A-o sciô Gioanin Cazassa

From Wikisource
Jump to navigation Jump to search
A-o sciô Gioanin Cazassa
by G. B. Rosso
pubricao into La Maga do 13 dex. 1853.
[ 4 ]
A-O SCIO GIOANIN CAZASSA
SUNETTO


Gioanin, Gioanin, me fæ strasecolâ:
Cose v'ha fæto o Poeta Perrûcchê
Perchè un lûnajo o l'ha vosciûo stampâ?
E lasciæ ch'o consûmme do papê.

Con tanta bile voî ve fæ burlâ,
Se ve creddeì ciû bûllo assæ che lê;
Do so travaggio no doveì tremmâ,
O che seì dunque sccetto un veo braghê.

Se lindo o mæ pensâ ve l'ho da dî,
Scibben che o scillabaio o n'ha studiôu,
Parodi o l'è ciû poeta assæ che vuî.

Cö vostro criticâ ve seì mostrôu
Ommo meschin; che cö vostro scoxî
Lê ciû lunaj intanto o l'ha exitôu.

G. B. Rossi