გალაქტიონ ტაბიძე

From Wikisource
Jump to: navigation, search

 ქორთ პოეტი.
 ზურაბ ხასაიაშ მარგალურ ნინაშა ნათანგა, გალაკტიონიშ ლერსეფი.

 წყარტიბუშე ქუთეშიშა

 წყარტიბუშე ქუთეშიშა
 ქარჲ, მუჭო რსხია!
 ეგებ რკითხას ქუთეშიქ
 მინ ორექ სია;
 მა ვორექშო შურიშღალა,
 მარა დუფულჲ, მიშჲ,
 ინას თეშით ქიმეიხვადუ
 ჩქიმჲ ქუთეიშჲ.


 გომორძგუა, სააფხაზო სქანი!

 გომორძგუა, სააფხაზო სქანი!..
 გვალათ, რზენით ირფელამო სქვამი.

 ბჟა ბარჩხალა მომნატრებუ სქანი,
 ზღვა ვამიძირუ ქორე მუზმა ხანი.

 ქიდმოხვამლე პალმას რგილი ორო
 შხვა ვამოკო სქანი მანგიორო.

 კვარკვანტია ნიში მეჩურუნც ზღვას
 ჩქინ ჸოროფა ვენდაღინე შხვას.

 ჯიმალობათ ვორდით ანგიშ–მანგი
 ქიგომშინი ჯვეში ამხანაგი.



 სააფხაზოშ ჭვიმა მიჸორც

 სააფხაზოშ ჭვიმ ა მიჸორცჷ
 მის უჩქ მუში მანწარასჷ.
 მოლერსეში ხუმა უღუ,
 ფიქრიქჷ ოკო მაწვალას.
 ჯაში ფურცელცჷ მოწენცჷ დო
 დიხასჷ დოჩხაპალანცჷ.

 ცასჷ ოსქვანც ჭვიმა თუდო ბუნილი,
 ძეწკვიცალო ჭვეთიშჷ გათობუნაფა.
 სქვამჷ ქიანაშჷ ჸოროფასჷ ვაცილჷ
 ცა რუმილი ვართი უჩა მუნაფა.

 იცურცხინჷ დამორჩილიშჷ მაჭარი,
 გეგშვანდუანცჷ შორიშჷ მალი მეშარე
 ჭვიმაშჷ ჭვეთი იბირცჷ თიში მასქვამათჷ
 უსქვამაში პოეზია ვეჭარე.



    მთაწმინდაშ თუთა

 დღას ვაჸაფე დიო თენერ თუთა ჩელაია,
 თუთა ოქროპუტალერჲ, ოჟერჟელაია.
 ქანა ცაშფერ ლანდეფით დო სისმარეფით გაფშუ...
 თენერ ლჷლჷ დო შურქალირჲ ცა დიო ვაფშუ.
 თუთა ითამ ზამბახიე, ჩქჷჩქჷშ სისმარცალო
 თიშ ორო დო ოქრუონს მტკვარჲ მისარსალუ;
 მტკვარს მეტეხჲ გინაჯინე, ჭიფე წელაია...
 დღას ვაჸაფე დიო თენერ თუთა ჩელაია.
 თაქ აკაკიშ აგაგას ხენცფეშ ლურით ლურსუ,
 თაქ ნახუტურ გვირალ ვარდეფს გინართუანს შურსუ.
 გვალა რე თუ მურიცხეფიშ გოთანთალერ ბინა.
 ბარათაშვილს ათაქ უჸორდ ომბოლურო რინა.
 ნოტე, ბირას ქოპუნაფდა, გედიშ ბედიქ მერგჷ,
 ოღონც გეშმარაგადუას, მუჭო დობჟამ სერქჷ,
 მუჭო სისმარს ეკი–დიკი ვაჸუნს მოვარიე,
 ფსუაშ შქიორ–შქიორით მიდეღ ოარიე.
 მუჭო ხონარ თიშენ მიღუ ოჟერჟელაია,
 ვორექ ღურამონჭაფილჲ გედი ჩელაია.
 ათე ცა დო თუთაშ ნარდიქ მუჭო ფთქუა, ვარა
 ღურუშ შარა ხვალე ართ რე–იავარდიშ შარა.
 მუჭო ქარგჷნს თე შარას მოლერსეშჲ ჭკუა,
 მუჭო დიო კოც ვოუძირ სერჲ ათეჯგუა;
 დიდ აგაგეფ! თქვან თოლოწო მუჭო მიდაფრთია,
 მუჭო ლერსიშ ხენცფე ვორექ, ხანგურ ლერსიშ თია.
 მუჭო ქანას ქავოსქიდუქ მათჲ თქვანიწკელა...
 დღას ვოუძირ დიო კოც თენერ თუთარჩელა.



