Священная история Ветхого и Нового завета (1880)/В/Новый/27
| ←26-це глава. | Священная исторія Ветхаго и Новаго завѣта на эрзянскомъ нарѣчіи (1880) Новый завѣтъ. 27-це глава. |
28-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 102—103 |
27. Верь ормасо сэредицянь віемтемадо да Іаиронь тейтерензэ велмевтемадо.
Іисусъ Христозонь мекевъ (эркенть чинь валгома ёно) самонзо пекъ ламо ломать учость. Кодакъ мекевъ сась, Сонензэ весе уцяскавтомотне, ормавтнэ, промозь, инялдсть. Весемеде икеле вейке синагогань прявтъ (лемезэ Іаиръ) ваксонзо сась да, пильгезэнзэ празь, мерсь: «монь тейтерь какамъ эль кулы, коли Тонъ, монень молезь, лангозонзо кедеть путсакъ, сонъ а кулы, пички». Христосъ Іаиръ марто тусь. Сонзо Іаирнэнь молемстэ перканзо ломатне эцезь эцесть. Іисусъ лоткась да, «ки Монь одюжазомъ токатотсь», мерсь. Перканзо ащиця ломатнеде кіякъ эзь видькстакъ. Петръ мерсь: «Тонавтыця! Тонъ кевстнятъ: ки, мерятъ, одюжазотъ токатотсь? Ванокъ Тонъ ломатне перкатъ эцезь эцить». Іисусъ Христосъ перканзо ащиця ломатне лангсъ варштась да мерсь: «таго ки токатотсь: эстэдемъ вій лись». Кодакъ Іисусъ Христосъ истя мерсь, ломатне ютксто вейке ава, тандадоманзо пачкъ, сорнозь Сонзо пильгезэнзэ прась. Сонъ весе сесэ ащиця ломатне пингстэ ёвтась: «монъ Тонь эстеть ормадомъ ёвтамо эзинь смѣякъ: и пелинь и виздинь эстэдеть. Монъ хоть одюжазотъ токаванъ, сестэ якъ пичканъ меринь да одюжазотъ кедсэмъ токавинь. Вай, Паро Тонавтыця! кодакъ монъ Тонь одюжазотъ токавинь, сескэ шождине теевсь темъ. Илямакъ мурне, илямакъ панть эстэдеть! монъ Эстеть апакъ ёвтакъ истя теемамъ кисъ»! Іисусъ Христосъ «вай кемиця ава»! мерсь тензэ: «тонь кемематъ идинзеть: азе ней [ 103 ]спокойнасто да шумбрасто». Се авась кемькавтово іе верь ормасо сэредсь.
Іисусъ, тесэ аламнесъ лодказь ащемадо мейле, Іаирнэнь тусь. Ки лангсо Іаирнэнь, каршозонзо сазь, мерсть: «Тонавтыцянть кудозотъ стякъ илякъ ветсекъ: тейтереть кулось». Іисусъ Эсь мартонзо аньсякъ Петрань, Іаковонь да Іоаннонь саинзе, а ліятъ мельганзо молицятненень мартонзо (мельганзо) эзь мерть мольме. Сонъ Іаирнэнь «кемть аньсякъ, тонь тейтереть а ёми», мерсь. Кода Іаиронь кудонзо ваксъ састь, кудосонть авардема, лайшема вальгейть марявилть. Христосъ, кудосъ совазь «мейсь авардтядо? тейтеренкъ эзь кулокъ, сонъ уды аньсякъ», мерсь. Кулозенть ваксо улнезь ломатне Христозонь лангсо пеедсть. Христосъ колмо тонавтницядонзо да кулозенть тятядонзо, авадонзо башка, кудостонть весеменень лисьме мерсь. Ломатнень лисьмедестъ мейле кулозенть, ваксозонзо, сазь, кедте саизе да мерсь: «тейтерь паро чи, стякъ мерянъ тенть»! Кулозесь кодакъ Іисусъ «стякъ» мерсь, сескэ стясь да якамо кармась. Вельмезенть андомонзо, симдемензэ мерсь Іисусъ Христосъ.