Советской Социалистической Республикатнень Союзонь Конституциясь (1936)/1938.01.15/10

From Wikisource
Jump to navigation Jump to search
Советской Социалистической Республикатнень Союзонь Конституциясь  (1938) 
СССР-нь Верховной Совет, edited by Учаев Д., Зубов И., Лукьянов П.
X Глава
Советской Социалистической Республикатнень Союзонь Конституциясь (Основной Законось). Мордгиз, 1938, Саранск. — с. 35—39
[ 35 ]
X ГЛАВА

Граждантнэнь основной праваст ды обязанностест

118 СТАТЬЯ. СССР-нь граждантнэнь ули праваст труд лангс, лиякс меремс, гарантированной роботань получамо лангс праваст сынст трудост кис сонзэ количестванзо ды качестванзо коряс пандома марто.

Труд лангс правась обеспечивается народной хозяйствань социалистической организациясонть, советской обществань производительной вийтнень апак лотксе касомасонть, хозяйственной кризистнэнь возможностьтнень маштомасонть ды безработицань ликвидациясонть.

119 СТАТЬЯ. СССР-нь граждантнэнь ули праваст оймсема лангс.

Оймсема лангс правась обеспечивается сехте ламо робочейтнень туртов робочей чинть 7 часос нурькалгавтомасо, робочейтненень ды служащейтненень роботамо питнень ванстома марто эрьва иестэ отпусконь максомасо, трудицятнень обслуживанияст кис санаториянь, оймсема кудонь, клубонь келей сетенть максомасо.

120 СТАТЬЯ. СССР-нь граждантнэнь ули праваст сыредемстэ, истя жо — сэредемань ды [ 36 ]трудоспособностень емавтомань случайстэ материальной обеспечения лангс.

Те правась обеспечивается государственной счетс робочейтнень ды служащейтнень социальной страхованиянть келейстэ кастомасо, трудицятненень медицинской лезксэнь питневтеме максомасо, трудицятнень пользованияс курортонь келей сетенть максомасо.

121 СТАТЬЯ. СССР-нь граждантнэнь ули праваст образования лангс.

Те правась обеспечивается всеобщей обязательной начальной образованиясо, бесплатной образованиясо, высшей образованиянтькак ловозь, высшей школасо тонавтницянь сех покш пельксэнтень государственной стипендиянь системасонть, школатнесэ родной кельсэ тонавтнемасонть, заводтнэсэ, совхозтнэсэ, машинно-тракторной станциятнесэ ды колхозтнэсэ трудицятнень производственной, технической ды агрономической тонавтоманть пандомавтомо организовамосонть.

122 СТАТЬЯ. Авантень СССР-сэ максовить цёранть марто вейкеть прават хозяйственной, государственной, культурной ды общественно-политической эрямонь весе областьнесэ.

Аватнень неть праваст топавтомань возможностесь обеспечивается авантень церанть марто вейкетьстэ труд, трудонь кис пандома, оймсема, социальной страхования ды образования лангс правань максомасонть, аванть ды эйкакшонть интересэст государстванть ендо ванстомасонть, пешксесэ авантень содержаниянь ванстозь отпусконь максомасонть, шачтамо кудонь, эйкакшонь яслянь ды садонь келей сетьсэнть.

123 СТАТЬЯ. СССР-нь граждантнэнь, сынст национальностест ды расаст лангс апак вано, хозяйственной, государственной, культурной ды [ 37 ]общественно-политической эрямонь весе областьнесэ равноправияст ашти непреложной законокс.

Праватнень кодамо бу те илязо уле прямой эли косвенной ограничения эли, мекевланг, граждантнэнь сынст расовой ды национальной принадлежностест коряс прямой эли косвенной преимуществатнень аравтомась, истя жо расовой эли национальной исключительностень, эли ненавистень ды пренебрежениянь эрьва кодамо проповедесь — караются законсо.

124 СТАТЬЯ. Граждантнэнь совестень оля-чист ванстоманть кис церьковась СССР-сэ явозь государстванть эйстэ ды школась церькованть эйстэ. Религиозной культнэнь ютавтомань оля-чись ды антирелигиозной пропагандань оля-чись максозь весе граждантнэнень.

125 СТАТЬЯ. Трудицятнень интересэст соответствиясо ды социалистической строенть кемекстамонзо кис СССР-нь граждантнэнень гарантировави законсо:

а) валонь оля-чи;

б) печатень оля-чи;

в) промксонь ды митингень оля-чи;

г) уличной шествиянь ды демонстрациянь оля-чи.

Граждантнэнь неть праватне обеспечиваются трудицятненень ды сынст организациятненень типографиятнень, коневонь запастнэнь, общественной зданиятнень, ульцятнень, связень средстватнень ды материальной лия условиятнень максозь, конат эрявить неть праватнень тевс ютавтомаст туртов.

126 СТАТЬЯ. Трудицятнень интересэст соответствиясо ды народной массатнень организационной самодеятельностест ды политической активностест кастоманть кис СССР-нь граждантнэнень максозь [ 38 ]права вейсэньдявомс общественной организацияс: профессиональной союзс, кооперативной об‘единенияс, од ломанень организацияс, спортивной ды оборонной организацияс, культурной, технической ды научной обществас, седе активнойтне жо ды сознательной граждантнэ робочей классонь рядтнэстэ ды трудицянь лия слойтнестэ об‘единяются Всесоюзной Коммунистической (большевиктнэнь) партияс, кона ашти трудицятнень передовой отрядокс социалистической строенть кемекстамонзо ды кастоманзо кис сынст бороцямосост ды кона ашти руководящей ядракс трудицятнень весе организациятнесэ, кода общественнойтнень, истя жо государственнойтненьгак.

127 СТАТЬЯ. СССР-нь граждантнэнень максови личностень неприкосновенность. Кияк не может улемс подвергнут арестэс судонь постановлениявтомо эли прокуроронь санкциявтомо.

128 СТАТЬЯ. Граждантнэнь жилищань неприкосновенностесь ды перепискань тайнась ванстовить законсо.

129 СТАТЬЯ. СССР-эсь максы убежищань права лия масторонь граждантнэнень, конатне преследуются трудицянь интерестнэнь ванстоманть кис эли научной деятельностень, эли национально-освободительной бороцямонь кис.

130 СТАТЬЯ. СССР-нь эрьва гражданинэсь обязан соблюдать Советской Социалистической Республикатнень Союзонть Конституциянзо, топавтомс законтнэнь, ванстомс трудонь дисциплинанть, честнойстэ топавтомс общественной долгонть, вечкемс социалистической общежитиянь правилатнень.

131 СТАТЬЯ. СССР-нь эрьва гражданинэсь обязан ванстомс ды кемекстамс общ ественной, социалистической собственностенть, советской строенть [ 39 ]прок священной ды неприкосновенной основанзо, родинанть сюпав чинзэ ды могуществанзо прок источникенть, весе трудицятнень зажиточной ды культурной эрямонь прок источникенть.

Ломантне, конат покушаются общественной, социалистической собственностенть лангс, аштить народонь врагокс.

132 СТАТЬЯ. Всеобщей воинской обязанностесь ашти законокс.

Робоче-Крестьянской Якстере Армиясо воинской службась СССР-нь граждантнэнень ашти почетной обязанностекс.

133 СТАТЬЯ. Отечествань ванстомась — СССР-нь эрьва гражданинэнть священной долгозо. Родинантень изменась: присягань коламось, врагонть пелев туемась, государстванть военной виентень зыянонь теемась, шпионажось — караются закононь весе строгостенть коряс, прок сехте стака злодеяния.