 *მერი

 სი გურგინს გიდგუნდი ეთიმსერს მერჲ
 მერჲ, ეთიმსერს სქან თოლიშ ორო
 გოთანთალერ ცაშ ვარვალ დო ფერჲ
 მოწყინაფილ ორდ დამორჩილშორო.
 სი შხვას მეჸუდი სინთე, ზისნახე
 დო იტკვარტკვალუდ სანთელეფ, მერჲ,
 მარა სანთელშე მეტ სქან სახე
 რდუ ენქილაფირ, პირკალიშფერჲ.
 ოხვამეს ცაშა უჭოფუდ ფსუა,
 მიძირ მურიცხეფ დო ვარდიშპირეფჲ,
 მარა შხვა ჸოფე ხვამა–წირუათ
 ნდღულაფირ ცირეფჲ,
 შულადირ ცირეფჲ.
 სი ელაფუჩანდ ღორონც დო ხატის!
 იფჩქილედ, მერჲ, იფჩქილედ მა თის.
 რდუ დარხინება ონგარიშნერი,
 ჩე ონწერალეფს მიშახედ, მერჲ.
 სასაფლას განშე ისმინედ ნგარა.
 გურ ინგარდ ალბეთ;
 გურს მითინ ვაჸუნდ,
 რდუ ომბოლუა, სიცოდალ ვარა
 დღახუს ხომ ი დღა მუთუნით ვაგუდ.
 გალე გუმულა, ტყვაც დო ვალუა,
 გურიშ ჭუა დო გურიშხალუა.
 ქიანა ინწყუდ,
 ქარ გილექინძუდ,
 ჭვენდ, უზორთუანდ უგნუღალუო,
 ტანს ნაბადია ქიგნიფქუნ მშვიდას,
 შარა მეფჩ ფიქრის იდას დო იდას.
 ჸოხ, ყუდე სქანი! შურ ქიმიბღ თიშა,
 სუსტებულცალო ქიმკვაპონ კიდას.
 ათაშ ქანახანს ქელუორდ ყუდეს,
 ჩქინ წოხლე ლანჯეფ გეჩანდეს წორო.
 რუმე ფურცელეფ იშქიორუდეს
 ეფურინელ ქირიშ ფსუალეფშორო.
 გუორდ დო რინა ვამოკოდ მეტჲ.
 შურ იშენთ მეიღ, გურ იშენ გარზ,
 მა ვამაჭარუნ თი ნატრულ ბედჲ
 თირიშ თარჩიათ მეუღუდ ქარს.
 ქომწი: მუს ნარღენს თე ძღვაზღვილ ლანჟჲ?
 ჩქიმ ბედის მუშენ გიორე ორო?
 ჩქიმ ფიქრეფქ მუშენ დიჭყეს გვარგვანჯჲ
 ეფურინელ ქირიშ ფსუალეფშორო?
 ვარა ცას მუშენ უძიცანდ ტყურათ?
 ვარა თეზმა ტყა მუშგურშენ ბჟვერჲ?
 ვარა ,,მესაფლეს" მეგამათ ფთქუანდჲ?
 ვარა მის ოკოდ ჩქიმ ,,მა დო სერი"?
 გიმანთხუდ ჭვეთეფჲ ცალო დო ცალო.
 გურს გეჭვათაფა მიყვილუნდ ირჲ...
 დო ქჲმანგარინ ხენჩფე ლირცალო,
 ინგარჲ, ირკოჩიშ მეტებულჲ ლირჲ!
   

