Священная история Ветхого и Нового завета (1880)/В/Новый/39
| ←38-це глава. | Священная исторія Ветхаго и Новаго завѣта на эрзянскомъ нарѣчіи (1880) Новый завѣтъ. 39-це глава. |
40-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 117—118 |
39. Лазэрень кулоздензэ вельмевтемадо.
Іерусалимъ маласо (эстэдензэ колмо валгей песэ) Виѳанія лемсэ веле ули. Се велесэнть эрясь Лазэрь лемсэ ломань; сонзо кавто Марѳа да Марія лемсэ сазоронзо мартонзо эрясть; сынь пекъ партъ улемастъ кувалтъ Іисусъ вечксь эйсэстъ. Сонъ сынстъ кедсэстъ ламо разтъ улнекшнесь. Христозонь муцявомадонзо таго зняро чинь пева Лазэрь пекъ стакасто ормалгадсь. Марѳа марто Марія Іисуснэнь ёвтамо кучть: «конань», мерить, «Тонъ вечксакъ, сэреди». Тень каршо Іисусъ ёвтась: «те ормась», мери, «авуль куломань кисъ, — Пазонь славанзо невтемань кисъ». Неть кулятнень марямодостъ мейле тесэ Іисусъ ищо кавто чить эрясь. Кавто чиде мейле Іисусъ тонавтницянстэнь мерсь: «минекъ вечкема ломаненекъ Лазэрь матидевсь; адядо Монъ сонзо пувтамонзо молянъ». Тень каршо тонавтницянзо мерсть: «Тонавтыцянокъ! коле матидевсь, сонъ куроксто пички». Сестэ Христосъ видстэ ёвтась тенстъ: «Лазэрь кулось». Кода Виѳанія ваксъ пачкодсь Іисусъ, Марѳа, каршозонзо лисезь, мерсь: «Паро Тонавтыця! коле бо Тонъ тесэ улевлить, монь братомъ Лазэрь аволь кулокъ, нейгакъ содаса Пазонь кедстэ Тонъ, мезе вешатъ Сонъ кулцонотонзатъ». Іисусъ мерсь тензэ: «вельми тонь братотъ». Марѳа мерсь: «монъ сень содаса: весе кулозь ломатне марто, меельсе чистэ сонъ гакъ вальми». Іисусъ мерсь: «Монъ Монсь вельмевтицянъ, Монсь эрямо максыцянъ». Мейле Марія якъ Іисусъ ваксъ лись да пильгезэнзэ празь, мерсь: «Паро Тонавтыцянокъ! коле Тонъ тесэ улевлить, [ 118 ]монь братомъ авуль кулокъ». Іисусъ мерсь: «козо путынкъ сонзо, невтинкъ Темь»? Кода пещёранть (сонъ ниле чить кода калмазь ульнесь) ваксъ састь, кандолазтнэнь лангсто кевенть ве ёновъ кшумадемензэ мерсь. Марѳа Іисуснэнь мерсь: «вай, Тонавтыцянокъ! сонзо эйстэ апаро чійне качады: нилеце чи ней, кода калмазь сонъ». Іисусъ мерсь тензэ: «коли кемеме карматъ, нейсакъ Пазонь славанзо». Іисусъ сельмензэ менельсъ кепединзе, Пазъ Тятянстэнь ознось да сергедезь пышкадсь: «Лазэрь, листь ушовъ»! Кулозесь кедьга, пельгева котсто тапарязь, прязо пацясо сюлмазь, лись тосто. Іисусъ укстнемензэ мерсь. Истямо чуда неезь, Іудейтне ютксто ламо ломать Іисуснэнь кемеме кармасть. Истятъ тевензэ неезь архирейтне Іисусонь марто вейсэ Лазэрень гакъ маштомонзо пурнасть.