Колхозонь эряф/1939/11-12/Ленинонь тевонц сяда тов великай вятиенцты - Сталин ялгати
| ←СССР-нь Верховнай Советть Президиумонц Указоц Иосиф Виссарионович Сталин ялгати Социалистическяй Трудонь Геройнь званиянь максомать колга | Колхозонь эряф (1939), № 11-12 Ноябрь—Декабрь edited by Чумаков И. Ф. Ленинонь тевонц сяда тов великай вятиенцты — Сталин ялгати. |
Кельгома Сталин ялгась→ |
| Колхозонь эряф. Эрь ковонь литературно-художественнай и общественно-политическяй журнал. Мордовскяй писателень союзть органоц. — № 11-12 Ноябрь—Декабрь 1939. — с. 6—8 |
| Ленинонь тевонц сяда тов великай вятиенцты — Сталин ялгати. |
| Кельгома другоньке и боевой ялганьке! |
Большевистскяй партиять Центральнай Комитетоц седи вакска приветствондатанза Тонь, Ленинть другонц и сонь тевонц сяда тов великай вятиенц, партиять и Советскяй народть вожденц — тонь кодгемонь кизонь топодема шистот.
Нильгемонь кизода лама тон служат пролетарскяй революциять тевонцты, рабочай классть и сембе трудовой народть тевонцты. Тон улеть Ленинть вернейшай соратникоц партиять инкса, пролетариатть диктатуранц инкса сонь тюремасонза. Марса Ленинть мархта лама кизот Тон строяйть и ковандайть могучай большевистскяй партиять. Марса Ленинть мархта тон вятить партиять и рабочай классть вооруженнай восстанияти 1917 кизонь Октябрьста. Кода Ленинть маластонь помощникоц, тон непосредственна вятеть руководства октябрьскяй восстаниянь анокламать сембе тевонц лангса и рабочай классть мархта властть успешнайста сявоманц лангса.
Иностраннай захватчикнень и буржуазно-помещичай белогвардейщинать каршес отечественнай гражданскяй войнань кизотнень Тон, Сталин ялгась, Ленинть руководстванц ала улеть непосредственнай вдохновителькс и организаторкс Якстерь Армиять победанзонды сембе фронттнень эса, коса решандакшневсь революциять судьбац.
Ленинть куломда меле большевиконь партиясь Тонь мудрай руководствацень ала, машфтомок пяк оцю сталмотнень эсь кинц лангста, вятезе минь странаньконь социализмать победанцты.
Народть презреннай врагонза — троцкисттне, зиновьевецне, бухаринецне ёрасть нельгомс рабочай классть ширде, советскяй народть ширде минь странасонк социализмань победать возможностенцты верондамать, аф весть тяряфнесть сяземс партиять потма ширде, срафтомс большевистскяй партиять единстванц, губондамс советскяй властть и социалистическяй революциять. Социализмать врагонзон, партиять врагонзон каршес упорнай принципиальнай тюремаса, тонь руководствацень [ 7 ]ала ленинизмать инкса тюремаса кемокстась Центральнай Комитетсь и сембе минь партияньке. Тон аралайть фкя странаса социализмать победанц возможностенц колга ленинскяй теориять, развил тя великай теориять сяда тов, вооружандайть сонь мархтонза партиять и Советскяй Союзонь трудящайнь миллионнай массатнень — тя обеспечиндазе революциять врагонзон разоблачандамаснон и разгромснон.
Тонь руководствацень ала большевиконь партиясь йотафтозе эряфс странать социалистическяй индустриализациянц, тись индустриальнай од очакт и райотт, тяжелай и легкай индустриянь первокласснай завотт, машиностроениянь мощнай завотт, мезсь обеспечендазе СССР-ть сембе народнай хозяйстванц технически одукс тиеманц и оборонань сембода од средстваса вооружандаманц. Тонь руководствацень ала партиясь тись велеса стама глубочайшай революционнай переворот, кода сплошной коллективизациясь и кулачествать кода классонь машфтомац, колхознай стройть победанц вельде обеспечендаф лама миллионнай крестьянствати культурнай и зажиточнай эряф. Минь странаньке арась могучай индустриальнай державакс, крупнай коллективнай земледелиянь странакс, победившай социализмань странакс.
