguiuan

uli ning alalang quimtan da't nebangnan.

 Uli na pablasa ning pamacamal na

mayupayang Simbad á caluguran da

inia sa't ing tula é macua, carela

tingap nang inacu ning pilubluban da.

 At iniang y Nadir ume ne sang murung

qñg pamangan queta aldo at panaun

sebiana'neng Simbad lalaquing maucul

inaduang ne caya itang bulsang metung.

 Dinalan á Zequi ita ning lama'na

tangapan mo deti cang Nadir pin ngana

sucat á pagcabie careti atin ca

familia mu't saca ampon aliua pa.

 Uling angang bucas apaquirasan mu

aramdam mausta ing capalaran cu

ing anac & Nadir metula yang tutu

qng quimta nang lugud lius memu'ne mo

 Pangaras nang Nadir canitang bale na

selta na iti qng queang asaua

sablang mepaliari uling meinip ya.

asaua metula qng pamanaquit na.

[ 16 ]

 Uli ra ding Zequi queang sasacmalan

quiquildap uli ring ulaga ra timbang

ya't ding anac na at pepasalamatan

qñg Dios uli ning lugud nang pepabal.

 Canitang cabeng̃ian meñaman ya tudtud

maiguit qñg sadia é mamin panasbuc

Nadir cabucasan quea nang sinulud

itang mayulaga qñg queang vestidos.

 Pepainturu ne bale na ning malam

mapañapat mayap queang caluguran

tingap ne qñg lalung panalalang mal

at catuqui no mo convidadong nuan.

 Mayubung pamang̃an at pigmulan da na

pamiluclucan da y Simbad guingcas ya

panaligan cu pin ó macamal ng̃ana

quening salesayan damdam co't quilala.

 Ing capalaran cu caduang pamanlacbe

qñg lub cung bitasa ali pin tauli

canitang minunang cacu mepaliari

titing̃iran da mo ding sabla caniti.

 Y Simbad guingcas na ing bague macañan

qñg cabiluga'na ning pamidung̃utan

sablang bie-bie queang queralanan

caduang panlacbe ing queang pipulan.