Колхозонь эряф/1933/08/Минь большевиконь маевканекя

From Wikisource
Jump to navigation Jump to search
Колхозонь эряф (1933), 8 № апрель ков edited by Шестов Н. С., Порватов Т. М.
Минь большевиконь маевканекя by
авторсь: Малышев, Сергей Васильевич, мокшекс ётафтозе: Аф содаф (аноним)
Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 8 № апрель ков 1933 киза. — с. 6—7
 
[6]
Сергей  Малышев.  

Минь  большевиконь  маевканекя.
 

Васеньце майть колга мон васенда кулень ниньге шабакс пинькстон. Акша шаярь кулаконь стирьнясь Девяткина Катькась юватькшнесь тейне, мзярда мон сонь мархтонза сялондомста йорянь лангозонза урдазса: „У маевщик бунтовщик... ожу вов аляза терьди урядник, сон тонь“ бунтовщикть маевщикть „крутятанза“. И эста киге мон шарьхкодине, што, бунтовщикне — цебярь ломатть сяс, мес кулаконь куца ялан сюцекшнелезь цебярь ломаттнень.

Кимкафтува кизоса шабакс Питерса фкя купецень ширеса работамстон 1-це маень шиста мон оцю мяльса ванонь народонь толпать ланкс, конат канкске мархта мольсть Екатерингофу, и арьсень: мзярда жа синь ушодыхть бунтавама? Рамайсь азондозе приказчикти, што омба масторга тя шить йотафнесазь ваймосезь и радошнаста кода тундань ши. Россияв тя праздникть тузе Екатерина II. Тяни вов Екатерингофса 1-це майста рабочайхне тиендихть фсякай налхкондомат и лия колендемат, но вов, корхтай, улихть кодама бди ломатть, конат натравакшнесазь рабочайхнень майть лиякс йотафнема: мярьгондихть морафнемода книгат, йорямода листовкат, критиковандамс правительствать и тернесазь синь тюрема.

Тя ульсь йотай веконь 90 це кизотнень эзда. Меньшевикне и лия контрреволюционерхне эрь шиня коль кемокснесть, а омба масторга тяниеньгя кемокснихть мяльхть массатнень пряс васеньце майть колга кода тундать сама шинц колга, ваймама и налхсема шинь колга. Вехксагемоньце кизотнень кунчкаста Ленин пуроптозень рабочайхнень большевикокс тюрема эсь вракснон мархта и эста жа шарьхкотьфтезе рабочайхненди, што 1-це майсь арси трудяйхненди вишкя тюремань шикс, революциянь праздникокс.

Монь лядендихть мялезон минь васеньце майти анокламасонк башка ширетне. 1896 це кизоне купецть ширьде воргодень мон Обуховскай заводу, мзярда ни тейне ульсь кода улемс тя славнай тюремаса кода ни тя заводонь работник и кружоконь член. Васеньце маень карша минь аноклакшемя якстерь флагт лозунг мархта: „Долой самодержавиять и капитализьмать! Шумбра улеза социализьмась! Шумбра улеза 1 це майсь“. Тиемя знамянди башка шуфтоняста стамка нетькс, конац механическайста пувордазь арафневоль кувака олгокс. Минь заводть эзда ряц йорямя прокламацият, а весть мастерхнень и офицерхнень зепова тонгондоме воззваният и карточкат, конатнень мархта синь терневсть казанскай соборть инголи оцюазорть, правительствать и капиталистнень каршес демонстрациянь тиемя.

Оцюазоронь правительстваське ашезь учсе. Сон пяшкочнезень рабочай райоттнень шпионца и провокаторса. Заводонь администрациясь арафнесь лиякс наряжаф городовойхть машинатнень ваксс работама, штоба ряставамс сятнень конат тяряфтыхть лоткафтомс машинаснон. Но мезевок ашезь лисенде. Кинь бди кядец, мзярда эрявсь, фатнезе рычагть, лиянь кяттне йорязь фшири городовойть и машинистть и машинась лотксесь. Мастерскойхне пяшкочнесть наротта. Сембе ласьксть ульцяв и большевикнень руководстваснон вельде кота тьожатть пралетария флакса и моразь мольсть ошть кучкас. Вооружандаф городовойхне, жандармань взвоттне, пролетарскай массатнень няемок киренчнихть фкя фкянь эшксс, кяшендихть. Оцю демонстрациясь пяшкочни и касонды лама кемонь тьожань ломаньц.

Невскайсь 1 це маень шинь кунчкать пяшксе наротта. Сембода ламоц синь эздост рабочайхть, праздниконь адежасот. Ламонц петлицасост якстерь банткат. Улихть студентт, курсисткат. Кой-конат синь эздост рабочайхнень йотксот, лиятне пелезь ваныхть ширеста. Путф частть эзда якстерь знамясь люборгоць городской думать инголе. Комоцть сонь эзонза, коннайхне ялгатне. Ушоць тюремась. Валхнесазь алашатнень ланкста коннайхнень, жандарматне кафта пяли яфиихть сабляснон мархта. Коса бди ляцсть, коса бди пешкодыхть, коса бди морайхть. Тюремась вишкомкшни.,. И тяфта эрь кизонь васеньце майсь. Рабочай классь партиять руководстванц коряс коль сяда [7]вишкста и вишкста люпштась эсь врагонц капитализмать, правительствать ланкс. Партиясь тя пинкть юмафць лама цебярь работникт эсь рядонзон эзда. Массовай аресттне ушочнесть ниньге васеньце майда инголе, эрсесть синь демонстрацияса и тяда меленьгя. Тюрьматне и ссылкатне пяшкочневсть вельф. Но минь большевикне тюрьмасонга, ссылкасонга васеньце майть праздновакшнеськ кепотьф мяльса и победать лангс надиязь.

