Areû dj’ sitî suké ?

From Wikisource
Jump to navigation Jump to search
Dêrènes Bates  (2014)  by Jacques Desmet
Areû dj’ sitî suké ?

Areû dj’ sitî suké ?

Dji r’lû d’en d’dins come si ç’ sèreûve Pauque,
Dj’a scrèpé mès dints al crèsse di mès plaukes,

Rinètî mès plâyes al crépe aus batèmes,
Riscrît mès pâtêrs avou mès-èrlèmes,

Èt r’laver l’ Bon Diu d’ totes sès mariminces.
Mès soçons : one crwès su leûs pènitinces,

Dj’ènn’a faît mès sints qui dj’ prîye tos lès djoûs.
Dji so si bia qu’on nè l’ vwèt nin d’en d’ foû.

Dj’a m’ tièsse findoûwe, èle laît passer l’ lumîre,
Tot mascaurdé, ça sèreût co byin pîre !