ა,პოეზია

From Wikisource
Jump to navigation Jump to search
please do not remove empty parameters (see the template documentation).
ა, პოეზია
by ედემ იზორია
http://www.peuli.blogspot.com/

ღობერიშ ლანდი:
ბონი შუკას თუთაშ ნალამბა,
  ჟაჟუ ქვეთიას
ინონწყვილი გვალა დო ლაბა,
     ზაქიშ ქიონი,
გეუკმელას ელავერდული,
   ოხარჩალიაშ
გელალუა დუდარდებული,
   ტანერღვაფილი
დუდკვანწია ჩეჯალეფი დო
    პეულიშ პირით
გოთირელი ჩე-ჩე ჸალეფი
     კურკუციეფი
რზენეფი დო ეკი გვალეფი,
    გოთე-გოთეფი,
წკვაფანეფი ირო ტყალეფი,
    ზღვაში გურგინი,
კირდე კირდეშე რანჯინელი
     კინი ტყალეფი,
ტახეფიშე ედარანჯელი
    წკვიბღალეფიში
რწკაფუა დო მოკიონტაფა,
   ოჩო კოჩეფიშ
ძგვაბალი დო ტყასჷ ტყაშმაფა,
     მალუეფუში,
გოფაჩუა, გეჩინორაფა,
       კალმახიშ ცჷმა,
თქურშინუა დო თქვიშინაფა.

ა პოეზია, ა ლერსი დო
ა, მუ პოეტი, მერთი ემინჯი,
ირო გიჸორდას დო ვადაკორდა.