Эрзянь Мастор/2011/12/Кулось Арапов Александр Васильевич...
| ←Кулось Биушкина Мария Романовна... | Эрзянь Мастор, № 12 (356), 24 июня 2011 edited by Нуянь Видяз, Кшуманцянь Пиргуж Кулось Арапов Александр Васильевич... |
Садо-садо Грушень промкссов!→ |
| Статья на сайте газеты: № 356, 24.06.2011, Кулось Арапов Александр Васильевич... |
| Кулось Арапов Александр Васильевич... |
Арапов А. В. чачсь 1959–це иень сундерьковонь 1-це чистэ Дубинькань буень Кенде велесэ. 1977-це иестэ прядызе сырнень медаль марто Кобалень школанть. М.В.Ломоносов лемсэ МГУ-нь журналистикань факультетэнть прядомадо мейле (1983) малав кавто иеть важодсь «Мордовский университет» газетань корреспондентэкс. 1985-це иестэ тердизь важодеме «Сятко» журналонь редакцияв. Ульнесь литсотрудникекс (1985-1989), поэзиянь ды публицистикань отделэнь редакторокс (1989-2000). 2000-це иестэ саезь — «Сятко» журналонь прявт редактор.
Россиянь Сермадеень Вейсэндявксонь член (1994). Лиссть поэзиянь книганзо: «Вайгель» (1990), «Вальма» (1992), «Взмах» (2001), «Мейле» (2006), «Жест» (2010). Стихензэ совасть вейсэнь сборникс, конат лиссть Саранск, Челябинск, Самара, С-Петербург, Москов, Хельсинки, Будапешт, Таллинн, Тарту оштнесэ.
«Литературная Россия» газетань лауреат (2000). Мордовиянь заслуженный поэт (2003).
* * *
2011-це иень аштемковонь 14-це чистэ 14 чассо лоткась чавомо седеезэ Арапов Александр Васильевич поэтэнть, «Сятко» журналонь прявт редакторонть. Прядовсь эрямо кизэ весемеде келей таркасонзо. Прядовсь сестэ, зярдо теевель тензэ теезденть кавксть-колмоксть, седе ламо. Стихть, балладат, поэмат… Тердсть сонзэ сюлмавомс мартост. Арась эзь пачкоде эйзэст, эзь саво комавтомс прянзо велькссэзэст, седеесь эзь маря, сизесь.
Минь, «Эрзянь Масторонь» перька пурнавозтне, Арапов Сашань содыцянзо ды ловныцянзо ёвтанано малавиксэнзэ туртов седей ризкс ды мель—кирдемс, апак новоле, неть чопода читнень.
| Нуянь Видяз, Кшуманцянь Пиргуж, Мацьказонь Лёфай, Эрюш Вежай, Кузоватонь Оля, Дригань Толай, Аношонь Тумай, Журавлев Числав, Козаконь Петя, Гайнинькань Пичай, Шарононь Сандра, Калаганонь Керяз |
* * *
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |