ღურუქ დიხასჷ...
Jump to navigation
Jump to search
ღურუქ დიხასჷ ქიგიობონდღჷ ჯოხოთ საფულა.
დო მუში რინა არგამათჷ ქიანას მოდუ.
ძელი დო ჸვილცჷ ხოლო თისჷ ინმაცაფულანც,
ღურუქ დიხასჷ ქიგიობონდღჷ ჯოხოთ საფულა.
ნანტებუ შური სასია რე, ცას ოსასურუ,
გურ ინწყუმუ დო კილმარჩქინდჷ ირფელ ნაფულა,
დიხას ინაფათქ საუკუმოში მორღე სასქუო,
დო უჩა ბორჯი გეზუმინუნც მუჭოთ ქაბულა.
ჩე ჩხორიასჷ გიშულებუ ჩქიმი ტანიშე,
მარა გარაგან ვა მოთხიუ ირო მარცქინე.
ცას მუჭო ოსქვანც ვარვალია თუთაშ მარწკინდი,
იკარკატუნა მურიცხეფი არძა განიშე.
ცაშ ოზეს ვორდი, გილებრული თევრე-თავრეშე,
მა ვემემტებუ ფანია დო ჩქიმი სანერჩე.