Arba (Kúnxoja)
Ógizdiń moynın taldırǵan,
Írǵatılıp joldı jırǵan,
Ataqlı usta balta urǵan,
Kemeshleriń sınıq arba.
Bergenegin berkinbegen,
Degershigiń dirkildegen,
Ógiz jekse, zorǵa júrgen,
Arısıń da jaman arba.
Tarbıyıp jerdi alasań,
Óziń bilip qozǵalmaysań,
Sıysań, ol jolda qalasań,
Haslıń aǵash seniń arba.
Ógiz qospay aylanbaysań,
Oylanıp hám uyalmaysań,
May jaqpasa, way-waylaysań,
Qılıǵıń da jaman arba.
|
This work was published before January 1, 1931, and is in the public domain worldwide because the author died at least 100 years ago. |