Колхозонь эряф/1939/01-2/Победившай социализмать армияц
| ←Надежда Константиновна Крупская | Колхозонь эряф (1939), № 1-2 Январь-Февраль Победившай социализмать армияц |
Чеховонь эряфоц и деятельностец→ |
| Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь правлениять органоц. Лисенди кемгафтувоце кизось, ковти весть. — № 1-2 Январь-Февраль 1939 киза. — с. (41)43—44 |
[ 41 ]
| Победившай социализмать армияц |
Советскяй Союзонь нароттне праздновандасазь Рабоче-Крестьянскяй Якстерь Армиять и Военно-Морской Флотть 21-це годовщинаснон. Пяк оцю, радостнай праздник!
Сельме инголенк арсихть Якстерь Армиять великай победанза, конат тифт большевиконь партиять руководстванц ала, народть гениальнай вождензон — Ленинонь и Сталинонь руководстваснон ала.
Пялес щаф, пялес вачеда, кальдявста вооружандаф Якстерь Армиясь наголову тапазень Деникинть, Юденичть, Колчакть, Врангельть белогвардейскяй полчищаснон, тапазень и позор мархта панезень Советскяй странать эзда капиталистическяй 14 государстватнень — Германиять, Англиять, Франциять, Япониять и лама лиятнень армияснон, конат кружсезь, кода врьгазонь стая, Советскяй республикать северста, югста, востокста и западста.
Якстерь Армиясь отстоял советскяй народть независимостенц, целостьностенц и свободанц.
Тя лиссь сяс, што Якстерь Армиясь, кода мярьгсь Сталин ялгась, особеннай армия, кодама аш и не может улемс капиталистическяй странатнень эса. Якстерь Армиять вийц, крепостец и могуществац сянь эса, што тя трудящайхнень освобождениянь армиясна, минь странаньконь народонзон братствань армиясна, международнай пролетариатть армияц.
Ленинонь—Сталинонь партиясна цементировандакшнезе боецнень и командирхнень воляснон, календакшнезе синь революционнай духснон, прививал армияти железнай большевистскяй дисциплина, стойкость, боевой отвага, маштома преодолевать трудносттнень и сяськондемс врагть.
Тиемок могучай промышленность, строямок социализмань величественнай здания, Советскяй Союзсь вооружандазе эсь армиянц первокласснай техникаса — грознай танкаса, самолетса, артиллерияса.
Могучай техникась, конац ламонь крда касфтф эсь боецть и командирть пяк оцю идейностьснон и политическяй сознательностьснон мархта, тиендсы Якстерь Армиять мирса инь вию армиякс. Сонь вийнц аф кунара марязь эсь кедьснон лангса японскяй захватчикне. Несокрушимай лавинаса комотсть Якстерь Армиять полконза наглай врагть лангс. Родинать колга мысляса, Сталинонь лемонц мархта мольсть красноармеецне бойс, машфнезь врагть, панезь сонь священнай советскяй модать омбокс.
Якстерь Армиясь Хасан озерать маласа макссь нагляднай урок сембонди сятненди, кие арьсекшни Советскяй Союзть лангс нападениять колга. Каждайсь, кие смелкстай напасть социализмань странать лангс, ули тапаф сонцень жа собственнай территориянц лангса. „Тейнек сяда сподручнай и тьождя тапамс врагть эсь собственнай территориянц лангса. Тяфта сон ули — всякай нападениять и ударть лангс минь карматама отвечама минь доблестнай Якстерь Армияньконь сембе мощенц колмонь крда ударсонза“ (Ворошилов).
Февральть 23 шистонза сембе странать эзга сядот тьожятть седихнень эзда, сядот тьожятть ломаттнень эзда, кайгозевихть военнай присягань торжественнай валхне. Эрь боецсь, командирсь, [ 44 ]политработниксь комиссарсь, каждайсь, кие канды почетнай служба Рабоче-Крестьянскяй Якстерь Армиять и Военно-Морской Флотть рядонзон эса, максы великай клятва — эрямань мекольдень минутать самс улемс преданнайкс эсь народонцты, эсь советскяй родинанцты и Рабоче Крестьянскяй правительствати.
Минь Якстерь Армияньконь и минь Военно-Морской Флотоньконь эрь боецоц и командироц мяляфтсазь трудящайхнень великай вождьснон и учительснон Сталин ялгать валонзон: „Фкявок аськолкс лиянь мода аф эряви. Но и эсь моданьконь, фкявок вершок эсь моданьконь аф макссаськ киндинге“.
Рабоче-Крестьянскяй Якстерь Армиясь и Военно-Морской Флотсь — СССР-нь граждаттнень мирнай трудснон и великай завоеванияснон мощнай оплотсна. И грознай частть, мзярда капиталистическяй хищникне тяряфтыхть аськолдамс минь родинаньконь священнай рубежензон лангс, СССР-ть вооруженнай вийнза, нежетькшнемок сембе ламамиллионнай народоньконь поддержканц лангс, тапасазь врагть и тяйсазь сонь советскяй модать лангста.