Колхозонь эряф/1939/11-12/Панжи эряфсь

←Вожденьке Ленин и Сталин ялгатне и Сталинскяй Конституциясь мокшень фольклорса

Колхозонь эряф (1939), № 11-12 Ноябрь—Декабрь edited by Чумаков И. Ф. Панжи эряфсь

Агуть бригадац→

Колхозонь эряф. Эрь ковонь литературно-художественнай и общественно-политическяй журнал. Мордовскяй писателень союзть органоц. — № 11-12 Ноябрь—Декабрь 1939. — с. 30

Панжи  эряфсь  *)

Кассь и келемсь минь странаньке,
Арась эряфоц лиякс,
Вишкста инголи сон моли,
Эряфсь пиндолды сиякс.

Лия шама кундась паксясь,
Касы сёрось, кода вирсь,
Пяшксе колазсь утяй алу,
Пяк козя колхозонь мирсь.

Лия мяльса ащи вирьське,
Рахазь, пеедезь увнай,
Весяласта пара мяльса,
Кожфса келунясь люкай.

Увнайхть, дубордыхть завоттне,
Нолдайхть тракторхт модать лангс,
Коса уленькшнесть болотат —
Тяни марнек полафтсь ванфсь.

Шяйхнень вастса сокайхть тракторхт,
Стенакс касы тову розсь.
Коса пиндолкшнесь шуварсь,
Тоза сад озафтсь совхозсь.

 

Моразь  од  колхозницат  Сире  Пичеморга
велеса,  Торбеевань  районца.

 

---

 

---

      *) Морось сявф Мордовскяй научно-исследовательскяй институтста.