ასე სერ რე ამ განს

From Wikisource
Jump to navigation Jump to search
please do not remove empty parameters (see the template documentation).
ასე სერ რე ამ განს
by ზაალ ჯალაღონია

ასე სერ რე ამ განს,
თუთა სერეფც გიონწყ,
ოცხიმურეშ მანგას,
ჯალეფც მიკიკიონწ.

ქვანთირ სინთე მოუღ
მურიცხეფიშ ღორას,
დოლოს გითმიოქარგანს
მუშ სახეს დო ორანს.

შოშეს კოჩი მოურს
ლანდეფც აწირდუანს,
კარაკანო ორწყე,
ორთაშ წირიდუას.

თუთა ჭვათანს ცაშე,
ფურცელ ირთუნც სინთეს,
ლანდეფქ აწიკინეს,
ლეჭყვა მიოყინტეს.

მუნაფა რე ჭარგა,
დიხაშ გუნაჭვალა,
პის ჩხორია მანტუ
ართო ორქო, ბჟალა.

მასქურ იფერჩველანს
ბაიაშფერ დღალეფს,
ტან გოფურაფ ჭველას,
ნირსო მეურც ჭალეს.

ასე სერ რე ამ განს,
თუთა სერეფც გიონწყ,
ოცხიმურეშ მანგას,
ჯალეფც მიკიკიონწ.