უობირე ობირეში
ნაოროფუში მუკორთინა
მიმოთანსინი, ვორწყექ, მარა,
გურ ეფშა მაფუ, ვამიჩქ მუთი,
სოდგია რდასუ, რძღელი ქვარა.
მიჯინე დო ინვოჯინექ,
ვამიჩქ სოიშახ იბღა თოლი,
ვორწყექ, თაქ ქიგეშქირატე
ნადღაშა დო ნასინთოლი.
თით ღურელი, მათ ღურლი,
სონი სანთელი ნიტე, სო რზუ,
ღალირი სერიში ნადღამუშა
კინ ოროფას გუმამორსუ.
მუ იბჩია, თებული რე,
ანწ ჩქიმი შარა შხვა დღანო რე,
ბორჯიში რქიაქ დამითხინუ,
მუთ მოხოლუდუ ჭყანა-ღონე.
თაში ოფე,-ბორჯიში გამას
შურო ვაუჩი და გური.
წყარიცალო ქათქოსქირუ,
სქანი ნაშარუ დო ნოქური.