Au maîy

From Wikisource
Jump to navigation Jump to search
Dêrènes Bates  (2014)  by Jacques Desmet
Au maîy

Au maîy

On gros bètch s’a racwètî au côrti…
Dimèroz cwèy, lèyoz l’ paujêre…
L’amoûr tricote si nid !…

Si dj’ vos racontreû
Come i m’a r’chandi
Ci p’tit gnognot là
Qui dj’a aîdî
À s’astamper.

Si dj’ vos racontreû
Lès peûs qu’i nos-a d’né,
Come si ç’ sèreût
Do pwin bèni
Dèl Sint Ubèrt.

Si dj’ vos racontreû,
Li djoû qu’il a ’nn’alé
Èri d’ nosse nid,
Serîz co véci
Po l’ ratinde avou mi ?