Советской Социалистической Республикатнень Союзонь Конституциясь (1936)/1938.01.15/09
| ←VIII Глава | Советской Социалистической Республикатнень Союзонь Конституциясь (1938) , edited by Учаев Д., Зубов И., Лукьянов П. IX Глава |
X Глава→ |
| Советской Социалистической Республикатнень Союзонь Конституциясь (Основной Законось). Мордгиз, 1938, Саранск. — с. 32—34 |
Суд ды прокуратура
102 СТАТЬЯ. СССР-сэ правосудиянть тевс ютавтыть СССР-нь Верховной Судось, союзной республикатнень Верховной Судтнэ, краень ды областень судтнэ, автономной республикань ды автономной областень судтнэ, окружной судтнэ, СССР-нь специальной судтнэ, конат теевкшневить СССР-нь Верховной Советэнть постановлениянзо коряс, народной судтнэ.
103 СТАТЬЯ. Весе судтнэсэ тевтнень ванномась ютавтови народной заседательтнень участияст марто, сеть случайтнеде башка, конат специальна предусмотреннойть законсо.
104 СТАТЬЯ. СССР-нь Верховной Судось ашти судебной высшей органокс. СССР-нь Верховной Судонть лангс аравтови СССР-нь ды союзной республикатнень весе судебной органтнэнь судебной деятельностест мельга надзорось.
105 СТАТЬЯ. СССР-нь Верховной Судонть ды СССР-нь специальной судтнэнь кочки СССР-нь Верховной Советэсь вете иень срокс.
106 СТАТЬЯ. Союзной республикатнень Верховной Судтнэнь кочкить союзной республикатнень Верховной Советтнэ вете иень срокс.
107 СТАТЬЯ. Автономной республикатнень [ 33 ]Верховной Судтнэнь кочкить автономной республикатнень Верховной Советнэ вете иень срокс.
108 СТАТЬЯ. Краень ды областень судтнэнь, автономной об ластень судтнэнь, округонь судтнэнь кочкить краень, областень эли округонь трудицянь депутатнэнь Советнэ эли автономной областень трудицянь депутатнэнь Советнэ вете иень срокс.
109 СТАТЬЯ. Народной судтнэнь кочкить райононь граждантнэ всеобщей, прямой ды равной кочкамонь правань коряс тайной голосованиянть пингстэ колмо иень срокс.
110 СТАТЬЯ. Судопроизводствась ветяви союзной эли автономной республикань эли автономной областень кельсэ сень теезь, штобу те келенть а содыця ломантне целанек тонавтневлизь тевень материалонть переводчик вельде, истя жо максовить прават судсонть кортамс родной кельсэ.
111 СТАТЬЯ. Тевтнень ванномась СССР-нь весе судтнэсэ панжадо, бути зярдо законсонть не предусмотреннойть исключеният, чумондовицянтень защитань правань максозь.
112 СТАТЬЯ. Судьятне независимойть ды подчиняются ансяк закононтень.
113 СТАТЬЯ. Весе Народной Комиссариатнэнь ды сыненст подведомственной учреждениятнень, истя жо должностной башка ломантнень, истя жо СССР-нь граждантнэнь ендо законтнэнь точнойстэ топавтомаст мельга высшей надзорось путови СССР-нь Прокуроронть лангс.
114 СТАТЬЯ. СССР-нь Прокуроронть назначи СССР-нь Верховной Советэсь сисем иень срокс.
115 СТАТЬЯ. Республикань, краень, областень прокурортнэнь, истя жо автономной [ 34 ]республикань ды автономной областень прокурортнэнь назначи СССР-нь Прокурорось вете иень срокс.
116 СТАТЬЯ. Округонь, райононь ды ошонь прокурортнэнь назначить союзной республикань прокурортнэ ды кемекстасынзе СССР-нь Прокурорось вете иень срокс.
117 СТАТЬЯ. Прокуратурань органтнэ тевс ютавтыть эсь функцияст кодамо бу илязо уле местной органтнэнь эйстэ независимойкс, подчиняются ансяк СССР-нь Прокуроронтень.