Ня сатфкснень вельде вишкста касы Советскяй Союзонь нароттнень культурасна. Тиф советскяй интеллигенция, конац преданнай Советскяй властти, социализмань тевти.
Партиясь и Советскяй властсь тонь руководствацень вельде тисть первокласснай техникаса вооружандаф могучай и аф сяськовикс Якстерь Армия, конац ащи надежнай аралайкс минь родинаньконди сембе внешняй вракнень эзда.
Рабочай классь крестьянствать мархта союзса, большевистскяй партиять руководстванц ала, прокс машфтозе ломаньца ломанть эксплоатациянц и тись од, социалистическяй строй СССР-са, конац аф содай аф кризист, аф безработица, обеспечендакшнесы трудящайхнень материальнай благостоянияснон и культурнай уровенцнон апак лотксек касомаснон. Минь тюреманьконь тя главнай итогоц кирди всемирно-историческяй значения, сон кемокснесы сембе миронь трудящайхнень верондамаснон социализмать торжестванцты.
Минь партияньке тонь пяк активнай и непосредственнай руководствацень ала тись могучай многонациональнай советскяй государства, кемокстазе СССР-нь нароттнень великай и нерушимай дружбаснон — синь панжезь-панжемаснон и афсяськовикс шиснон залогонц. СССР-нь од Конституциять, победившай социализмань и развернутай социалистическяй демократиянь Конституциять, справедливайста лемдезе народсь Сталинскяй Конституциякс.
Стане жа, кода и Ленин, тон, Сталин ялгась, фалу шарфнеть и шарфнят оцю мяль революционнай теориять развитиянцты и пропаганданцты. Тонь классическяй теоретическяй [ 8 ]работатне, конат арасть достояниякс минь странасонк и сембе мирса миллиотт ломаттненди, ащихть марксизмань ленинизмань сяда товолдонь развитиякс империализмань и пролетарскяй революциянь эпохать, модать фкя котоцекс пялькссонза социализмань победань эпохать од условиянзон эса. Тон развил государствань марксистско-ленинскяй теориять, тиеть учения капиталистическяй окружениять условиянзон эса социалистическяй государствать колга. Вооружандакшнемок партиять марксизмаса-ленинизмаса, тон апак лотксек пуропнить и кемокснить сонь организационна. Тя основать лангса йотафтф эряфс минь партияньконь Сталинскяй единствац.
Большевистскяй партиять инь цебярь сатфксонзон эзда фкакс, конат сатфт тонь заботацень и руководствацень вельде, ащи кадратнень вишкста касомасна, социалистическяй строительствати и социализмань странать оборонанцты лама тьожянь од работниконь выдвижениясь.
Макссемок сембе эсь вийхнень народти великай служенияс, — тон, Сталин ялгась, тяфта жа кода и Ленин, кельгсак эсь народоньконь и аф явондат народть эзда. Тяфта жа кода Ленин, тон кружафат Советскяй Союзонь и сембе миронь трудящайхнень седи ваксстонь кельгомаса.
Тячи минь партияньке и Советскяй Союзонь нароттне, приветствовандамок тонь кодгемонь кизонь топодема шицень мархта, пуромфт кода ашель мзярдовок эсь Центральнай Комитетснон перьф Ленинонь—Сталинонь знамяснон ала и анокт сяда товолдонь тюремати коммунизмать полнай победанц инкса.
Шумбра улеза большевиконь аф сяськовикс партиясь, Ленинонь—Сталинонь партиясна!
Эряк лама киза, минь родной Сталиноньке, радостекс партияти, рабочай классти, Советскяй странань и сембе миронь нароттненди!
| Всесоюзнай Коммунистическяй (большевиконь) партиять Центральнай Комитетоц. |
1939 кизонь декабрть 20-це шистонза.