بنایا ایک کافر کے تئیں اس دم میں دو کافر
بنایا ایک کافر کے تئیں اس دم میں دو کافر
مرے منہ سے جو نکلا ناگہاں او کافر او کافر
مسلماں دیکھ کر اس بت کی صورت کو یہ کہتا ہے
مسلمانی کہاں کی؟ باندھ لے زنار، ہو کافر
تجھے پروا نہیں ہرگز کسی کی تو ہے بے پروا
ترے اس حسن کافر پر پری ہو جائے گو کافر
شب ہجراں میں جو دل دم بہ دم فریاد کرتا ہے
خفا ہو کر کہوں میں کوئی ساعت تو تو سو کافر
کہاں تک اے دل شوریدہ تو آنسو بہاوے گا
شب آئی صبح ہونے پر بس اتنا بھی نہ رو کافر
ہم اپنا دین و ایماں پہلے اس کو نذر کرتے ہیں
ہمارے سامنے اس شکل سے آتا ہے جو کافر
تری باتوں سے تو اے مصحفیؔ جی اپنا تنگ آیا
خدا کے واسطے چپ رہ نہ میری جان کھو کافر
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse