Al sur marches Angiol Maraveja Mantegazza, in mort de la soa mamma granda
Ironem Biragh (1691-1773)
Al sur marches Angiol Maraveja Mantegazza, in mort de la soa mamma granda
Preghi el sur marchesin d'avè pazienza
se vegni a desturball cont i mee locc;
ghe disi in veritaa su la conscienza
che prima gh'hoo pensaa tutta sta nocc.
No scrivi minga al pà, perchè già soo
che 'l gh'ha coss d'importanza senza fin;
coss bej e bonn de lambiccass el coo,
senza legg i straffoj de Meneghin.
[...]