ზღვაშფერ გიღუ თოლეფი (მურთაზ ყორშია)
(Redirected from ზღვაშფერ გიღუ თოლეფი(მურთაზ ყორშია))
ზღვაშფერ გიღუ თოლეფი დო
თითონ გუქუ ზღვას,
ვეშემიცოდუანქ დო
მიდაჸუნუქ შხვას.
გიშულირს მივოტენქ,
ხონუა დო თასუას,
გეგნომქილუნქ მოძინელ,
ჭოროხი დო მტკვარს.
დოიჸვილუნქ ქომონჯის,
გეგნოიჭუნქ ჸუდე-კარს,
სქან ჸოროფას გურისაჭოს
ქუჸუნუა ქარს.
ზღვაშფერ გიღუ თოლეფი დო
თითონ გუქუ ზღვას.