Советской Социалистической Республикатнень Союзонь Конституциясь (1936)/1938.01.15/01
| ←Оглавления | Советской Социалистической Республикатнень Союзонь Конституциясь (1938) , edited by Учаев Д., Зубов И., Лукьянов П. I Глава |
II Глава→ |
| Советской Социалистической Республикатнень Союзонь Конституциясь (Основной Законось). Мордгиз, 1938, Саранск. — с. 5—7 |
РЕСПУБЛИКАТНЕНЬ
СОЮЗОНЬ КОНСТИТУЦИЯСЬ
(ОСНОВНОЙ ЗАКОНОСЬ)
Общественной устройствась
1 СТАТЬЯ. Советской Социалистической Республикатнень Союзось — робочейтнень ды крестьянтнэнь социалистической государства.
2 СТАТЬЯ. СССР-нть политической основакс аштить трудицянь депутатнэнь Советнэ, конат кассть ды кемекстасть помещиктнэнь ды капиталистнэнь властенть ертомань ды пролетариатонь диктатуранть завоеваниянь результатсонть.
3 СТАТЬЯ. СССР-сэ весе властесь ашти ошонь ды велень трудицятнень кедьсэ трудицянь депутатнэнь Советнэнь вельде.
4 СТАТЬЯ. СССР-нть экономической основакс аштить хозяйствань социалистической системась ды производствань орудиятнень ды средстватнень лангс социалистической собственностесь, конат кемекставсть хозяйствань капиталистической системанть ликвидациянь, производствань орудиятнень ды средстватнень лангс частной [ 6 ]собственностенть отменань ды ломаненть ломаньсэ эксплоатациянть истожамонь результатсонть.
5 СТАТЬЯ. СССР-сэ социалистической собственностесь ашти эли государственной собственностень формасо (весе народонь достояния), эли кооперативно-колхозной собственностень формасо (башка колхозтнэнь собственностесь, кооперативной об‘единениятнень собственностесь).
6 СТАТЬЯ. Модась, сонзэ недранзо, ведтне, виртне, заводтнэ, фабрикатне, шахтатне, рудниктнэ, кшнинь кинь, ведень ды воздушной транспортось, банкатне, связень средстватне, государстванть ендо организовазь велень хозяйствань покш предприятиятне (совхозт, машинно-тракторной станцият ды лият), истя жо коммунальной предприятиятне, ошсо ды промышленной пунктнэсэ основной жилищной фондось аштить государственной собственностекс, лиякс меремс весе-народонь достояниякс.
7 СТАТЬЯ. Колхозтнэсэ ды кооперативной организациятнесэ общественной предприятиятне сынст живой ды аволь живой инвентарест марто, продукциясь, конань теить колхозтнэ ды кооперативной организациятне, истя жо сынст общественной постройкатне аштить колхозтнэнь ды кооперативной организациятнень общественной, социалистической собственностекс.
Эрьва колхозной кудонть, колхозной общественной хозяйстванть эйстэ основной доходтонть башка, эсь личной пользованиясонзо ули аволь покш участка пире мода ды пире моданть лангсо эсь собственностьсэнзэ подсобной хозяйства, эрямонь кудо, продуктивной скотина, нармунть ды велень хозяйствань вишка инвентарь — велень хозяйствань артелень уставонть коряс.
8 СТАТЬЯ. Колхозтнэнь кедьсэ аштиця модась [ 7 ]кемекстави тенст бесплатной ды сроктомо пользованияс, лиякс меремс пингеде-пингес.
9 СТАТЬЯ. Хозяйствань социалистической системанть марто ве шкасто, кона ашти СССР-нь хозяйствань господствующей формакс, законсонть нолдави единоличной крестьянтнэнь ды кустарьтнень частной вишкине хозяйства, кона аравтозь эсь труд лангсо ды кона а нолды лиянь трудонь эксплоатациянть.
10 СТАТЬЯ. Граждантнэнь сынст трудовой доходост ды сбереженияст лангс, эрямонь кудонть ды кудонь подсобной хозяйстванть лангс, кудонь хозяйствань ды обиходонь предметнэнь лангс личной потреблениянь ды удобствань предметнэнь лангс личной собственностень правась истя жо граждантнэнь личной собственностень наследованиянь правась — ванстовить законсо.
11 СТАТЬЯ. Общественной сюпав-чинть покшолгавтоманзо, трудицятнень материальной ды культурной уровенест свал кепедем анзо, ССР-нь Союзонь независимостенть кемекстамонзо ды сонзэ обороноспособностенть виевгавтоманзо интерестнэнь кис СССР-нь хозяйственной эрямось определяется ды ветяви государствань народно-хозяйственной плансо.
12 СТАТЬЯ. СССР-сэ трудось ашти обязанностекс ды честень тевекс эрьва трудоспособной гражданинэнтень принципень коряс: „кие а роботы, се а ярсы“.
СССР-сэ тевс ютавтови социализмань принцип: „эрьванть пельде сонзэ способностензэ коряс, эрьвантень — сонзэ трудонзо коряс“.