Колхозонь эряф/1932/16-17/Максим Горькай (40 кизонь литературнай юбилеенцты)

From Wikisource
Jump to navigation Jump to search
Колхозонь эряф (1932), 16-17 №, 30-це сентябрь edited by Шестов Н. С., Порватов Т. М.
Максим Горькай (40 кизонь литературнай юбилеенцты) by Черапкин, Иосиф Григорьевич
Колхозонь эряф (Колхозная жизнь). Лисенди ковти кафксть, общественно-политическ. и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 16-17 №, 30-це сентябрь, 1932 киз. — с. 1—4
[1]
Сембе масторонь пролетариятне, пуромода марс!

 
30-це сентябрь
1932 киз.
16-17 №
КОЛХОЗОНЬ ЭРЯФ
(КОЛХОЗНАЯ ЖИЗНЬ)
Лисенди 5-це кизось
Лисенди
ковти кафксть, обще- ственно-политическ. и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець
 


 
МАКСИМ  ГОРЬКАЙ
(40 кизонь литературнай юбилеенцты.)
 

Марнек Советскай трудяхне тяддень сеньтябрь ковть 24 шиста праздновандасазь Максим Горькаень праздниконц, кода мярьгихть юбилеенц. Нильгемонь киза йотась, йот сон кармась сьормадома газетава, журналга ды книгава. Те праздниксь моли аф-най СССР-са, но и лия масторонь трудяйхнень йоткса. Сембе трудяхне почет макссихть эсь пролетарскай писательснонды, нильгемонь киза пролетариатть инкса сьормадома тевса тюреманц инкса.

Максим Горький пролетарскай писатель, сонь содасазь марнек мастор ланкса, сембе трудяйхне кулхцонцазь сонь валонзон. Горькаень лемоць сотозсь революционнай рабочай движениять историянц мархта. Тениень пинкть сонь статьянзон ды расказонзон лувонцазь-морафнесазь марнек мастор ланкса, кулхцонцы сонь вайгеленц лама миллионца лувондови марнек светонь пролетариаць.

Максим Горький — кельгоме писательсна аф най Советонь Союзонь трудяхнень, но и марнек мастор лангонь пролетариатть.

В. И. Ленин пек лац ваноль Горькаень ланкс, сон весть тяфта сермаць теенза: „Художниконь эсь талантцень мархта тон пек оцю польза кандоть Россиянь рабочай движенияти и аф аньцек Россияньнети“.

Мезь мархта Горький сафтозе, штоба теенза тяшка почет макссель Ленин и сембе трудяхне? А сень мархта, што сон эсь произведениянзон вельде тюрьсь трудяеньди пара эрямать ды революциясь инкса.

 

Максим Горькай

 

 
Великай пролетарскай писательти и
революционерти — Максим Горькаенди
большевиконь паравал
 

[2]
 
 
Максим Горькаень Петербургскай охранкань
карточкац (1906 киза)

Максим Горький, те сонь псевдонимоц эсь мяльсонза сявф — кочкаф лем, а шачем лемоц — Алексей Максимович Пешков. Эсь васеньце рассказонц „Макар Чудра“ азонфонц пес, конац вачкотьфоль Тифлис ошоса лисеньди газетаса, сон лемдезе эсь прянц „Максим Горький.“ Те лемть сермадоманц мархта йоразе няфтемс, што сон няда, конань эрямасна оцязоронь пингень Россияса пек стакаль „сяпиель“. Сонь соньцень эрямацка макссесь прават теенза стама лемонь сявомати.

М. Горький шачсь 1868 кизонь март ковть (16) 28 шиста, Нижний—Новгород ошса, архниень семияса. Вете кизосоль сон, коста кулось аляц и сяда меле лама кизот ломань пелга сон скитандась. Стакаль сонь шабакс пингоц.

Вов мезе сермады сон эсь шабакс пингонц ды од пингонц кувалма:

„Кафкса кизоса, — тешти сон эсь эряманц колга сьормадомста, — монь максомазь „цьорокшкакс“ обувнай магазинц, но кафтошка ковда меле мон лакай лямса пидине кядьнень ды тага меки кучемазь шчятязьти. Пчкамодон меле монь максомазь ученикокс чертежниконьди, фширьдень раднянеконьди, но кизода меле, пек стакаста пеленза эрямать кувалма, мон тоста ворьгодень ды сиводень парохоца поворонди ученикокс. Сяда мельдень эрямазе пек лама вастова ульсь и пек сложнаель: поварть — кадыне, молень тага чертежникти, сяда меле торгавань, шкайненят мишеньдень, служань сторожкс Грязе—Царицинскай машина-кить ланкса, кряньделень паникс-пидикс улень, булкань паникс-пицикс, сашендовсь эрьсемс катф вастова, трущебава“.