                                                                                                                           
            * მესაფულე

               -1- 
  • მესაფულე, სი რაგადა: მუთუნ ვარე კოჩიშ რინა,
  • მითინს ვაშ დო მითინს ვაცოდ, დიხას მითიდვალუნ თინა.
  • მა მუდგარენ ვაბჯერს თენა, ართი ზიტყვა ვამწანს სქანჷ
  • დო ქიმჲოტე იფრელიშ უგა–მაგა გოციგანჷ.
  • ვარდიშთუთა, მესიშთუთა. ირქენს დო იქაქალუ,
  • პეულით რე გჷნოთილჲ, ჯა პირელ დო ჯა მაფალუ.
  • ბჟაშ ოქრუონს მიშეშქვიდუ ცა ტიბუ დო დიხა რგილჲ,
  • ელმოლ გოქვარქვაშელ რენდო ვარდეფით რე გოქარგილჲ.
  • ქარწყექ: ჸეთი საფულეს ქომონც მუჭო მინანგარს
  • სქვამჲ ცირა; გიორღვანს ჩილამურიშ მინანქარს.
  • სი ვარშუნო, მუჭო ინგარდ ჸეთი ჭვილ დო ხალირ სერსჷ.
  • მუჟამს ოჸოროფულ ქომონჯჲ დიხას ქიმუთფალისესჷ.
  • ონწერალეფს ვეთხინუანს, სი ხომ ჯგირო გიჩქუნია,
  • დღა დო სერს, დღა დო სერს ჩილამურით ირჩხუნია.
  • ინგარს დო იჟვარჟვალ, ქიგიჩოქუ დიხასია,
  • მუშმასქვამა ქორე ჭყვადილჷ, დუდღორონთჷ, დიხვამ სია.
  • თუმას გიხჷნს, ქიგიშგართუ, თიშჲ ცოდა ცაშა ანჭუ,
  • მახანგენს თიში ნგარა, გურსS მაჭუ, გურსჷ მაჭუ.
  • ჸოხ,მესაფლე, ქიმიარჩქილ, მუჭო ვაინდღულუ გურჲ,
  • ქურჩქილჲ, მუჭო კუსანსჷნი, შულადირ დო უბედურჲ:
  • ,,ლანდო გემქირაფედა დო ხანი ვადობდვალუდას,
  • ვაპჭარაფუდას მოსვანჯა დო ვამომდგუმდას შურჲ დღას,
  • მატანჯენდას სქანი ცოდა, სოდგა ვორდა, სოდგა ვებდა,
  • მუთუნჟამს ვაფშუდე დო დღას გოიჭყოლიდე და!“
  • მესაფულე, კინ თქუანქო, ქიანას მით ღურუნჷ,
  • თი წუთის თიში ორო ირკოც ართო ოჭყორდუნჷ.
  • ამარ ხოლო: მესაფულე ნახუტურიშ ონჯანს კარს,
  • ბოშ ასაფლენს ჸოროფილს, ჩილამურით მინანგარს.
  • ჭკუდის ვათხუ გურხაშილჷ, დინაფილ აფ აზრი, ჭკუა.
  • შხვადო სოთინ გიძირუნო სი ჸოროფა ათეჯგუა.
  • სანზღო ვოუღ გურჭუას, სი ნგარა თქვი, რქილა მუ რე,
  • საცოდალს, გურჭყვადილს მატკვარტკვალ ჩილამური.
  • ფუჩაფულენს: ,, ჭყელ ქუორდა, სოდე იმთხორუქუნ, თექჷ,
  • ჩქიმ სასაფლას ვემკაჯინას, ეურთას ბჟაქ ჩხექჷ,
  • ლანდო გემქირაფედა დო ხან ვადობდვალუდასჷ,
  • ვაპჭარაფუდას მოშვანდა დო ვამომდგუმდას შური დღასჷ;
  • მატანჯენდას სქანჷ ცოდა, სოდგა ვორდა, სოდგა ვებდა,
