Báhár (Qayıpnazarov)
Qulpırıp keldi náwbáhár,
Qushaǵı tolı gúl menen,
Men súyip qarsı alaman,
Baxıtlı, shadlı el menen.
Kók gilem jayıp jer betin,
Jap-jasıl etip ózgertti.
Elimnin sulıw kelbetin,
Kózime ısıq kórsetti.
Barq urǵan baǵday jasartıp,
Kórkeytken jerdiń jamalın,
Báhárdiń janǵa jaǵımlı,
Súyemen esken samalın.
Húrmetli saqıy miymanım,
Báhárden sıyǵa gúl alıp,
Men shıqtım dárya boyına,
Gúllengen jerge kóz salıp.
Jaǵada esip jarasqan,
Baǵlardı erkin aralap,
Jaynaǵan báhár kúnleri,
Ámiuwdi júrmen jaǵalap.
Suwında sarı sazanı,
Jaylımda júrgen qońır ǵaz,
Boyında Ámiu dáryanıń,
Islep júr erler jeńimpaz.