IX. აგურუ ცაში მაფობაქჲ მაფა–კოსჲ, ნამუქჷთი სამართალიში გორჩქინა მუში ჭკორეფი წკალა ინებუ ნი, დო მუჭოთი ქიგიიჭყჷ გორჩქინა ნი, გემწუურინესჷ თისჲ ართი ნამუშათი ბრელი ქანქარი გეუძჷდჷ ნი, დო რახანჲ თისჲ მუთუნი მიოჩამალი ვა უღუდუ ნი, უზოჯჷ მუში პატონქჲ გინოჩამა მუში ჩილიში დო მუში სქუალეფიში, დო მუთი ქააპალუდჷ ნი ირფელიში, დო გინოგაფა თიში. თიმუჟანსჲ ქეწაანთხჷთი ჭკორი დო თაყვანსცენდჷ დო ურაგადჷდჷ: „შურგძელი იჸიი ჩქიმი წკჷმა, პატონი, დო ირფელსჲ ქიმერჩანქჲ სი“. შეებრალჷ მუში პატონსჲ თი ჭკორქჷ დო გუუტუუ თინა დო გეუძჷდჷ ნი თითი ქააპატუუ; დო მუჭოთი გიმიილჲ თე- ურე თი ჭკორქჷ ნი, ქოძირჷ ართი მუ ჯგურა ჭკორი, ნამუსჷთი მუსი ოში დრაკანი გეძჷდჷ ნი, ოჭოფჷ თინა დო ოშქჳიდუანდჷ თისჷ დო ურაგადჷდ: „ქომუჩი მუთი ვა რენო გერძჷდჷ ნი“. ქეწაანთხჷ თისჲ თი მუში მაჸალექჷ დო ოხვეწჷდჷ თისჷ დო ურაგადჷდჷ: „შურგძელი იჸიი ჩქიმი წკჷმა დოირფელსჲ ქემერჩანქჲ სი“. მარა იქჲ ვა გუუგონუუ თისჲ, მიდართჷ დო ქჷმითააჸოთჷ თინა ორუმესჲ ონდარო მუში ვარისჲ ვე მეჩანდჷ ნი. ვა რენო ქოძირესი მუ ჯგურა ჭკორენქჲ თე საქმე ნი, ძალამი შიიწუხესჷ დო ქემე–რთესჷ დო ქააგინაფესჷ მუნეფიში მაფაპატონსჲ ირიფელი მუქჷთი იჸუუ ნი, თი მუწკჷმა ქიჭანუ თინა მუში პატონქჷ დო უწუუ: „სი, ცუდი ჭკორი, ირფელი სქანი ვალი ქჷგაპატიი სი, რაღანჲ მოხვეწჷდი ნი, – სითი ვეემართებუდიო, ნამუდა ქეშეგიბრალებუდჷკო ნი სქანი მაჸალე ჭკორითი, მუჭოთი მა სი შეგიბრალი ნი“? დო გეერისხჷ მუში პატონქჷ დო ქემეჩჷ თინა მაწვალებერეფიში ხესჲ, ონდარო მუთი გეძჷდჷ ნი ირიფელსჲ ვეგინიიგანდჷ ნი.