Bornemann: Plattdeutsche Gedichte/Republik und Königsthum

Bornemann: Plattdeutsche Gedichte

[040]
Republik und Königsthum.

Hinz un Kunz — de zankten sick
Bie de Pulle Beer
König oder Rüpelplick —
Wat am besten weer?

Ok de Köster kam to Kroog,
Stott sien Schöppken rin:
Denn he nam, geschickt un kloog,
Mänchen Gröschen in.

Was gelehrt in vöäle Künst,
Dresseln, Schoostern, Moahl'n:
Künn von unse Schoolgeld sünst,
Nich Klafütge *) toal'n.

   *) Klafütge: ist die Benennung des schlechtesten
   Landgetränks. Es steht gegen Bier vielleicht in
   eben dem Verhältniß, wie Lutterwasser, gegen
   Franzbranntwein.

[047]
Un de Köster, lange Tiet
Hört he still den Zank:
Så denn: — na Gevadderslüd,
Ick språk ok mit mank.

Ködderwendsch — is Rüpelplik,
Just wie Liggedor:
Republik: merkt,
so spräk ick,
Schrief't ju't hinnert Ohr.

Republik un Königsthom,
Drdåber kabbeln jie:
Na, ick breng ju ut den Drohm,
Gewft moal Acht up mie.

Hem jie nich in jue Hood
Sünst veer Bullen hat?
Alle glieke stark un groot
Na, wat word denn dat?

Stotten rüm sick alle veer,
Kener wieken dah
Jeder kam den aͤnnern Queer,
Jööst blewf mänch Stück Veh.

[048]
Wat haͤt unse Schult gesegt? -
(Is en kloger Mann:)
„Mit dåt Kohveh steit et schlecht
„Bull'n — sind Schuld doaran.

„Sind de Bullen alle Veer
„Glieke stark un groot,
„Stoahn se immer sick to Wehr,
„Dåt just deit nich goot.

Enen starken Bull'n hem jie
Drup ju angeschafft,
En Poar Lütgern noch derbie,
Von geringrer Kraft.

Un de starke Bull heel nu
Düchtig in Respect,
Un dät Kohveh kalfte ju,
Alles gung perfect.

Na! is ju nu kloar de Drohm? —
Merken jie de Lehr?
Republik und Königsthom,
Stell'n de Bullen vöär.