Валда ян/1932/08/Эрь колхозникти, башка эряй трудяйти эряви содамс партиять и правительствать жуватань анокламать и сивольса торгавамать ...

From Wikisource
Jump to navigation Jump to search
Валда ян (1932), 8 №, 31-це май edited by Леонтьев С. Б.
Эрь колхозникти, башка эряй трудяйти эряви содамс партиять и правительствать жуватань анокламать и сивольса торгавамать колга путфксна.
Валда ян (Светлый путь). Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 8 №, 31-це май, 1932 к. — с. 2
 
[2]
Эрь колхозникти, башка эряй трудяйти эряви содамс
партиять и правительствать жуватань анокламать
и сивольса торгавамать колга путфксна.
 

Пяк оцю ширекс ащи колхоснень организационно хозяйственнай ширеснон кемокстамати и социалистическай строительствать вишкоптемати, тя партиянь ЦК-ть и совнаркомть мекольдень путфксна 1932-це кизонь сьоронь анокламать жуватань анокламть и колхоснень, колхозникнень и башка эряй трудяень крдать йоткса сивольса торгавамать вишкоптеманц колга.

ЦК-ть и совнаркомть ня директивасна лисендихть партиять генеральнай китьксонц эзда, конац максси кеме база колхознай торговляти.

Нинге 16-це партийнай пуромксса, Сталин ялгась корхтась сянь колга, што сиволень задачать куроконь пинкста пяшкодемац — тя инь оцю и эрявикс задача.

Тя задачать пяшкодемац сяда тьождя сяс, мес минь сьоронь задачать пяшкодеськ ни пцтай педа пес.

Июль ковть 30-це шинстонза 1931-це кизоне партиясь и правительствась сембе партийнай, совецкай и колхознай организациятненьди „социалистическай жуватань водямать вишкоптеманц колга“ серьгятьксост няфтезь эрявикс кить жуватань водяма тевть одукс ладяманц колга. Лама районга ЦК-ть и СНК-ть няфтьфкссна эряфс йотафневсть пяк лафчста

Лама районга, а сембода пяк жуватань водяма районга, колхосне нолнесть „кержи“ шири комотнемат жувататнень вийхца марстоптомаснон эса.

Партиянь ЦК-сь март ковть 26-це шинь путфксонц эса макссь пяк шарьхкодеви директива, „што колхозникнень кяцта вийхца траксонь и мелкай жуватань пуроптома тевсь синнесы партиять политиканц Партиять, задачац ащи сянь эса, штоба эрь колхозникть улель соньцень траксоц, мелкай жуватанза и куднармоненза“.

Партиять и правительствать жуватань анокламать и колхоснень, колхозникнень и башка эряй трудяень крдать йоткса сивольса торгавамать вишкоптеманц колга майть 10-це шинь 1932-це кизонь путфксна лифтьф сянкса, штоба сядонга пяк кемокстамс колхоснень, касфтомс ошнень и велетнень йоткса таварообороть, лездомс жуватань водяма тевть куроконь пинкста кеподеманцты и колхоснень йоткса сивольса торгавамать вишкоптеманцты. Сон лифтьф сянкса штоба жуватань водяма совхоснень, колхознай таварнай ферматнень касфтомаснон и кемокстамаснон вельде, ули кода инь нюрьхкене пинкста пяшкодемс жуватань водяма задачать,

1932 це кизоня жуватань аноклама планць путневи эрек весса сянкса, штоба эрь хозяйствати улель кода пяшкодемс максф нормац кодама мялец жуватаса.

Тяда башка партиясь и правительствась путозь, штоба кодамовок кирьнема и лоакафтома кода сюру жуватнь станя и мелкай жуватань пичксемать колга тяза уль полафтомс сембе путфкснень тянь колга. И аф кирьнемс печксемода кода эсьтеест станя и мишендемс.

Сембе колхозникненди башка эряй хозяйстватненди конат пяшкочнесазь жуватань аноклама планцнон максевихть возможностть мишендемс синьцень жуватасна базарса и колхозонь лавкаса.

ЦК-ть и совнаркомть путфкснон каршес атвецатама социалистическай жуватань водямать и жуватань водяма совхоснень кемекстамаса стадань касфтомаса, пуропцаськ сембе вийть партиянь ЦК ть и совнаркомть 26-це мартонь путфксснон эряфс йотафтоманц инкса, „штоба эрь колхозникть улель сонцень траксоц, мелкай жуватанза, куднармоненза“