Corrido qñg bie nang queralanan ning metung a miglayag a milaguiung Simbad

by Cornelio A. Pabalán Byron

[ - ]

CORRIDO
QÑG BIE NANG
queralanan ning metung a
miglayag a milaguiung
SIMBAD
A SUCAT ULIRAN
QÑG PAMANINTUN PAGCABIE.

 

L I M B A G AN
NANG
Cornelio A. Pabalán Byron.
Baculud, Capampañgan.
1911

[ 1 ]

CORRIDO qñg bie nang queralanan ning melung a miglayag a milaguiung SIMBAD a sucat uliran qñg pamanintun pagcabie.

---

 

Atin carin Bagdad á calulung anac
maluca ya't Nadir ing queang pamansag
qñg misan á aldo ning queang panlacad
panau'ning pali quilub na ning Ciudad.

Qñg dagul na't bayat baluta'nang pusan
caretang pago na iniang ng̃anang lacbe
qñg pang̃a pacang na anti yang quepatdan
mitan ya't ba'ya ping painaua bilang.

Quildas neng pusa'na binili qñg gabun
libutad ning dalan licluca'neng layun
arapa'na nita ting bale maragul
ala cang ipintas qñg sampat na nayun.

Bau nang sising̃o á pang̃ang̃ayamnan
queang paquilala tau yang macamal
á maqui abala ing carin tutucnang
anti na pin nitang queang á tang̃alan.

Ing ing̃e ra't galo delang convidado
pamang̃an yama'na bau nang sising̃o
at ing macauili tigtig ding musico
sucat paniualan alang picacunu.

[ 2 ]Nadir inagad neng pengutang caniti

nung ninu pin itang carin maqui bale
pengutnanang Criado masampat á gani
quitang ne carela tune maqui bandi

Macapagmulala nganang tinambayan
catau caretang: Criadong queang quitnan
carin ca pu Bagdad é me camaiayan
ing magcas á Simbad tune mingueayan.

Ing caiulung anac ati'nang balita
Simbad degula'na at pangasaplala
pengariria'ne ne'ti qng sampat na calma
uling é na cabas ning queang mababa.

Tinga ya banua nganang guinulisac
¡ó Guinung miglalang dagul nang e palac
ning palad cu't calma ning canining Simbad
manaua ya't acu calulu cu't lupad!

Macaparati cu masipit magobra
lasa apacan co ding cacung familia
cabang ining Simbad at mitutula ya
busal ning casayan at magpacayama.

Misaplala ya pin qng bandi minuan
banua inta mo sang ligura'neng dacal
qng capanintunan pate cu catauan
ala cu ring palad sari qng calucan.

Queting malungcut nang pamibalac-balac
dinurup yang metung qñg tacde ne depat
tuqui ca canacu't ing guinu cung Simbad

queca ating canung buri nang ipasiag.
[ 3 ]

 Nadir, qñg tacut na quea yang aramdam
Simbad, quetang; aclis á queang sambitan
magcang parusa'ne guinaua yang sangcan
á é na á lacuan ing queang balutan.

 Dapot qng sipit na agcat ning Criado
mepilit ya murin tinuquing memintu
gagalgal ya laman miras yang mituclu
salas dang panganan maldang convidado.

 Itang maca-buntuc qng pamag-lamesa
magcas yang macamal maldang convidado
ya pin y Simbad, cahud minutus ya
Nadir linucluc ne carin qñg siping na.

 Inaduanga'na neng maulang pamangan
panga ibat niti selisi neng quitnan
nung nanung laguiu na queang capacayan
Nadir menquibat ya qng dine ya quipnuan.

 Simbad digdag na pa ya murin sa ngana
aquilala ra ca cacu magsulit ca
diquil quetang bague á dimdam cu queca
á nandin pang dit guingcas qng calzada.

 Nadir queting cutang minlunga ya tacut
gagalgal ya bitis sinagad qng buntuc
mangangalare ya ngana ping menasbuc
darala ning pagal at ucul cung pugut.

 A yagcas cu guinu anti quening sabi
inia ing patauad cacu mu pu ibie
pequibat nang Simhad nung anti caniti
calulunusan cu cabilian mu nĝeni.

[ 4 ]

Dapot carampatan cacung paquilala
balatung mung ucul canacu telaga
cacung capalaran uculan mu nge'ta
pemanaquim cu rau é pipagalan pa.

Ba'mung atalastas bayu cu arasan
ining acaquit mung cacung canuanan
dacal pa mung pagal lasa't casaquitan
ing queralanan cu bayu cu á eamtan.

Lingusa'nong Simbad maldang combidado
ngana é mu misan sucat nang dimdam yu
queralan-dalanan Ne cung calulu
mirina'n panaun queco pagsulit cu.

Ining caugalian, capalaran mayap
qng maldang panganib á cacu inilabas
mecapitung ucdu caring dayat-malat
á maralas cu ping bigsu quepajamac.

Ninung magmatapang á masican á lub
queting pami-bandi bisang macayabut
ali na isubu ing bie nang irug
antimo sa acu ustan yung panasbuc.