XIV.აგურასჲ ცაში მაფობაქჲ ვითი მოჭყუდუენსჲ ნამუეფიქჷთი გეეჭოფესჷ მუნეფიში სასინათოეფი დო გიმიილესჷ სინჯაში მიოზადაფუშა; მარა თინეფიშე ორდესჷ ხუთი ჭკუერეფი დო ხუთი სუნელეფი. თი სუნელენქჲ გეეჭოფესჷ მუნეფიში სასინათოეფი დო ვე ეღესჷ თიწკალა ზეთი. მარა ჭკუერენქჲ მიდეეღესჷ ართო მუნეფიში სასინათო წკალა ზეთი მუნეფიში ჭკუჯითჲ. დო რაღანჲ სინჯასჲ დააცხადჷ ლურქჲ ქიგიილააბესჷ არძოსჷ დო ქიმკირულეესჷ. მარა შქასერი ჟანსჲ ხონარობაქჲ იჸუუ: "ნამუდა, აჸა, თენარე სინჯა მუურსჷ, გიმიილითჲ თიში მიოზადაფუშა". თიწკუმა არძოქჲ გეედირთესჷ თი მოჭყუდუენქჷ დო ქჷდეეკესჷ მუნეფიში სასინათოეფი. მარა თი სუნელეფი ურაგადჷდესჷ თი ჭკუერენსჷ: "ქიგილამისქილიდეეთჲ ჩქი თქუანი ზეთი, რაღანჲ ჩქინი სასინათოეფი შქირტჷნა ნი." თეში გაამათჲ უწიისჷ თი ჭკორენსჲ: "ჩქი დო თქვა ვა დჷმობაღა ნი ვარიი ვე ეყუასჷ, უჯგუში რე მიდართათჲ ოჸიდეშა დო თქვანოთჲ ქიიჸიდათჷ ნი." დო, მუჭოთი მიდართესჷ თინენქჲ ოყიდეშა ნი, ქომორთჷ სინჯაქჷ, დო თი გიმონწყირენქჷთი მინიილესჷ სინჯა წკალა დიარაშა, დო დიიკილუ კარქჲ. თინეფიში უკული ქომორთესჷ თი შხუა მოჭყუდუენქჷთი დო ურაგადჷდესჷ: "პატონი, პატონი, გომიჯითჲ, ჩქი კარი! მარა თიქჲ გაამათჲ. უწუუ თინენსჲ: "მართალსჲ გიწიინთჲ, ვა გიჩინენთჲ თქვა."