Парохоца служамстонза Смурый-поварсь сонь сьормас тонафтозе.

Работань вешеньдемать вельде Горький йотазень се пингонь Россиять сембе вастонзон Уленьць сон Волгать трвава васттнень эзга. Дон ляйть малава, Крымса, Украинаса... И коса аньцек сон ашель! Масторть якшам ширеса, лембе ширесонза, шимадома-шинь стяма ширеса, Якам-шеем йоткть сон приметнезень разнай класснень эрямаснон.

Мезе савсь теенза няемс, мезе ланганза йотась, нят сембе ладязь мяленц се шири, штоба пезярьдемс ломань трудямань вельде эряйда, кяжиямс эксплоататорхнень ланкс.

Заводявсь знакомста революционерхнень мархта тиенза и кармась лама морафнеме. Но морафнемацка васеньда кода повсь мольсь, системафтома, мезе угадяволь кядь малас, сень и луволь.

Тифлизса машина—ки ланкса сторожкс работамстонза, сон кармась уленьдема рабочай кружокса, конад—тевонзон вятазень салава. Весьть фке революционер марязень Горькаень интереснай расказонзон ды макссь теенза совет, штоба сон книгас кармаль серматкшнеме. Сон кулхцондозе ды эстоньбере кармась сьорматкшнеме книгава, ды газетава, ды журналга.

Коста Горькай сьорматкшнезень васеньце рассказонзон, сон сонцьнинге лац афолезе сода, што ули фке оцю вий, конац машфцы сире эрямать, што се вийсь — рабочай классь. Эста теенза арамоль, што якай—шеи ломатьтне, босякне ды бродягатне, конань мархта сон васетькшнесь шарондомстонза, — самай се вийть, конат срафцазь—калафцазь сире эрямань порядкатнень.

Сяски сонь васеньце азонтфонза корхтахть най стама ломань ланга, нят: „На дне“ — пьесац „Макар Чудра“ „Челкаш“ и лиятне.

Тяда меле Горький вешсь од эрямань тиихть интельлигенциять йоткста, нятка надияманц машфтозь. Се йоткть сон стама произведениятка новлясь, нят: „Варенька Олесова“, „Дачники“ „Варвары" „Дети солнца“ и лият.

Масторть ланга шарондомась, разнай ломанень васьфнемась макссь Горькаеньди пек лама материал, конат ярашцть произведениянзон сьормадомста. Кие аньцек аш Горькаень рассказганза: и рабочахть, и велень ломатть, и купецт, и ученахть, и бродягат и арестатт. Но сембе сьорматфсонза сон арсесь обижаф ломанень ширес. Шаронць мялец революциянь тевонь шири и работакшнесь кода революционер.

Сянкса сонь оцязоронь правительствась аф весть тюрьмав пекснекшнезе — 1892 кизоть, 1898 к., 1905 к.

[3]1902-це киэоста Горькаень, кода сембоньди содаф писателень, кочказь Академия Наук, ученаень учрежденияс, почетнай членкс, но аф лама пингонь йотамок, оцязорть мярьгомаса, сонь нардазь се спискаста.

1905-це кизонь революциясь няфтезе Горькаеньди, кить сире эрямать машфтыенза и од эрямань строяхне и сяда меле сон прокс рабочахнень мархта: синь сярядемасост сярятькшнесь, синь кенярьдемасост кенярькшнесь. Тюреме терьдикс лиссь сонь произведенияц „Мать“, конац арась кельгома книгакс мастор лангонь сембе рабочахненьди и сяда меле Горькаень лемоц прокс сотф рабочай движениять мархта. Сонь мельганза ваны полициясь, озафнесазь тюрьмав паньцесазь сонь ссылкас ичкоздень вастова. Но Горькай кажной од книганц мархта сяда пек содавикс арси марнек мастор ланкса.

Реакциянь кизотнень, коста самодержавиясь люпштазе 1905 кизонь революциять, коста ламонц юмась верендамасна пролетариатть виенц ланкс, коста ламоц аерцть революцияда ды кармасть пара эрямань вешеньдеме шкайста-шайтанцта, Горький сермадозе „Исповедь“ книганц. Те произведениясонза сон шнасы коллективонь эрьгять, соньцьке веши „правда“, но нинге се правдать сон вешенцы „нароцта“, классовай тюремать эземс лихни шкаень вельде пара эрямань тиема.

В И. Ленин ды Плеханов пек сюцезь сялдозь тянкса сонь.

1906 кизоне Горькаеньди удалась тумс границать тона ширес. Тоса сон знакомондась Ленин мархта и работась се пингонь большевистскай печатнай валса.

