Эрзянь Мастор/2004/18/Таго казнеть!
| ←ЮАР-сто медаль марто | Эрзянь Мастор, № 18 (193), 24 сентября 2004 edited by Нуянь Видяз, Кшуманцянь Пиргуж Таго казнеть! |
Обучение эрзянскому языку→ |
| Статья на сайте газеты: № 193, 24.09.2004, СПОРТ СПОРТ СПОРТ |
| Таго казнеть! |
Московсо «Россия» концертной залсо сентябрянь 13-це чистэ пурнавкшнось Россиянь спортивной элитась. «Нефта Москва» нефтяной компаниясь казнесь казнесэ Олимпийской командань спортсментнэнь, кить Афинасо невтсть паро выступленият. Сынст ютксо зярыя спортсмент Мордовиястояк. Истя, Олимпийской чемпиононтень Алексей Мишиннэнь максозь ярмаконь премия, конань покшолмазо 100 тыщат американской долларт. Денис Нижегородовнень максозь 20 тыщат долларт. Истя жо максозь гимнастонтень Алексей Немовнень. Эште вейке минек земляконтень, Юрий Борзаковскийнень, максозь 50 тыщат. Весемез те чистэнть Московсо получасть казнеть 45 спортсмент. Сехте покш казнесь максозель укшныцятненень Анастасия Давыдованень ды Анастасия Ермакованень. Сынст казнень покшолмаст 120 тыщат американь долларт.
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |