იმერეთს

From Wikisource
Jump to navigation Jump to search
იმერეთს
ავტორი: ვაჟა-ფშაველა
1913 წელი


ერთხანად ჩემო მძრახაო,
 ლიხს-აქათურო დედაო!
 გხედავ, რომ შამრიგებიხარ,
 მით შენთან სალამს ვბედაო.

 შაერთებულად შენშია
 ქართლსა და კახეთს ვხედაო.

 ფარ-ხმალო საქართველოსავ,
 სხვაცა გბაძავდეს, ნეტაო!

 ის მომწონს, თავის ქვეყნისა
 კარებს რო მაგრა ჰკეტაო.
 ვნება ნუ ასცდეს, სავნებლად
 ვინაც შენ გაგიმეტაო!