1910 11-це кизотнень Горькай макссь: „Город Окуров" ды „Жизнь Матвея Кожемякина“, конань эса азонцыне дикай обуцяснон, кяжень ардом койснон Россиять уездганза и лия шобда вастованза эряхнень. Сияк сон азондозе, што шобда и люпштаф Россияса ломаньть эряманц пецы аньцек пролетариатонь вийсь, аф не дикайкс ащи купецне ды помещикне.

Эсь эряманць, ломань йоткс лисеманц ды тонафнеманц сон азондозе: „Детство“ „В людях“ „Мои университеты“-книгаванза. Не книгаванза сон макссь лама аф юкстави картинат революцияда ингольдень эрямать кувалма.

Эмиграцияса Горький эрясь Италияса „Капри“ супса, тоста сон серматкшнесь оцязоронь правительствать осал тевонзон ланга, сяс теенза ашель кода-ни самс Россияв. Мировой войнать сон васьфтезе пек пезярьдезь.

1915 це кизоне сонь руководстванц ала кармась лисеньдеме „Летопись“ журнал, конань перьфке сонь пуроптозень сембе интернационалист-социалисттнень.

Октябрьскай революцияда меле сон работай Советскай власьтть кемокстамаса, культурнай строительствань тевса. Сексенда 1921 кизоста, сон тусь прянь пчкафтома Италияв.

1928 кизонь тундать сон йотазе СССР-ть, ванондозе, кода эряхть трудяхне Советскай масторса.

Мельдень литературнай работанза Горькаень: „Дело Артамоновых“ ды „Жизнь Клима Самгина“. Васеньцеть эса сон азонцы колма поколениянь эрямать: кода эрясть крепостной праваста-сявомок Октябрьскай революциять самс, ды кода полафць эрямась Октябрьскай революцияда меле, кода революциясь койхнень-мяльхнень полафнесыне. Омбоце книгаса „Жизнь Клима Самгина“ азонтфсонза сон няфтезе интеллигенциять зрямас аф ладявоманц, живой общественнай тевста аердоманц.

Октябрьскай революцияда меле Горькаень сьорматфонза нинге сядонго пек сафнесазь кяжснон капиталисттнен, буржухнень ды синь мельгаст молихнень. ГоРькай смелста и афпелезь азонцыне сьорматфсонза советскай Созть каршес капиталисттнень пеень поремаснон, няфнесыне пролетарскай масторть ланкс васькафнемаснон. Сон сембоньди няевикс тиенцы попонь осал арьсемать, СССР ть ланкс „крестовай похоц“ срхкамаснон. Сон лифнесыне вредительхнень и тюри осал арьсинекень мархта. Тяфтама сонь аф кунардонь статьяц: „Если враг не сдается, его уничтожают“.

Горькай — васеньцекс ударник-писательсь Сонь тонафтомасонза вятемасонза лисеньдихть журналхт: „Наши достижения“, „Литературная учеба“. Сонь ушодомасонза кармасть лисеньдеме завоттнень ды фабрикатнень историясна, сонь предложениясонза лисеньдихт книгат марстонь заглавияса „История молодого человека“. Сембе васцонза культурнай строительствань тевть Горькаень тевонза няевихть.

Горькай мезе вийса тюри вайнань машфтомать инкса. Йтай ковонь Антивоеннай сьезд-


 
М. Горькайсь уноконянзон мархта
[4]
 
М. Горькайсь и АМО заводонь директорсь — Лихачев
ялгась заводонь рабочайхнень йоткса

ти Голландияв минь Советскай далегациянекень эзизь нолда. Се делегациять йоткса ульсь Горькай, сон эсь обращениянзон мархта няфтезе марнек масторонь трудяхненьди, што СССР сь война аф веши, минь мирнаста эряма вештяма и тихтяма.

Сяс самай 40 кизонь работаманц кувалма юбилеенц Горькаень марнек СССР нь трудяхне праздник лаца тиенцазь и аф най минь, но лия масторганга сонь честиндасазь. Горькай минь кельгоме писательнеке, сонь книганзон лувонцазь марнек мастор ланкса эряй трудяхне.

Горькаень произведенияса няхтяма геройкс: шабат, вярикасыкст, ават, алят, стирьнят цьоранят, отт, сиреть. С ембоньди машты Горький пинкстонза валонь максома, коста и мезе эряви няфцы сень и снярда. Сонь пек лама содаманза, но тонафнесь Горький самоучкой, сянь сон лац азондозе „Мои университеты“ книгасонза Кивок сонь лацонза эзь сьорматкшне цебярь книгатнень значенияснон ланга. Кржа стама ломаньденге, конат ба соньшканза сьняра пара книга лувольхть. Горькай эсь примеронц мархта тейнек няфнесы, кода ломаньць самоучкой может тонафнемс, а эряманц мархта азонцы, кода не содаматнень вельде ломаненьди пара тиемс, шобда шиста лихтемс трудяхнень.

