Того́ же наказа́нїе.
слоⷡ҇
и҃
И҆ ѡ҆ вре́мени не пренемога́й. въ твое́ бо похотѣ́нїе вложи́тъ вра́гъ ѻ҆́бразъ без̾ вре́мене, ꙗ҆́кѡ да не терпѧ̀ бра́тъ гла́дкагѡ похотѣ́нїѧ бѣжи́тъ по́прище. ты́ же, воⷥлю́бленне, ꙗ҆́кѡ бг҃ꙋ тща́сѧ ᲂу҆годи́ти, терпѝ. и҆ а҆пⷭ҇лъ ᲂу҆бѡ гл҃етъ:
а҃ коⷬ҇
заⷱ҇ рл҃з а҆́ще и҆ мо́жеши свобо́дъ бы́ти, па́че подоба́етъ ти дѣ́лати. Воⷥзри́ же на пе́рвыѧ ро́ды, и҆ ви́ждь, ꙗ҆́кѡ всѝ ст҃і́и долготерпѣ́нїѧ ра́ди и҆ любвѐ, ᲂу҆лꙋчи́ша ѡ҆бѣтова̑нїѧ. терпи́мъ, и҆ ᲂу҆тѣша́емсѧ са́ми по всѧ̑ днѝ, ꙗ҆́кѡ да и҆ наслѣ́дници ѡ҆брѧ́щемсѧ є҆мꙋ̀ въ црⷭ҇твїи нбⷭ҇нѣмъ. Не пе́рвѣе ли
быⷮ к҃ѳ патрїа́рхъ і҆а́кѡвъ, четырена́десѧтъ лѣта̀ рабо́та рахи́ли ра́ди, лава́нꙋ сѵ́рїѧнинꙋ въ междꙋрѣ́чїи, во днѝ ѕнѡ́йныѧ, и҆ въ нѡ́щи лє́довныѧ; Та́кожде и҆ і҆ѡ́сифъ воⷥлю́бленный, нѣ́сть ли лѣ́тъ недово́ленъ рабо́тати въ землѝ чꙋжде́й; ꙗ҆́коже пи́шетъ:
л҃з и҆ бѣ̀ і҆ѡ́сифъ седмина́десѧте лѣ́тъ, є҆гда̀ пасы́й ѻ҆́вцы съ бра́тїею свое́ю. и҆ па́ки і҆ѡ́сифъ,
м҃а лѣ́тъ три́десѧтъ, є҆гда̀ ста̀ пред̾ фараѡ́номъ. Та́кожде и҆ мѡѷсе́й ᲂу҆го́дникъ гдⷭ҇нь,
и҆сⷯ в҃ четы́редесѧте лѣ́тъ сы́й, всели́сѧ въ зе́млю мадїа́мскꙋ. и҆ сы́нове і҆и҃левы, по четы́рехдесѧтъ лѣ́тѣхъ внидо́ша въ зе́млю ѻ҆бѣтова́нїѧ. Та́кожде и҆ данїи́лъ
даⷩ҇ г҃ ᲂу҆го́дный съ тремѝ ѻ҆́троки, претерпѣ́ша ско́рбь и҆ поноше́нїе на землѝ чꙋжде́й. тѣ́мже и҆ ті́и спасе́ни бы́ша. мы́ же ни ма́ла пострада́вше, не мо́жемъ терпѣ́ти. невѣ́рствїѧ же ра́ди на́шегѡ, терпѣ́нїе ᲂу҆далѧ́етсѧ ѿ на́съ. се́ бо печа́ли са́мъ сѧ є҆сѝ пре́далъ, воⷥлю́бленне, ꙗ҆́кѡ погꙋби́въ мѣ́дницꙋ чꙋ́жꙋ, и҆ ꙗ҆́кѡ въ плѣне́нїе и҆́де. да́ждь себѣ̀ є҆динодꙋ́шїе ѡ҆ гдⷭ҇ѣ, и҆ мꙋжа́йсѧ ꙗ҆́кѡ вѣ́ренъ, є҆да̀ когда̀ ѿ мно́гїѧ печа́ли, погꙋби́ши не́мощь дꙋшѝ своеѧ̀, и҆ послѣдѝ раска́ешисѧ; поразꙋмѣ́й ᲂу҆́бѡ, воⷥлю́бленне, сꙋ́щыѧ во и҆згна́нїи, съ вери́гами и҆ лю́тыми ра́нами и҆стѧза́емымъ, и҆ повини́сѧ преⷣстоѧ́щемꙋ ти ѡ҆ гдⷭ҇ѣ. лѝ па́че по человѣ́чествꙋ, воспомѧнѝ рабо́тꙋ, ю҆́же терпи́ши гдⷭ҇а ра́ди. кто̀ ᲂу҆́бѡ бы́въ беⷥче́ствованъ царе́мъ, и҆ не и҆сповѣ́даетъ па́че досажде́нїѧ хвалы̀; но мно́жицею хо́щеши глаго́лати, ꙗ҆́кѡ трꙋ́дъ и҆́мать ве́щь, го́ре мнѣ̀ грѣ́шномꙋ и҆ неключи́момꙋ рабꙋ̀. а҆́ще бо трꙋда̀ пре́жде не взе́мъ, и҆ терпи́мъ всѧ̑ гдⷭ҇а ра́ди, то почто̀ и҆зыдо́хомъ ѿ мі́ра сегѡ̀; кто̀ досто́инъ, воⷥлю́бленне, ᲂу҆́мрети, за ᲂу҆ме́ршагѡ на́съ ра́ди; ма̑лаѧ подае́ши, воⷥлю́бленне, а҆ вели̑каѧ воспрїи́меши.
є҆вⷬ҇
заⷱ҇ тк҃ѕ
маⷴ҇
заⷱ҇ ч҃ѳ терпѣ́нїѧ ᲂу҆́бѡ и҆́мамъ потре́бꙋ, да во́лю бж҃їю сотво́рше, полꙋчи́мъ ѡ҆бѣтова́нїѧ є҆гѡ̀. претерпѣ́вый бо до конца̀, то́й спасе́тсѧ.
This is a translation and has a separate copyright status from the original text. The license for the translation applies to this edition only.
