Эрзянь ёвкст (М. Е. Евсевьев, 1928)/33

From Wikisource
(Redirected from Курник (ёвкс))
Jump to navigation Jump to search
Эрзянь ёвкст  (1928) 
Эрзя ломанть, edited by Евсевьев, Макар Евсевьевич
Ёвкс 33
Эрзянь ёвкст (скаскат). Пурныньзе М. Е. Евсевьев. СССР-энь Наротнэнь Центральной Издательствась. Москов, 1928
[ 104 ]

КУРНИК.

Эрясть атя ды баба. Сынст ульнесь колмо крандаст розест. Сынь терьцть сисемь пивсыцят. Бабась паньць пивсыцятьненень калинань курник и путызе вальма ланкс кельмеме.

Курниксь скокаць вальманть лангсто и тусь кеверезь.

Кеверьсь, кеверьсь — понксь каршозондо нумол и мери: „Сэвдян, курник!”

— „Илямак сэве, — мон сисемь пивсыцядо оргодинь, тоньть эйстэяк, чирь пильге нумол, оргодян!” И тусь кеверезь.

Кеверьсь, кеверьсь, понксь каршозонзо вергис и мери: „Сэвдян, курник!”

— „Илямак сэве, — мон сисемь пивсыцядо оргодинь, чирь пильге нумолдо и тоньть эйстэ, котел-бря вергис, оргодян!” И тусь таго кеверезь.

Кеверьсь, кеверьсь — понксь каршозонзо ривезь и мери: „Сэвдян, курник!”

— „Илямак сэве, — мон сисемь пивсыцядо оргодинь, чирь пильге нумолдо, котел пря вергиздэ и тоньть эйстэ, чирь пря ривезь, оргодян!”

Ривезь тейсь прянзо амарикс и мери: „Месть кортат? — а марян! Сак седе малав!”

Курниксь мольсь малав и кармась пилезэндэ кортамо.

Ривезесь кундызе ды сэвызе, калинатьнесэ пряндо ваднизе.

Юты сия вергис и мери: „Ривесь, сэвдян!” — „Ох вергискай, монськак сэредян! ваныка, — коням кодамо!”

— Ох, ривезь, кулат!

— Адя, кандымак стога бокас ды сэвимак!

Вергис кандызе ривезень копна бокас.

[ 105 ]Ривезесь куйсь стога пряс и мери: „Вергис, а вергис! На вана теть кукиш!”

Вергис пижакаць: „Аву, аву! ривезь манимем!” — и тусь вирев.