  • მუთუნჟამს ვაფშუდე დო დღას გოიჭყოლიდე და!“
  • მესაფულე, კინ თქუანქო, ქიანას მით ღურუნჲ,
  • თიმ წუთის თიშჲ ორო ირკოც ართო ოჭყორდუნჲ.
  • ჸეთი ცირა თუმა გოხილ მოურს, მოუღ დარდიშ ორო,
  • ქიმნადირთუ სასაფლას აგაგა დო ლანდიშორო.
  • უფერუანს ქომონჯიშ საწმუხანო ბინასია,
  • გჷროჩილი, გვირალ ვარდეფს სქვამას ქჷმნაფინასია.
  • ვარდი ხუმუ, ცირა ხოლო ნ გოხომ ალბეთ ვარდიშორო,
  • იშჲ სქვამჲ ანაგებას დაყვინთალენს დარდიშ ორო.
  • საცოდალს ვალურსუნ, ქიგეხუნუ თოლეფსია,
  • ათაშ რე, მუჟამ სერით კოჩიშ სქუა გორენსია.
  • ასე? ასე კინ თქუანქო, ქიანას მით ღურუნჲ,
  • თიმ წუთის თიშჲ ორო ირკოც ართო ოჭყორდუნჲ.
  • თი ბოშ ხოლო, ნამქჷთ ოსურჷ მიაბარ დიხასია,
  • ვათხუ, ვათხუ სასაფლას, ჩილამურით ინგარსია;
  • ნდღულუ თოფურ–სანთელშორო, ენქირუ დო ირგუნსია,
  • ქიმნადირთ, ეჩიებუ, ეშაშქვანს ბირგულსია.
  • ლურჲ ორკჷნჲ , თისჯთ მუჭო ქიგეხუნუ თოლეფსია,
  • ათაშ რე, მუჟამ სერით კოჩ გონენს დო გორუნსია.
  • მესაფულე, კინ თქუანქო: მუთუნ ვარე კოჩიშ რინა;
  • ითამ ირკოც ოჭყორდუნო, დიხას მითიდვალუნ თინა.
                   –2–
  • თი ოსურქ ათე ბოშჲ ამდღა შორშე დოლანტუა,
  • გურს იფიქრუ: თინა ხოლო იჭუ უბედურიშ სქუა;
  • უქვინჯე რე კოჩიშ დარდი, უქვინჯე რე კოჩიშ გურჲ,
  • მუს ვოურზუ, მუჟამს ვაჸუნს ოჸოროფულ–ოსხუნურჲ.
  • ქიდიბურჯუ ბოშიშ გურქ–გოფაშქ ლაიტიქ ციცუაქ;
  • შხვა ვეფირქრა, მესაფუე, სი ნუმ ელეძიცუანქ.
  • სი გოგონნო, თიეფშქას თინერ ძალას უფალუნჲ,
  • ნამ ძალათ ჟირი გური ართო ეკიშქუმალუნჲ.
  • მა მუდგარენ ვაბჯერს თენა, ვეკიკათუ ე წყვილია,
  • ე ქიანა, მესაფულე, აშ ვარე ენწყილია.
  • ღურელს ენაჸუნუანა მუჟამს ზიტყვას სასაფლაშა,
  • ეთი ზიტყვას, ვატახუნა, ვატახუნა ღურა დღაშა.
  • ქუმარჩქილჲ, მესაფულე, ვაგოგინ იზმა სია,
  • ვარა ჩქიმ ნარაგადშენჲ, მუ რე დოღურჲ ძიცასია.
  • ქო, პატონჷ, ბოშიქ ძღაბის მიართუ ვარდიშ კოკობია
  • დო ცანცალით ქელაფურცქინ: ,,მუჭო ქიმეჸოროფია:
  • ჩქი ართ მიღუნა გაჭირება, გუონჯათ ართ კარია,
  • ძღაბჷ, ოსურო მალმაჸუნ, ჸოროფა მიღ მანგარია.
  • ჸოროფილეფ მიჸუნდესჷან, ვართ მა მიჸუნს, ვართი სია,
  • მარა ინეფ ვეიადგინე ჩქინ ნგარა დო დარდისია.
  • ულირ გეპჭყოლიდუათ, ნადაჩხირ დო ნაბორბონჯჲ?
