ბედნიერი ერი (გიორგი შენგელია)

From Wikisource
Jump to navigation Jump to search
please do not remove empty parameters (see the template documentation).
ბედნიერი ერი
by ილია ჭავჭავაძე.
ორიგინალური ნინა ქორთული. ორიგინალური ჯოხოდვალა ბედნიერი ერი.გინმათანგალი გიორგი შენგელია


ჩქინიშნერი ბედნიერი
სოთინ რენო შხვადო ერი?!
მონკა ვალით,
სქვამ ოღალით
მონწყილი დო თოლიერი.
თვინიერი
ნარქკილერი,
პუხდირაკილი, მარდიელი.
ბანჩალია,
ქვათალია,
რიდიანი, წესიერი,
ართო ბენი,
მუთ ჯორ–ცხენი,
ნახენდა დო ჭყანიერი.
ჩქინიშნერი ბედნიერი
სოთინ რენო შვადო ერი?!
არძა – ლალა
მუნჯი – ჩალა,
გურჩქიჩქი დო ლიბუერი,
თოლჭუტილი,
დუდკუჭილი,
პიც ლაგამი ჩხენტიერი.
არძა ჸუნგა,
არძა ჩუნგა,
ართნერჭკვერი, გურმაჭვერი.
ჭიჭე თარი
ქართახანი,
ცუხი, ცინცი, კილიერი.
ჩქინიშნერი ბედნიერი
სოთინ რენო შვადო ერი?!
მტვერმერღვაფილი,
დუდმერჩაფილი,
ძიკალი დო იმპუშნერი.
ურძღაფელა
უჩამელა
გინმარაგვე, უნდობელი.
მტერუჩინე,
კერძმაწყინე,
გალე ზურა, ჸუდეს გერი,
გოღილატირ,
ტვინსქირაფილ,
გილადვალირ, ნაშქირენი.
ჩქინიშნერი ბედნიერი
სოთინ რენო შვადო ერი?!