Ayîr a ridé

From Wikisource
Jump to navigation Jump to search
Dêrènes Bates  (2014)  by Jacques Desmet
Ayîr a ridé

Ayîr a ridé

Afîye, quand ti crâyetéyes ti-y-uch,
Rin qu’on momint,
C’èst come l’alumwêre
Qui t’ laîs foû d’alin.ne.

Ti faîs claper tès dwègts ;
Dji veû one gréve di blanc sauvion,
Avou nos deûs cwârps sitindus…
Ayîr à ridé su l’ nîve d’audjoûrdu

C’èst tote ti tièsse qui mousse è l’ minke ;
Dès royons d’ totes lès coleûrs,
I n’ m’è d’meure pus qu’ saquants plumes
Dins lès paumes di mès deûs mwins.

Dji vôreû sawè par èwou ç’ qui t’ tchèsses .
Conèche li bwès èwou ç’ qui t’ traques,
Lès mouchons r’glatichants
Qui ti m’ catches, tot rintrant.

Dji n’ vike pus, èt portant,
Dji m’ètind bwârler pa d’zo tès bètch
Lès cia qu’ ti m’ dones
Po mi spaurgnî quand dj’a mau.

Li linçou r’tchaît
Sur one lèdjêre après-prandjêre.
Ti m’aveûs priyî
Po fé passer l’ timps.

Tot d’on côp,
Tès-ouys sont dins lès minks :
Jusse assez
Po m’ rèfacer !