Мезэ эряви содамс эрь дэяти/Кодама иднэсь шумбра
| Кодама иднэсь шумбра. |
Кона иднэсь шумбра, кемэ, сэнь лэпонэ, якстернэ тела кедняц, аш ланксонза кодаптка поколнят, невольф вастт. Конань мельгэ лац якахть, сэ шумбра. Кыда иднэть шуроста эшлекшнесазь, прянза, шэяронзон ёткс тиевийхть тюжэ пейкст. Сят пейкснень эрявихть машфтомс: ватьк прэнянц салфтома вайняса, сотк руцэняса. Сяда мелэ, пилешка част ётазь, штак ирэнянц сапоньца. Кыда тяфта штасак колмошкаксть шинь ётазь — пейкснэ ды кувотнэ пэярийхть.
Лац антфт иднэть теланяц кемонэ, а осалста антфть — шонгарнэ, кедняц ланксонза нюрги, модэряфкэ.
Нингэ шачема шистонза, иднэть ули ни аф лама вийняц, шарфнесыйнь сон кэднянзон пильгонянзон, ды прэнянц. Сэтяфнаста ашчи иднэсь анцек мызярда уды сянкса тэйть содонда иднэть кэднянзон ды пильгонянзон. Содондомть эзда иднэсь осалгады.
[ 27 ]Кафта ковса иднэсь кармай кепсема додунянц ланкста прэнянц эса. Кода нейсак, тэнь — уифть кафксть шизонза кырхтапоняста путнемонза сонь пеконянц ланкс. Тяфта ашчемс теенза эряви (Варжак картинанэть).
Озада сонць уйфти ашчема пэлэ кизода мелэ, сянкса тяк озафнэ пэлэ кизода инголэ.
Пильгонянзон ланкс сонць кармай кепсема 8-шка ковса. Якама кэдь вельденэ кармай 10, 11-са ковса, а кизонц топодьмос кармай ни сонць.
Лият иднэтнэ инголэ тоначнийхть шашнема, нилэ ковда инголэ тяк кырнэ иднэть кэцот озаткэ, сонь кармай лэндевма копоняц. Кыда ашчи иднэсь кэцот, кырнек сонь мэштеняда сиденяста путнек иднэть пеконянц ланкс.
Пэлэ кизода мелэ иднэть ушептыхть лисема пейнянза. Инголэ лисийхть алулда инголдэ пеенза. Кизонц топодьмос 6—8 пейхть лисихть, а 2½ кизоста сембэ комсь пеенза лисийхть.