  • ხე ქიმეფჩათ ართიანს–სი ჩილ დო მა ქომონჯჲ!“
  • ქიცალი, ქიცალი, მესაფულე, ასე ცირას ქურჩქილ სია,
  • სი გოგონნო, თინა ხოლო გოტახSნს ფუჩისია;
  • თინა ხოლო თაშ იქჷნსო? ვამოგონუ, ვარუ, ვარუ!
  • იქ ხომ გოღა ჸოროფილჷ უჩადიხას მიაბარუ.
  • ლაჸაფის დო ციგანობას მი გუბედუ ღურელსია!
  • ამარ უჯინჲ, ბოშპატონს მუჭო გემკისურენსია.
  • მარა ძღაბი ფურცქინუნს: ,,დოფშულიდ იფრელქია,
  • მა ოჸია მითქუალ, საწმუხანოს ფიფრენქია;
  • ულირ გეპჭყოლიდუათ, ირნერ მეკო–მოკონია,
  • მა სქან ვორექ სამუდამოთ, მიჸუნი, სოდგა გოკონია“.
                  –3–
  • მესაფულე, ნება გიღუ, ანწ მახოლო ელგოფუჩა,
  • კოჩიშ შინას სამუდამოთ ორხინუანს დიხაუჩა.
  • ამდღა ინეფ ართო რენა, ღურელ ნამთინქ ვადაფასჷ,
  • ვართ ართS დო ვართ მაჟია ვეგლაკითხანს სასაფლასჷ.
  • ტყას მიდუღალ სასაფლეფი, მუშ მაფსქელა გეძჷ ტვერჲ.
  • ვარდეფს დო პეულეფს მუჭო მედინაფუ ფერჲ.
  • დირულეთ, ღურელეფი, დიხა რჸოფდანი ჭაფურია,
  • მითინს ვაშუთ, მითინს ვაკო თქვანS მიკანჭაფურია.
  • დირულეთ, მუ ტომბა დო უქვინჯე თქვანჷ ღურჲ
  • მუშოთ ოკო თქვან სასაფლეფს ვარდეფჷ დო ჩილამურჲ.
  • უჩადიხა ქოიღუდანი სამუდამო ჸუდეთია,
  • თე ქიანაშ მუთუნ ძალას ლურშე ვეიშაჸუნეთია.
  • ათენა რე კოჩიშ რინა: ირკოჩ რჩქინდუ, ირკოჩ ღურუ,
  • თენა მისით ოჭყორდჷნ, ორე ურჩქინჯი დო ჸურუ.
  • თი ოსურქ ათე ბოშჷ ამდღა შორშე დოლანტუა,
  • გურს იფიქრუ: თინა ხოლო იჭუ უბედურიშ სქუა;
  • უქვინჯე რე კოჩიშ დარდი, უქვინჯე რე კოჩიშ გურჷ,
  • მუს ვოურზუ, მუჟამს ვაჸუნს ოჸოროფულ–ოსხუნურჷ.
  • ქიდიბურჯუ ბოშიშ გურქ–გოფაშქ ლაიტიქ ციცუაქ;
  • შხვა ვეფირქრა, მესაფუე, სი ნუმ ელეძიცუანქ.
  • სი გოგონნო, თიეფშქას თინერ ძალას უფალუნჷ,
  • ნამ ძალათ ჟირი გური ართო ეკიშქუმალუნჷ.
  • მა მუდგარენ ვაბჯერს თენა, ვეკიკათუ ე წყვილია,
  • ე ქიანა, მესაფულე, აშ ვარე ენწყილია.
                                –4–
  • …ზარ ქიგიაშქვეს.
  • ქარ ირქენს,
  • დიხას თირ ძ ოჩაფულე,
  • ჸეთი ჟირს ჭითა ჭკუდის ენაჭკადანს მესაფულე;
  • ელეძიცანს მუშობრათ თილისმანჲ, კოჩიშ ბრძენჲ,
  • უჩქჷ, უჩქჷ მესაფლეს, მუჭო ოკონჲ, მუჭო რენჲ,
  • დირულეთ, ღურელეფჷ, თქვან ვარენო დრო დო ხანი,
  • გურ ეკმეჭირითებუნჷ, ბრელ მუთუნჷ მონჯარ თქვანჲ.

