ქიანა ვერგ უმინჯურო
ჩქჷნნერი მისი უღუ ზღვა დო გვალა,
თიში მინჯეთი ვებრგჷთ ვარა,
მეზობელც დო მეშარეს,
არძოს ოკო მიდაღალა.
თეში გურმოჭვე ამდღა მირე,
მუზმა მიდაღალარირე
მინი თურქიში რე, მინი რუსიში,
მინი თათარი დო სომეხიში.
ვართი დინახალე, ვართი გალე,
ჩქინი მინჯე მითინი ვარე.
მუჭოთ ჩქჷჩქჷ უძუძურო,
ქიანა ვერგ უმინჯურო.
აიშა მოფრთით მინჯალათ,
ართი გური დო პიჯალათ,
მარა ამდღა ჩიჩიეცალო,
ჩქჷ გინიფრთით გაძიცალო,
მუშ დიხას დო მუში წყარც
შხვა მი ირძენც ჩქჷნიცალო.
ნტერც ნამთინც ვავორჩჷთ,
ართიანცჷ პილჷნთ ვარა
მიდაღალირი ჭიჭე ვარე,
ჭუმე მეტის მიდამღანა,
ჩქჷნ დუც ვოცჷლჷთ ძალო
კინ ჩქინი გურიში გასოფალო,
გალენი ნტერიში მანგიორო
გეგნოგიბეს სამარგალო,
თეზმა მუშენი ვაუჩქუნა,
ნერჩის მუშენი ოჩხუპუნა,
შხვა ვორეთო გაჯინალო,
ართი ვარენო საჯიმალო,
იბჩიებუთ ხმამაღალო:
საქორთუო ვადინ გვალო,
ოდო ქიჸი სამარგალო.