Валда ян/1931/11/Социалистическай заводонь, фабрикань и паксянь ударницатне

From Wikisource
Jump to navigation Jump to search
Валда ян (1931), № 11, Ноябрь ков edited by Бажанов Л. Е.
Социалистическай заводонь, фабрикань и паксянь ударницатне
Валда ян. Светлый путь. Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — № 11, Ноябрь ков, 1931 к. — с. 4—5
 
[4]
социалистическай заводонь, фабрикань и паксянь ударницатне
 

Маргарита Сергеевна Николаевскаясь

Валда ян 1931-11 06стр изобр1.jpg

Эрясь ашувонь хозяйстваса аляфтома, йомлакс пинкстокигя лезць тярянцты, тяряц ульсь стай (портниха). Работась батрачкакс — барскай пирьфса, потясь тракст. Революциянь васень шитнень эзда сявомок ушець работама заводга. Мекпяльдень 6 кизотнень работай Саранскаень вай-лифтема завоца; васенда уборщицакс пресснень эса, софечицакс, а тяни работай носовщицакс.

Тунда тя кизоть эзда цебярь работац няфтезя, што сон ударница, тюри промфинплантть пяшкодеманц ланкса.

Активнайста работай общественнай тевса; робтсесь фсякай лаца комиссиятнень эаа кучфоль далегаткакс профсьезду.

Женорганизаторшась — Кожевникова

Группкомсь — Лаптев.

 

Дарья Федоровна Прытковась

Ударница Кучеляева велень Сталинтть лемса колхозса, Ардатовань р-ца. Сон васендакигя велеса пуропць колхоз, тоса работай бригадиршакс ударницакс паксянь тевонь тиемаса, пуропнесь цебярьста авань вийть бригадава и соньцке работась паксяса бригадань йоткса.

Тяни ащи ВКП(б)-нь ряца. Шачсь ашувонь эрзянь семьяс. Колхозть пуроптомада меленьгя работась бригадиршакс колхозу ашунь, середняконь хзяйствань таргамаса. Общественнай работасонга арась васень рядти — работай делегаткань пункца.

Райженорганиз. Селезнева.

Валда ян 1931-11 06стр изобр2.jpg
 
Эрь рабочайсь, работницась,
эрь колхозниксь, колхозницась
улеза ударниконь ряца
 

Пелагея Петровна Добрынкинась

Валда ян 1931-11 06стр изобр3.jpg Ударнайста работай Кучеляевань „Сталинтть лемса“ колхзса. Кемоста лезды колхозть производственнай ширенц цебярьгафтомаса; мирьдец служай Якстерь армияса.

Райженорганизаторшась — СЕЛЕЗНЕВА

 

Мария Тихоновна Суляйкинась

Эряй ашувонь хозяйстваса — эрзя. Работай Кучеляева велень „Сталинтть лемса“ колхозса, Ардатовань р-н.

Сон ударница — бригадирша. Цебярьста лезды колхозть производственнай эряфонц кемокстамаса.

Райженорганизаторшась — СЕЛЕЗНЕВА

Валда ян 1931-11 06стр изобр4.jpg
 

Екатерина Буринась

Валда ян 1931-11 06стр изобр5.jpg Шачсь Кучеляева вели, Ардатовань району, эрзянь семья йоткс. Сталинтть лемса колхозса работай ударницакс — бригадиршакс. Активнайста работай колхозть производственнай ширенц кемокстамаса, сувась ВКП(б)нь рядти.

Райженорганизаторшась — СЕЛЕЗНЕВА

 
[5]

Евдокия Ивановна Кочетковась

Валда ян 1931-11 07стр изобр1.jpg Роботай табаконь тиема фабрикаса, 1929 кизоть эзда ащи ВКП(б)-нь членкс. Ударница промфинплантть пяшкодемаса, работай бригадиршакс махорканди сырьянь анокламаса, кочкаф членкс фабкомть од составозонза, производствань стажец 20 киза.
ВКП(б) нь ячейкань ответ секретарьсь, ПОЛЯНСКАЯ.

Предфабкомсь — КУЛИКОВ.

Фабрикань директорсь — МАКАРОВ.

 

Амфимия Андреевна Чембулаткинась

Эряй Кучеляева велень колхозса, ашувонь хозяйстваса работай ударницакс колхознай тефнень тиемаса, сембе заданиятнень пяшкодемаса.

Райорганизаторшась СЕЛЕЗНЕВА.

Валда ян 1931-11 07стр изобр2.jpg
 

Атяшевань райононь ударницань списка

Атяшевань „Красный Октябрь“ кол.хозса:

1. Урядкина Мария Яковлевна,
2. Сульдина Серафима Петровна,
3. Потапова Ольга Михайловна,
4. Батапкина Ольга.
5. Казеева Афимия,
6. Калинкина Екатерина,
7. Еремкина Ирина,
8. Световкина Елена,
9. Тенькшева Просковья,
10. Гарикова Ксения,
11. Гарикова Афимия.

 

Анна Клементьевна Торговенко

Валда ян 1931-11 07стр изобр3.jpg Шачсь 1913 кизоня рабочаень—кузнецень оцю семья йоткс. Йомлакс пинкстокигя лама работань тиемать сюнода теенза ашель пинге тонфнемс и шумордась начальнай школаса 2 группат.

Васенда работась колхозса, тоса марстонь эряма куца — сторожихакс.

Ваень лифтема завоца работай 4 кофт, ударница; работанц мельгя ваны цебярьста.

Макссь заявления комсомолу

Женорганизаторшась — КОЖЕВНИКОВА.

Группкомсь — ЛАПТЕВ.

 

Кликерия Ефремовна Полежаевась

Валда ян 1931-11 07стр изобр4.jpg

Работай табаконь тиема фабрикаса, активнайста тюри социалистическай фкя-фкянь йотазь работать инкса, ударнайста пяшкочни промфинпланть. Сонь аш фкавок прогулоц производстваса.

Партиянь членкс ащи 1926 кизоть эзда сявомок; 3 кизот апак полафнек работай фабрикань ВКП(б) нь ячейкань ответственнай секретарькс. Член Мокшэрзянь ВКП(б)-нь обкомонь пленумса, ошень райкомса. Тяни арафтф фабрикань директорти полафтыкс. ЦК-ать серьгятьксонц каршес васендакигя азозя прянц ударницакс производстваса.

Фабрикань директорсь Макаров

ВКП(б) нь ячейкань секретарьсь Полянская.

Предфабкомсь Куликов

Вете кизонь плантть нилеце кизонц васьфцаськ ударни- чествань волнань пуроптозь