Ляденди монь мялезон васеньце майсь „предварилкаса„ 1903-це кизоне. Железобетоннай кяскавса фкя-фкянь эзда изолировандаф колма сятт аля и кафта сятт ава машцть няфтема васеньце майста эсь вайгяльснон и тюремань вийснон. Кие бди большевикнень эзда форточкава прянц лифтезь пешкоць: „Шумбра улеза 1-це майсь! Долой самодержавиять! Долой капитализмать!“. Тюрьмань Коридорхнень эзга ласькондихть, кальдерьдихть ключне, чикордыхть стака кшнинь кеньчксне. Синь ширесост кулеви танга пешкодома вайгяль: „Ялгат, монь усксамазь карцеру. Шумбра улеза 1-це майсь! Шумбра улеза...“ Пешкодома вайгяльсь вдруг лоткай, возиндама. „Предварилкать“ Омба васцонза танга вайгяль! „Шумбра улеза 1-це майсь! Долой капитализмать! Долой самадержавиять!“ Надзирательхне и жандарматне ласькихть тюрьмань коридорхнень эзга, политикнень усксесазь карцерхненди пряснон сукнаса ашкодозь, штоба синь афольхть ювачне. Иляденди кой-как сетьмось тюремась, но тяда мельдень шитнень сон танга меки крьвязькшни, фатнесыне сембе 500 ломаттнень, конат азондыхть всеобщай голодовка. Тюремать шумордамок 50 шка ломань минь большивикнень ускомазь „Крестненди.“ Кой конат эздонок пикссефтельть пялес куломс, лиятнень синнезь ирдезснон, синнезь пейснон. Пикссефста вер потмоса минь ащекшнемя тюрьмань подвалонь шава кефнень ланкса. И сембонь минь ладоль мялезонок, што удалась тейнек хоть тюрьмань стенатнень пачк аердамс буржуазиять и правительствать.

Пересылкава, этапова, Вологодскай, Архангельскай и Сибирьскай ичкоздень ссылкатнень эзга, 1 це майста большевикне ялан тиендельхть боевой выступленият. Эрь ломаньць минь эздонок, конац работась кемонень киза подпольяса (савала) может лятфтамс кода тюрьмаса минь ялганеконь эзда кие-кие форточкава лифнелезе прянц и поздравляндакшнезень пякстафнень 1 це маень праздникть мархта. Поздравлениятне канневсть камератнень эзга, гайфнезь и пильге ланкс стяфнезь семое тюрьмать. Сембе тя тарксесь репрессия. Минь всякай лаца шорьсеме теенза и тюреме сонь каршезонза. И тяфта тевсь молсь мянь Октябрьскай революцияти.

И тяни вов ни 16-це кизось великай пралетарскай празниксь 1-це майсь свободнайста праздовакшневи минь Советонь масторсононк. И эрь кизоне трудяень колоннатне стройнаста молихть инголи няфнесазь эсь воляснон, эсь пяк оцю вийснон тюремати, социализмань тиема тевти. Тяни, мзярда минь пуроптоме пяк оцю гигантт—завотт, мзярда минь пуропнетяма оцю колхозонь паксят, рабочай классь кольсяда вишкста и кемоста пуропни боевой шеренгат минь коммунистическай партиянеконь, сонь Центральнаи Комитетонц перьф, конац вяцы пролетариатть Мировой Октябрьть инкса тюрема.

Шумбра улеза васеньце майсь! Шумбра улеза мировой Октябрсь!

 
This is a translation and has a separate copyright status from the original text. The license for the translation applies to this edition only.
Original:
PD-icon.svg This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • its creator didn't fight or work for Soviet Union victory during the Great Patriotic War — so the 70-year protection term is applied;
  • and the creator died before January 1, 1950 (more than 70 years ago);
  • and this work was first published before January 1, 1950 (more than 70 years ago).

This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:

  • its creator didn't fight or work for Soviet Union victory during the Great Patriotic War — so the 50-year protection term was applied;
  • and the creator died before January 1, 1946 (more than 50 years ago from 1/1/1996);
  • and this work was first published before January 1, 1946 (more than 50 years ago from 1/1/1996).

The author died in 1938, so this work is also in the public domain in other countries and areas where the copyright term is the author's life plus 81 years or less (if applicable), or the copyright term is 86 years or less since publication (if applicable).

Flag of Russia.svg
Translation:
PD-icon.svg This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • it was anonymously published before January 1, 1950 (more than 70 years ago).

This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:

  • it was anonymously published before January 1, 1946 (more than 50 years ago from 1/1/1996).

This anonymous or pseudonymous work is also in the public domain in other countries and areas where the copyright term of anonymous or pseudonymous works is 86 years or less since publication.

Flag of Russia.svg