   გიორგი ბერიაშ მარგალურ ნინაშა ნათანგა, გალაკტიონიშ ლერსეფი:
 

 *მა დო სერი

 ასე მუჟამც ათეს ბჭარუნქჷ, შქასერქჷ დიჭუ, რინა გათუ,
 ჰავა ოქაქალაია ტყაშჷ არიკის მირაგადჷ.
 თუთას აფუ მიკე–მიკე ჩე შქართუნი დორჩაფილი
 ჰავა ურქენცჷ იასამანცჷ, ჩქიმ ჭვიტეში მონჭაფილი.
 ლურჯი ფერით, უჩა ფერით ცა თეში რე ენწერილი
 თეშ რე ეფშა ეშმაკეფითჷ, მუჭოთ რითმათ თე წერილი
 მაზაკვალიშჷ სინთეთ ორე ნთელ მინდორი გონირსილი,
 სით თაში რექ ჩქიმ ი გური, ვაიკვენო გომირზინი!
 მუ ხანი რე ჩქიმი ოფულარც გურსჷ ვოჩუალაფუა,
 მითინც, მითინც ვოურაგადუქჷ, ვართჷ ხეს მუკვოკვალაფუა.
 მაყალეფშა ქომრჩქინასჷ, გურცჷ მუ ნარღი ალაბხენი,
 ჩქიმო არძა ართი ორე – ვამფერუე, ვაბლახენი.
 თე ჭირ ჩქიმდა ვადერინე მუდგა ხიოლცჷ გივორდენი.
 სქვამ ოსურიშჷ ინოჯინათ თოლი მაფუდას მინორთელი.
 ვართჷ რულენჯო მეკუსაფა, ვართჷ ჭიქაში ეფშა ღვინი...
 სი, ჩქიმ გურიშჷ ოფულარი. მუთუნც, მუთუნც ვეშაღინი!
 ხვალე სერცჷ უჩქჷ ჩქიმი ამბე: მუჭოთ ჭვიტეს ქემკადორთჷ
 ირფელცჷ ორწყე ირფელ უჩქჷ, ჩე სერცჷ მუთუნ ვემკადორთჷ.
 უჩქჷ ჩქიმი ჩხე დო ჩხურუ. ანწით მუ მობძჷ ვამორსენი
 ჩქჷ ჟირჷ ვორეთ თე ქიანას: მა დო სერი, მა დო სერი.


    2.წყალტუბოშე ქუთეშიშა.

 წყალტუბოშე ქუთეშიშა
 მიმავლარი ქარი,
 ჩქიმჷ მესიში ქუთეშიქჷ
 რკითხას ეგებ გვარი.

