Aireu

From Wikisource
Jump to navigation Jump to search

Aireu

Rimetou e walon på Lorint Hendschel

s. d.


Dj’ a rabressî l’ aireu d’ esté.

Rén n’ bodjîve co sol front des palås. L’ aiwe esteut moite. Les camps d’ ombe ni cwitént nén l’ voye do bwès. Dj’ a roté, dispiertant les tienès vicantès alonnes, eyet les pîrreyes riwaitént, eyet les penas s’ levént sins brut.

Sol pazea ddja rimpli di bladjes et frisses siclats, li prumire eterprijhe fout ’ne fleur ki m’ derit s’ no.

Dji riya après l’ blond wasserfall ki s’ dihåmona å d’ triviè des sapéns : al betchete d’ årdjint, dji ricnoxha l’ deyesse.

Onk a onk, adon, dji leva les vweles. Dins l’ dréve, tot fjhant aler mes brès. Avå li stårêye, wice ki djel racuza å cok. Divins l’ grande veye, ele s’ essåvéve avå les clotchîs eyet les dômes et, corant come on bribeu so les bates di marme, djel tchessîve.

Al copete do tiene, tot près d’ on bwès d’ lawris, dji l’ a rafûrlé avou ses vweles ramonçlés, et dj’ a sintou on boket di s’ coir foû mezeure. Et tchair, l’ aireu et l’ efant, al valêye do bwès.

C’ e-st a nonne ki dji m’ dispierta