Горькаень произведенияса лама разнай народ ланга сьорматкшнеф. Сембода лама азонтф руз наротть эряманц кувалма, но улихть азонфонза: итальянецень, французонь, немецень, цыганонь, татаронь кавказскай наротнень и лия национальностень кувалма. Улихть сьорматфонза мокшэрзянь кувалманга. Лама лроизведенияванза приметавихть мокшэрзянь летфнематне, но сембоде ламос лоткась сон минь народонекень эряманц кувалма азондомаса: Мордовка „Лесничиха“ рассказганза. Кельгомге сон азонцыне обижаф ломатьтнень эрямаснон, кодама национальностьста синь тяст-уль: мокшэрзят, итальянецт, цыгант, руст, татархт, сембе трудяйхне теенза эсь ломатть.

Горькаень лемса лама колхозда, лама учебнай заведения сонь лемонц канцы и, сави. Мзяра од писатель тонафць Горький, мзяра прявий макссь пролетарскай писательхненьди се лац азонтфоль нинге эста, коста минь ваноськ Горькаень 35 кизонь юбилеенц — 1928 це кизоста. Сень кувалма лац тештьф „сборник статей и воспоминаний о М. Горьком“ книгаса конац нолдаф Ленинграца, 1928 кизоть И. Груздевонь редактированияса.

Сембе, киньди сашендовсь Горькай мархта васетькшнемс, азонцазь, што Горькай, кода оцта стане тенинге, лама работай. Сон эсь примеронц мархта няфнесы, што валхне—мельхне эрявихть тевс новлямс, эряфс сувафнемс. Комсь том лисьф сонь работадонза, се аньцек пакшке марнек тевстонза. Сон аф най сьорматкшни, но пек сяда лама тага лувонды. Тьоженьца лувондови рукописьсна од писательхнень, конань кучсесазь теенза ваномс, шнамс—сялдомс. А няда башка тага мзяра ответ сон сьорматкшни теенза сьормань кучсихненьди. Станяк, сире ломанькска сон работамань обуцянц аф кадонцы.

Сембе не ялгатненьди, конат анахть совет Горькаень кяцта сон мярьгоньди, што эряви работамс, эряви лама тонафнемс. Сон соньць лама лувонды, лама тонафни. И тени сонь кодямонза содай ломаньде кржа лама марнек масторланкса.

Сон пек надиязь ваны минь масторсонок социализмань строямать ланкс, надияй, што тевть минь сяськсаськ, тийсаськ.

Тень кувалма сон тяфта корхтась:

„Мон арьсянь, што козк те удивительнай нароць маятазь кацыне сембонь нень, мезе йонензон фталу утясыне и тапарякшнесы сонь, коста сон кармай трудямать значениянц шархкодема, марнек светонь культурнай тевса сон оцю, сон кармай стане эряма, кода йофкссонга аф азонкшневи и ламос стамс тонафцы сизеф и осал тевонь тиеньдезь йожода маштф сире мирть.“

Минь мокшень эрямасонок эрявихть Горькаень обуцянза сувафтомс. Но сянкса, штоба шарьхкодевикс сонь тиемс, эрявихть тейнек мокшекс сьорматфста нолдамс сонь произведенияза. Васень пинкт хоть аф сембонь, но нянь, конат школасонга эрявихть, писательнеконьдиге эрявихть, сон тонафцамазь кода сьормадома, кода тештезь азондома, тонафнема и тонадома.

Обласьца смекаф Горькаень юбилеец йотафтомс. Но секе эряви сембе районга, сембе школава эрявихть тиемс Горькаень лемса путф пуромкст и сонь произведениянзон азондомасна. Кда киньди лия народоньди тонафнема Горькайста културась, то тейнек, мокшетненьди—эрзятненьди лама кепотькс сявома Горькаень эрямаста, сонь работамастонза и марстонь тевонь виияфтомаса.

И. Черапкин

 
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • its creator didn't fight or work for Soviet Union victory during the Great Patriotic War — so the 70-year protection term is applied;
  • and the creator died before January 1, 1954 (more than 70 years ago), and has been not posthumously rehabilitated since that date;
  • and this work was first published before January 1, 1954 (more than 70 years ago).

This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:

  • its creator didn't fight or work for Soviet Union victory during the Great Patriotic War — so the 50-year protection term was applied;
  • and the creator died before January 1, 1946 (more than 50 years ago from 1/1/1996), and has been not posthumously rehabilitated since that date;
  • and this work was first published before January 1, 1946 (more than 50 years ago from 1/1/1996).

The author died in 1935, so this work is also in the public domain in other countries and areas where the copyright term is the author's life plus 88 years or less (if applicable), or the copyright term is 91 years or less since publication (if applicable).