Якстере теште/1924/39/Минек веленок покш, вий ламо, а порядкась аламо

←Трудицянь кирьга лангсо усксить попт и строить церкува

Якстере теште, № 39, 24 декабря 1924 г. редактор Глухов, Пётр Семёнович Минек веленок покш, вий ламо, а порядкась аламо сёрмадызе „Ало ульцень ломань“

А лац работыть→

Якстере теште. Еженедельный орган Мордовской секции при Ц. К. Р. К. П. (б.). — № 39, 24 декабря 1924 г. — с. 4

 

[ 4 ]

Минек   веленок   покш,   вий  ламо,   а   порядкась   аламо.

(М.-Толкай, Полуднев. вол., Бугурусл. у. Самарск. губ.).

Велесонок 3 тыща эрицят улить кой-мезень учрежденият: волость, фельдшерский пункт, 7 летка школа, педтехникум, ловнома кудо, спектакелень тейнима кудо, коммунистонь клуб, ячейка коммунистонь, комсомолонь-ячейка, кредит. т-ва и потреб. кооперациянь лавка. Служицятне весемезэ 25 ломаньшка. Тонафницятне 200 сядошка, коммунистнэ 19 и комсомолецне 45. Вана те цифратнень ланкс ванозь думамо можна, што роботаньте пек енсто улималь, а тефне аштить аволь пек парьсте, Виень коряс можна тефнень пек енсто нолдамс, а сынь иште а пекь лац молить. Напр.: газетанок стенной ули но берянь и рузокс сермадыть пакшатне, эйсондо вейкияк арась картинка; даром што техникумсонть ули художник, но сон мезияк тееме амаштуви, пакшатнень гак тонафты мезияк а теиме. Клубонок пек ен ушосто, а поцто берянь и апак уштни эри. Спектаколень кудосонть „декорацият арасть кодаткак и читальнясонть кинишкатне ташт и аламо.“

Ячейкась комсомолонь тефнтнень вете аволь уш пек енсто и вдобавок ютксост улить пек уш покшкафницят особенно тонфтницятне техникумонть.

Партийной ячейкась аламо руководи учреждениятнень эзга и коммунистне слабойть и улить те шкамс не грамотнойть, улить аламошка кумышкань симицят. Собраниясост пек ен доклад а эрить, кода тейнить лия масторга, народось и иште кой мнзень коряс. Мон ванан лангозост, арьцян и што дружнасто кундазь и енсто ветязь, тефнень можна пек енсто ладямс. А ну-ка парьсте кундадо тевезонк весе вейсэ и тынк тевесь енсто сестэ туи!

„Ало  ульцень  ломань“.