Паксять морасан/Ловонь вармать пачк

From Wikisource
Jump to navigation Jump to search
Паксять морасан  (1932)  by Безбородов, Михаил Ильич
Ловонь вармать пачк
М. Безбородов. Паксять морасан. Государственное издательство художественной литературы, Моску, Ленинград, 1932.

[ 28 ]

ЛОВОНЬ ВАРМАТЬ ПАЧК


(М. Б. Костинтти)

Алга, менельга
Вармась лов канды,
Китнень — яннятнень
Ловса тавады.
Вирьга, паксява,
Кода куй вяшки,
Уле *)[1] велетнень
Кельмя ловсь эшли,
Пани алашанц...
Аф пара куля
Вармась тейнек канць...
Минь эрьгодемя
Велесь шовдалгаць,

[ 29 ]

Шись кунарки вальксь.
Велеса кудга,
Газонь толнят палсть.
Минь ускиенкя
Кить алашась каць.
Велесь ичкозя
Эздонок фталу ляць.
Ловса шаманьконь
Кяжи вармась штась,
Нуртти, элезонок
Ловонь фальнясь кассь.
Тяфта практикас
Ловонь вармать пачк,
Веледа велес
Нурдонянькя шашць.

  1. *) Уле — серай