 უწი... შურიშჷ ღალი რექჷ,
 ვოუწუა მიში
 ეს გურჷ იშენჷ ქიმეხვადჷ
 ჩქიმი ქუთეშიში.


    3.ღვინც ქეკაბრალენა.

 სოდგა იბდე ირდიხას
 ეკობთხოზ ბორია
 ვურაგადჷქჷ დემეთხი,
 სოლე კილაბგორია?

 სოდგა ვორდე მავლარი
 შუმას დამაძალენა,
 გოძიცელო ბძირანი...
 ღვინცჷ... ქეკაბრალენა.

 ო, ჭირიმა, ამნიჯი
 პილჷნა, აკიმუნუაფჷ
 ბჯუნუ, ბჯუნუ სქან პიჯის
 მარა მუ მაჯუნუაფჷ?


     4.ფედია ჩუდეცკის

 ცხოვრენდ ფილოსოფოსი
 გორჷნდჷ ირფელ კილცია.
 თი სპინოზა რაგადანდჷ;
 ნუმჷ შუნთჷ ონტკა–ღვინცია!

 თენა ღურუქჷ ქიგეგონჷ,
 დიძახჷ: – მომთვინასია!
 სპინოზაშა ქიმერთჷ,
 ქჷმკაბუნუ ჯასია.

 გიციგანი, ვამწუა,
 მუშენჷ გამიბედია?
 მუზმაქჷ დაკორდჷ სპინოზას,
 მორძინუდას ფედია!.


    5.ჩხომქჷ უწუ მეზობელცჷ.

 ჩხომქჷ უწუ მეზობელცჷ
 ამარ ქოფუნცჷ ტვინია,
 ვადმაქანცე ვარწყექო,
 ჭიჭე მიაკინია!

 იქ უგაამ: – სო იბდა?
 გურჷ მახოლო ვამაბირცჷ...
 ჟირხოლო გივოძჷთჷ
 ტაფე გოზანთალაფირცჷ!



 3. ედემ იზორიაშ მარგალურ ნინაშა ნათანგა, გალაკტიონიშ ლერსი:

             მა დო სერი

 ასე მუჟამ თე ლაწკარც ბჭარ, შქასერ ბორჯი იჭუ, ფურუ
 ქაქალ სარკეს მჷთნაბარა ვეშ არიკეფც იკაფურუ.
 
 თუთათ ფინილ ელჷ–მოლსჷ გაქუნ ნორჩალ ვარჩხილიში,
 სარკეშ წოხლე იკანწ–იკვანწ ტანი სქვამი პეულიში.

 ტორონჯიშფერ სჷმეტეფით ცა თეშ რე დოსვარილი
 ეთეში რე ეფშა ლებათ მუჭოთ რითმათ თე ჭარილი.

 ონოფულე ჩხორიათ ეთეში გოქიტილი,
 ეთეში რე ერჩქალერი მუჭოთ მა მაფ გურ მეჭვილი.

 სომხანი რე მა ნოფული გურც ტომბას მაფ ტყობინელი,
 ვაუცხადუქ მითინცდო სოთინ ვამაფ მოშინელი.

 მუ უჩქუნა მაყალეფც მუ ნარღი რე გურც ფულირი,
 ვარა მურე საუკუნოთ გურიშ ტომბაშა ულირი.

 ვემახირე ჰამო წუთის გურც ჯურღუმც მუთ ფულირ მაფუ
 ონოფულეს ვემდამიღანც ცირაშ ხუტოლი, ფერაფი.

 ვართ ლურიში მეკუსაფას, ვართ კულა ღვინით მოფშას,
 ვახვამილე მუთ ინომიძ გურიშ უჩა სიტომბაშა.

 ხვალე სერც ოსარკეშე კაკაჩია, თოისერც
 უჩქუ ჩქიმი ონოფულუ, არძა უჩქუ ჩელა სერც.

 უჩქუ მუჭო დეომბობლი, მუჭო იბნე დო იბნწარი,
 ჩქი ჟირ ვორეთ ქიანას: მა დო სერი, მა დო სერი.
                  
