All’è, Signoor Carlesch, chel nostri maal

All’è, Signoor Carlesch, chel nostri maal

«All’ è, Signoor Carlesch, chel nostri maal»

All’è, Signoor Carlesch, chel nostri maal,
che noo fievra quartana nomini,
Un cert mal vitioos, ch’al ama’l vin,
Iust com’ama la sonza un gros stivaal;
Se voo però no volees invernaal,
E brammaas di vuarii di fatta fin,
Subit, ch’i vees bivut un pochitin,
Lassaat, che gnò cusin sveiti il boccaal.
No crodit, che, par dami chist requart,
Io vi tegni in concet di bevadoor,
Parcè, che s’il fases, io vares tuart.
Chist è simpliz’effiett di veer amoor,
Ch’i no vorès vedeevi un peel in stuart,
Ma simpri in sanetaat, e cun honoor.
In summa, miò Signoor,
Vorès vedevi subit rissanaat,
Azò chi fossis prest anch dottoraat.