მე კავკასიის ქედები მთხოვენ

From Wikisource
Jump to navigation Jump to search
მე კავკასიის ქედები მთხოვენ
ავტორი: გალაკტიონ ტაბიძე


მე კავკასიის ქედები მთხოვენ,
მე მთხოვს მუსიკა თერგის ხმაურის,
ვუსმინო ყაზბეგს-ხევის ბეთჰოვენს,
აგუგუნება კაეშაურის.
მე მშობლიური არაგვი მირჩევს,
წინასწარ ვიგრძნო, ვიცოდე მარად,
ქართველის გული თუ რისთვის ირჩევს,
ომში სიცოცხლე ჩასთვალოს არად.
იმ დღეებს ძეგლი უნდა აუგო,
უნდა აღვმართო წყებათა-წყება,
ვით აღიმართა შენთან, ძაუგო,
გამარჯვებათა ჩვენთა დაწყება!