Эрзянь Мастор/2006/18/Самара ёнксонь Олёжвелень ды лия ёнксонь эрзятненень Дригань Толаень пшкадемазо
| ←Подписка-2007 | Эрзянь Мастор, № 18 (242), 29 сентября 2006 edited by Нуянь Видяз, Кшуманцянь Пиргуж Самара ёнксонь Олёжвелень ды лия ёнксонь эрзятненень Дригань Толаень пшкадемазо |
Эрзянь кель зазвучит в Самаре→ |
| Статья на сайте газеты: № 242, 29.09.2006, Самара ёнксонь Олёжвелень ды лия ёнксонь эрзятненень Дригань Толаень пшкадемазо |
| Самара ёнксонь Олёжвелень ды лия ёнксонь эрзятненень Дригань Толаень пшкадемазо |
Спиридонова Анна ды Миша!
Минь Олёжвелень эрзянь ломанть. Ней тынь кармиде «Эрзянь Мастор» кулялопанть (газетанть) ловномо. Анна, мон ульнинь школасо тонь тонавтыцякс. Таго путан «вете» Мишаненьгак паро тевень кис.
Эряви, ялгай, те эрзянь кулялопадонть нолдамс куля весе Сургут ошонть келес. Содави, ламо эрзят эрить те ошсонть. Эрьва косо эсенк ютксо марямга кортадо минек мазый чачома кельсэнть. Тынк перька сеске муевить лия эрзят. Невтинк тенст те минек кулялопанть, теевиде содавиксэкс ды сыньгак эсь пряст одс кармить ловомо эрзякс, чачи эрзянь од ойме. Чачи мель седе ламо содамс эрзятнень эйстэ, чачи бажамо ловномс эсенек кельсэ.
Эрзянь эли рузонь кельсэ сёрмадодо сёрмат:
дом 33/3, комн.113, Четвергову Евгению Владимировичу.
Редакциясо улить эрзянь моро марто кассетат, дискт, логотип «Эрзянь Мастор» марто часст, книгат, тонавтнема книгат (учебники) ды лият мезть. Сави пачкодемс Саран ошов — совадо. Тынк паро мельсэ свал учи Эрзянь Инязорось Пиргуж — Мусалёв Григорий Дмитриевич. Сон истя жо эрзянь келень идема Фондонь прявт (председатель Фонда спасения эрзянского языка). «Эрзянь Мастор» нолдави ярмаконь каявкс лангс. Эсенк мельсэ лездатадо те покш ды эрявикс тевентень тыньгак. Лездамонь тевесь стяко а ёми ды тынь пачк карматадо эсь прянк ловомо алкуксонь ЭРЗЯКС!
Миша ды Анна! Муинк Сургут ошсо минек Олёжвелень эрицятнень ды яводо тенст ловномс «Эрзянь Мастор». Пурнаводо вейс ды ловнодо вейсэ. Седеяк паро ули. Мезе а чарькодеви — сёрмадодо монень:
село Кинель-Черкассы, Самарская область, Дригань Толайнень
Весе кевкстеманк лангс сеске кучан сёрма. Сави понгомс Кинель-Черкассы велев, совадо инжекс. Марюш марто пачк учотано эрзят. Чинек-венек минек ортась панжадо весе эрзятненень, кона бажи улеме эрзякс, аволь «мордвакс»... Свалшкань тенк шумбрачи!
2006 иень таштамковонь (сентябрянь) 20 чи
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |