თქვა რეთ ჩქინი და დო ჯიმა
(Redirected from *თქვან ნაჭარემს ვკითხულენქ დო)
| თქვა რეთ ჩქინი და დო ჯიმა by [[Author:ფაუსტ ნადარაია|]] |
| ჟურნალი "აია" №19 2015 წლი გვ.68 |
(გაზეთ "გალიშ" მოხანდეეფს)
თქვან ნაჭარემს ვკითხულენქ დო
მოკო თქვან გურს ინოჯინა,
თქვა ვარეთუ შხვაშიანი,
თქვა რეთ ჩქინი და დო ჯიმა.
ვორწყეთ მუჭო ომინჯუთუ
ნანაშ ნინას მარგალურსუ,
მოჯგირეემს ახარენთ დო
ნტერემს უსოფუნთუ გურსუ.
ჩქინი ნერჩი ართი რე დო
ჩქი მიღუნა ართი ჯინჯი,
თქვა მელეშე, ჩქი მოლეშე
ოკო ქუგობდვათუ ხინჯი.
ჯვეშ აიაშ ხონარი რე
მარგალური ნინა სქვამი,
ღორონთქ დღასუ ვამოლასას
ჯიმალობა ჩქინ დო თქვანი.