 
  
4.( სავარაუდოთ ნათანგა რე ისაკ ქორთუაში)

          ჰამლეტიშ ჩანგით

  • თე რინა დო თე ქიანა, გვალო პოტიკ ოფენია
  • მეუ, მეუ მონსტერშა, მონასტერშა ოფელია.
  • ბედიშ ამბე ხატეფს ქეჩი, გურს დაჩხირი ქუბარბანჩე
  • შულადირი შური, გური, მონასტერსი გიმლასვანჯე.
  • თეშ ვარიაშ მორაგადე, ვაგოკოდას მითინია
  • მეუ, მეუ მონასტერშა, მონასტერშა ოფელია.


              *მა   დო   სერი
  • ასე, მუჟამც თე ტროფის ბჭარუნქინ, შქა სერ იჭუ, იწიროდუ,
  • ოკუმალეშ მასქურია ელიეფიშ არიკის მირაგადუ.
  • თუთათ ნაფორი ქიანა ვეკიოთანს ვარჩხილიშ შქართუნს,
  • მასქურ ურქენს დო უტოკენს ოკუმალეშ იასამუნს.
  • ცა ტორონჯიშფერ ცაშფერ სეტით თეშითი–რე დოსერილი,
  • თეში რენი ეფშა შურით, მუჭო რიფმეფით თე წერილი.
  • ოდუმალი სინთეთ ორე თეში რენი დოსურდილი,
  • თეში რენი ეფშა ძნობათ, მუჭო ამსერი ჩქიმი გური.
  • ბერლ ხანი–რე ოდუმალეს მა გურისი იფჩუანქი,
  • მითინს ვაურაგადუქ დო ბორიასუც ვემკვონჭანქი.
  • მუ უჩქუნა ჯიმაკოჩეფს მუსუც ინტირუანს გური,
  • ვარა მურე თიშ ოწორეს საუკუნო ჩუალირი.
  • ვეთახირე გურიშ ფიქრის წუთი წუთშე უწონდესი
  • ოდუმალეს ვემდამიღანს ცირაშ ხუტოლ დო ალერსი.
  • ვართ რულიშ დროს ნელ ოხრუა დო ვართ ჩაყვა ღვინიშ ლირსი,
  • ვემდამიღანს მა თინასი, გურიშ ტომბას ჩუალირსი.
  • ხვალე სერის, ურულობაშ დროს, ოკუმალეს მოსერსერის,
  • უჩქუ ჩქიმი ოდუმალე, ირფელ უჩქუ ჩე–ჩე სერის.
  • უჩქუ მუჭო დობსქიდ ხვალე, მუჭო იმგარ დო იმწერი,
  • ჩქი ჟირ ვორეთ თე ქიანას, მა დო სერი, მა დო სერი.


გინმათანგალი ლანდა მასხულია


  • „წანეფ მიდულა ჯვეში, მავლარი
  • მასქურ დითირუ თაქ წალიკონით,
  • მუჭოთ ართი რე ქიანა თარი,
  • თეში ართი რე გალაქტიონი“.


გომორძგუა, სააფხაზო სქანი!

  • გომორძგუა, სააფხაზო სქანი!
  • ლურჯ გვალეფი, ჩელა სანატორია,
  • მუს მონატრ სქან ზღვაპიჯი სქვამი,
  • მუს მონატრ სქანი ბჟაში ჩხორია.
  • სო რე პალმა, ჩქიმი მაკუჩხური?
  • სოდეთ ძღაბიქ მა გამხარუ გური,
  • გეგნიჭარუ ჩქიმი ლერსი ტყობას,
  • ქაწომზადე "პარახოდი" ტომბას,
  • ქაწმოზადე სქან ნანაში დიხა,
  • მა მემრჩქინი მაჸალეთ დო ჯიხათ.


გინმათანგალი გიორგი შენგელია